¹ Fidjus di Israel, nhos obi palavra de NHORDES; pamodi NHORDES ta gera ku abitanti di tera; pamodi ka ten verdadi, nen mizericordia, nen kunhesimentu di Deus na tera. ² Maldison, mintira, matansa, roubu y adulterio ta kontinua; deramamentu di sangui ta kirci. ³ Pamodi kela tera ta lamenta, y kualker un ki mora nel ta falese, ku kes animal di campu y kes pasaru di séu; y ti kes pexi di mar ta mori. ⁴ Mas ninguem ka ta briga y ka nhos dexan ninguem difama-nhos pamodi nhos e, y kes saserdoti k Ami n sa difama ⁵ Nhos sacerdoti ta da topada di dia; y profeta ta da topada ku nhos di noti, y mi nta distrui nhos mai ⁶ Nha povu sa ta ser distruidu pa falta di konhesimentu pamodi nhos saserdorti, rejeita konhesimentu, tambe nta rejeita nhos moda nha saserdoti pamodi nhos skesi di nha lei mesmu k mi era nhos Deus, mi tambe nha skesi di nhos fidjus, ⁷ Kantu mas ta aumentaba saserdoti mas es ta pekaba kontra mi es troka nha onra pa burgonha. ⁸ Es ta kume pekadu di nha povu ; es e ganansiosus pamodi ses maldadi ⁹ Si ka ta ser pa povu sima pa saserdoti Ami nta puni-s pa ses ason ¹⁰ Es ta kume es ka ta farta ; es ta prostitui ma es ka ta aumenta, pamodi es afasta di Nhordes ¹¹ Es ama promiskuidadi sexual, vinhu, y vinhu nobu k tra-s intendimentu. ¹² Nha povu konsulta otus deus di madera y ses bengala ta da-s profesia pamodi menti di promiskuidadi desvia-s y es agi sima prostituta enbes des ser fiel ses CDeus, ¹³ Es sakrifika na altu di monti y es kema insensu na montanha di baxu di karvalhu, alamos e terebintus pamodi ses sombra e dretu, nton ses fidjas kumeti adulteriu ¹⁴ N ka ta puni nhos fidjas ora kes skodje kumeti imoralidadi sexual, nem nhos noras ora k kumeti adulteriu ; pamodi, tambe omi k ta prostitui y oferesi sakrifisius pa kes podi kumeti atus imoral ku prostitutas sagradas pamodi kela es povu sen intendimentu ta ser destruidu. ¹⁵ Ma bo Israel bu ten kumetedu adulterio, ki juda ka torna kulpadu ka nhos bai Gilgal, nhos povu, ka nhos subi pa Bete Aven y ka nhos jura ta fla bibi Nhordes. ¹⁶ Pamodi kela Israel komporta temosamenti, sima un vitela rebeldi ; Modi ki Nhordes podi leba-s pa un pastu, sima kes korderus na kampina spasoza. ¹⁷ Efraim djunta ku idulus ; dexal el so . ