¹ Gule si Jesús ndani guidxi Belén xti Judea ca dxi na'ca Herodes xaique, cadxi hombre nuu xpiaani' ni zaa ca neza rindani gubidxa yendaa ca Jerusalén canaba diidxa ca: ² "¿Paraa nuu Xaique xti ca Judiu ni gule pue? Bidu'ya du beleguí xti be de neza rindani gubidxa ne zeda gusisaca du laabe". ³ Ra bedandá ndi ra diaga rey Herodes la?, bidxibiné guidubinaca Jerusalén. ⁴ Herodes bichíña guiraa ca sacerdote gola ne ca ni rusiidi xtiidxa Diuxi de guidxi que ne gunaba diidxa be laaca: "¿Paraa chi gale ni rabi cabe Cristu?" ⁵ Laacabe bicabi cabe laa: "Guidxi Belén xti Judea, ti maca bicaa profeta que ni: ⁶ 'NE LII, BELÉN, NI NUU XQUIDXI JUDÁ, CADI TUTIICASI' LII LADE CA GUIDXI RO' XTI JUDÁ, TI DE LII ZEDANDÁ TI XAIQUE NI GU'YA' CA XPINE' NI NUU NDANI ISRAEL. ⁷ Oraque Herodes naga'chi bisenda caa be ca hombre nuu xpiaani que ti guinaba diidxa chaahui be laaca pora pe nga bihuinni belegui que. ⁸ Laabe biseenda be laaca guidxi Belén ne ná be: "La ché ne laguyubi chaahui Xcuidi ca. Ora guidxelatu laabe la? gueda tidxi tu naa, ti chaa ra nuu be ne laca gusisaca laabe." ⁹ Bicaa diaga si cabe xaique que la? guzaa ru cabe ne xa beleguí biiya cabe neza rindani gubidxa que la? zaa niru ni lú cabe ne bianadxí ni ra nuu Xcuidi que. ¹⁰ Ora biiya cabe beleguí que la? nabé biéche cabe. ¹¹ Laacabe guyee cabe ra yoo que ne biiya cabe Xcuidi que ne Maria, jñaa be. Laacabe bizuxibi cabe ne bisisaca cabe laabe; bixhale cabe ca ni risaca zinee cabe que, ne bisiga'de cabe laabe oro, gu'xhu ne nisa rinda' naxhi mirra. ¹² Diuxi bisá niru lú cabe lu ti bacaanda jma cadi guibigueta cabe ra nuu Herodes; nga' runi bigueta cabe xquidxi cabe xti neza. ¹³ Zee si cabe que la?, ti Ángel xti SEÑOR biree lú José lu ti bacaanda ne rabi laabe: "Biasa, gucuaa Xcuidi ca ne jñaa, ne laché Egipto. Laguiaana raqué de ora Naa gabe laatu, ti Herodes xaique guidxi zuyubi be Xcuidi ca ti guutibe laa". ¹⁴ Gueela que José biasa, ne gucuaa Xcuidi que ne jñaa, ne zee cabe Egipto. ¹⁵ Laabe guyuu be raqué dede ra bedanda dxi guti Herodes. Zaca guca ni guní' Diuxi gudxi profeta que, "DE GUIDXI EGIPTO NAA BISENDACAA XIIÑE." ¹⁶ Ora gunna Herodes gudxite ca hombre nuu xpiaani que laa la?, nabé bidxiichi be. Laa bisenda guuti guiraa ca hombre huiini ni napa chuppa iza o ni caru gusaa ca ni, cani nuu Belén que la? ne ca ni nuu guiraa ca guidxi nuu gaxha que, bia'si pe ca iza gudixhe ca hombre nuu xpiaani que. ¹⁷ Ne zaquee guca guiraa ni maca guní' profeta Jeremías que: ¹⁸ "BINADIAGA CABE TI RIIDXI ZEEDA DE RAMÁ, GUENDA RUUNA NE TI RIIDXI YUUBA, RAQUEL CAYUUNA GUNI CA XIIÑI, NE QUE NINÁ NUSIGANI CABE LAA TI MA QUE GUI'NI CA XIIÑI BE QUE". ¹⁹ Dxi ma guti Herodes que la?, ti Ángel xti Señor beeda ra nuu José lu bacaanda dxi nuu be Egipto ne rabi laabe. ²⁰ "Biasa ne gucuaa Xcuidi ca ne jñaa, yené laacabe guidxi Israel ti ca ni canayubi guuti laabe que, ma guti ca'." ²¹ José biasa ne gucuaa Xcuidi que ne jñaa, ne bigueta ca guidxi Israel. ²² Ne ora laabe binadiaga be Arquelao zuuba de xaique guidxi Judea, ra gurí Herodes bixhoze be la?, bidxibi be ñé be raquee. Gudxi si Diuxi ngue laabe lu bacaanda la? biree be zee be Galilea, ²³ guyee be la? ne guleza be ndani guidxi ni lá Nazaret. Bedagaca ndi casi guní ca profeta de que zabi binni Laabe Nazarenu.