¹ Xtale nga tu laa ma huayacala'dxi' cuaqui'chaahui' guirá' ca ni ma guca lade nu, ² ne casi ca laacabe bidii cabe ni laadu, cani dede dxi bizulú nga nacacabe ca ni dxandi' biiya' guirá' ca ni bizaacaca ne laacabe nga canacaacabe ca diidxaca'. ³ Ngue runi laca biquiinde naa, ra ma birá guzaya' canabadidxa chaahue' xi modo nga bedaguizaca guirá' ca ni ma nannanu dxandi' bizaacaca, cuaquechaahue' cani ne gucaa cani xneza para lii, binni risaca xtale nacalu' Teofilu. ⁴ Ti zaca gannachaahuilu' xi modo nga dxandi' bedaguizaca guirá' ni ma huasiidicabe liica. ⁵ Lu ca dxi bibani Herodes, xa ique xti' guidxi Judea, guyuu ti sacerdote la Zacarías, ni zeeda lade ca xpinni Abías. Xheelabe Elisabet la? zeeda lade ca xiiñi' Aarón. ⁶ Guiropacabe nacha'hui' gucacabe, bizuubacabe xtiidxa Diuxi ne zaqueca bi'nicabe guirá' ni gudxi Diuxi laacabe gunicabe. ⁷ Huaxa que gapadicabe nin ti xiiñicabe, ti que ñandadi ñapa Elisabet ti ba'du' ne bia' nuucabeque la? ma nagolacabe ne guiza' ma nagana ngue ñedagapacabe ti xiiñicabe. ⁸ Yanna bedagaca ca dxique ra Zacarías bidxiña nezalu' Diuxi cayuni ca dxiiña' ni ma nexhe' guni casica biseenda ca sacerdote ra zeedabeque gunibe. ⁹ Ne casica ma biaacabe cuicabe ti sacerdote guni xhiiña' Diuxi la? xtale tu guli laabe ti zaca chuube ndaani' yu'du' xti Diuxi ne cuube gu'xhu'. ¹⁰ Ne guiraxixe binni ni nuu fuera de yu'du'que la? cani'neca Diuxi laga caguube guxhu' ndaani' yudu'que. ¹¹ Yanna bedandá ti ángel xti' Diuxi ne bizuhuaa ladu derechu xti mexa ra ruguucabe gu'xhuque. ¹² Ra biiya' Zacarías laabe la? bidxibi ne bianane dxiibique. ¹³ Huaxa ángelque rabi laabe sicari', cadi guidxibilu' Zacarías, ti ma bicaadiaga Diuxi ni canabu' laaque, xheelalu' Elisabet la? chigapabe ti xiiñilu', ne lii chindeelalu' laabe Juan. ¹⁴ Li ziechelu ne stale ziechenecabe li ora galebe. labe zacabe naroba neza lu señor. ¹⁵ Labe queziudi dxi guebe nisa uva ninca nisa ni ruxhudxi, ne zadxatipabe de espiritu santu dede ndani jñaa'. ¹⁶ Ne xtale de ca xiiñi Israel la? zabiguetaca' ra nuu Diuxi xtica'. ¹⁷ Laabe ziebe nezalu' Diuxi ne espíritu ne guendanandxo' xti' Elías. Ne zaca zunibe la? ti ganda binni gaca tobisi ne ca xiiñi', ti ganda cani que runa saca' lu guendabiaani' xti' cani runi xneza ne zaca quixhechaahuibe ca binnique para ora ma guendandá Diuxi. ¹⁸ Zacarías la? gudxibe ángelque sicari', ¿xi modo zanda ganna pa dxandi' nga ca ni caya'bu' naaca ya'? ti naa ne xheela' la? ma bio'xhodu. ¹⁹ Bicabica ángelque laabe sicari', naa nga Gabriel, ni ruzuhuaa neza lú Diuxi, ne naa nga biseendabe guedania' ca diidxa' sicarúdi ra nuulu'. ²⁰ Ne yanna la? zadeegu ruaalu', ma que zandadi guini'lu' de ra guedandá dxi guizaaca guirá' ni ma gudxe' liica. Zacani zaca la? ti lii que ñunicrédiou' ca diidxa', ne guirá ni gunie' ca la? zazaaca cani ra ma guedandá dxi guizaacacani. ²¹ Ca binnique la? cabezacabe Zacarías. Cadxagayaacabe xiñee guiza' candaabe ndaani' yu'du'que. ²² Huaxa ra laabe bireebe la? ma que ñandadi' nini'nebe laaca. Raqué gunnacabe guyuu xi bilui' Diuxi laabe laga nuube ndaani' yu'du'que. Laabe nisi cayunibe seña luca' ne zaqué biaanabe ma que nini'dibe gaxti'. ²³ Ra bedaguiluxe ca dxi nexhe' gunibe dxiiña' ra yu'du' xti' Diuxique la? bireebe zebe ra lidxibe. ²⁴ Gudidi' si ca dxique, bedagaca xiiñi' Elisabet. Laabe bianabe yoo bia'si gaayu' beeu, ne guni'be, ²⁵ Ndi nga ni bi'ni' Diuxi pur naa ra laabe biyadxibe naa ti ma que guituidilua' neza lú binni. ²⁶ Ra ma gudidi' xhoopa' beeu la? biseenda' Diuxi ángel Gabriel che' ra ti guidxi nuu Galilea la Nazaret ²⁷ ra nuu ti binnidxaapa ni ma yenaba' ti badunguiiu la José laa. José la? zeedabe de ca lisaa xti' David, ne María nga la dxa binnidxaapaque. ²⁸ Ángel Gabriel beeda' ra nuube ne gudxi laabe, padiuxi, lii nga ni jmá casacalu' lade guirá', nuune Diuxi lii. ²⁹ Huaxa laabe que ñenedibe ca diidxa' gudxi ángelque laabe ne candaa iquenebe padé zeeda guendarugapadiuxique. ³⁰ Ángelque gudxi laabe, cadi guidxibidiou' María, ti ma guluu ndaaya Diuxi lii. ³¹ Chigacaxiiñilu' la? ne zapalu' ti xiiñilu'. Lii chindeelalu' laabe Jesús. ³² Guiza' nandxo' chigacabe ne zaree labe xiiñi' ni jmá nandxo'. Diuxi la? zudii laabe bangu' ra gurí bixhozegolabe David. ³³ Zacabe xa ique xti' lidxi Jacob ne qui ziuudi dxi guiluxe guendaraca xa ique xtibe'. ³⁴ Para ná María rabi laabe, ¿xi modo zanga gaca ca nga ya'? pa naa qui huayuaanidia' guiruti'. ³⁵ Bicabica ángelque laabe sicari', zedandá Espíritu Santu luguialu' ne zaqueca guendanandxo' xti' Diuxi. Ngue runi baduhuiini' guyuu ndaaya chigaledi' zaree labe xiiñi' Diuxi. ³⁶ ne biya dxi, binii lidxilu elizabeth, laca gupabe xhiñii be ra ma nagolabe. ndiga xhopa beu para labe, labe nga gudxicabe ni que zapa xhiñii. ³⁷ gastidi ni nagana para Diuxi. ³⁸ MARIA guni: "biya, nanga rune xhiiña' xhaique. ne gacani casi ninaa' xtidxa lu. ne angel que bisaana labe. ³⁹ Gueruni Maria biasa ca dxi que' ne naguenda guyube lade danihuini' ndani guidxi Judea. ⁴⁰ Labe guyube ralidxi Zacarías ne bigapadiuxhi be' Elisabeth. ⁴¹ Ne yana guca que Elizabeth guyu diagabe diuxhi xti maria, baduhuini que guyubibe ndani nguiabe ne elizabeth bidxatipabe de espiritu santu. ⁴² Labe gundizabe ridxi' xtibe nadipa ne gunibe: "ndaya li lade ca gunaca' ne ndaya ni caroba ndani lucaa'. ⁴³ ¿Ne xhiñee nga naa cazacani que jñia' xhaique xtine zeda ra nua? ⁴⁴ Yanala biya, ora li bigapadiuxhilu ridxi xtiluca vedani ra diaga, baduhuini ni nu ndane bicheza de guenda nayeche. ⁴⁵ Ne gacabe ndaya, labe ni bini creebe' zaca guira cani xhaique gudxi labe." ⁴⁶ Maria guni: "alma stine rusisaca xhaique stine ⁴⁷ Ne espiritu stine riecheneni diuxi ni rulana'. ⁴⁸ Ti laabe biyadxibe ra xaguete nuaa' ne gulibe naa. Ne dede yannadxi ne guirá' dxi ni zeeda zabicabe naa ni guluu ndaaya' Diuxi lade guirá'. ⁴⁹ Ti guiza' xtale nga ni ma bi'ni' Diuxi nandxo'ca pur naa, santu nga naca labe. ⁵⁰ Xhilase xtibe nga zee ne zeda' luguia ca ni ridxibi laabe. Ne naabe Laabe biluibe guenda nandxoo xtibe; ⁵¹ Laabe ma bichechendasebe guiraa ni bidxiba laca laa, guni guira ni rini xpiani ni rire' ndani ladxido. ⁵² Laabe ma bisaba be ca principe de lu bangu de guenda nadxoo xti, ne ma gundisabe ca ni huaxie napa. ⁵³ Laabe ma bicha tipabe ndani cani candaa'na ne ni sicaru', huaxa ca ni napa bidxichi la?bisaanabe la sin gaxti. ⁵⁴ Laabe ma gucanebe siervu xtibe israel, ti zaca guzete nadxibe xi modo biluibe xhilase xtibe, ⁵⁵ ( ne casi ca gudxibe ca bixhozebe) Abraham ne ca ni zaa de laa dede guira'dxi." ⁵⁶ Maria bianané Elisabet bia' chonna beeu ne raque ru' biguetabe ra lidxibe. ⁵⁷ Huaxa yanna dxi que bedanda Elizabeth gapa xiiñi ne laabe gupabe xiiñi be. ⁵⁸ cani nabeza gaxa de laabe ne ca lisaa xtibe Binadiagaca ca que Diuxi bilui narooba guenda ria xti ne laabe ne bieche ne cabe laabe. ⁵⁹ Yanna la? ra bizaa xhono gubidxa beedacabe beeda nduu cabe seña xti Diuxi baduhuiini. zabe laacabe laabe "Zacarías", laacabe ma rabica be laabe Zacarías casi laa bixhozebe. ⁶⁰ Huaxa jñaabe bicabi ne guní. "Co', Laabe chi guiree labe Juan." ⁶¹ laacabe gudxi cabe laabe: guirutidi lade ca lisaa lu' bire la zaca." ⁶² Laacabe biniibi na cabe lú bixhozebe canabadiidxacabe laa xi modo racala'dxi' be guiree labe. ⁶³ Bixhozebe gunaba' ti ra guca ne bica: " labe nga Juan." guiraca be bidxagayaaca be ne ndi. ⁶⁴ Ne naguendaca bixele ruaabe, ne bixegue ludxibe. Laabe guní be ne bizulúbe cani'be ne bisisacabe Diuxi. ⁶⁵ Guendaridxibi bedandá luguiá guiraa cani nabeza gaxha de laabe. Guiraa ni bizaca di la? bireche ndase cani guidubinaca guidxi nuu lade ca dani xti' Judea. ⁶⁶ Ne guiraa ca ni binadiagacani gupacani ndaani' ladxido' ca ne guni'ca, ¿tu laa guedagaca baduhuiinica ya'? Diuxi nuu nee laabe. ⁶⁷ Bixhoze be Zacarías bidxa tipa de Espiritu Santu ne guni xi chigaca, ne na: ⁶⁸ ''Rusisacadu Señor, Diuxi xti Israel, ti Laa bedagacané ne bedagulá guidxi xti''. ⁶⁹ Laabe gundisabe ndaani' lidxi xiiñibe David ti ni nandxo' chigulá laanu, ⁷⁰ Casica laabe guni'be lu ruaa ca profeta xtibe ni bibani dxiqué. ⁷¹ Laabe zulaabe laanu de ndaani' na' ca ni que racala'dxi laanu ne ca ni nanala'dxi laanu. ⁷² Laabe zunibe sicari' ti zaca gului'be xilase xtibe ca bixhozenu ne zaqueca guietenala'dxibe dxa guendarutágu diidxa ni bi'nibe que, ⁷³ ca diidxa bidiibe bixhozenu, Abraham que. ⁷⁴ Ora laabe bidii xtiidxabe ra ma bilábe laanu de ndaani' na' ca ni que racala'dxi laanu la? ma que zapadinu guendaridxibi ra gusisacanu laabe, ⁷⁵ zacanu nayaa ne zabaninu lu guendaruni xneza neza luu be guiraa xixé dxi. ⁷⁶ Ya, ne li, xcuidi, zare' lá' lu ti profeta xti Diuxi, ne lii zié lu neza lú Señor ti cuaquicha'hui lu neza xtibe, ti guzuhuácha'hui lu binni dxi guedabe, ⁷⁷ ne gusiidi lu de guedarilá guidxi xtibe de ca guenda rixiá donda xtica. ⁷⁸ Zazaaca ndi la? ti Diuxi xtinu guizaa riaa, ngue runi Laabe la? nacabe casi gubidxa ni zeda guiree siadó ro zedagacané be laanu, ⁷⁹ ti zaca guzaani be cani ribí lu guelacahui ne lu bandá' xti' guendaguti. Laabe zunibe ndi ti gusaabe laanu lu ca neza de guendaratadxi'. ⁸⁰ Raque biniisi baduhuiinique ne bidxá tipabe de Espíritu Santu xti' Diuxi, ne bibani be ndani desiertu dede ra bidxiña dxi bihuini be ndani guidxi Israel.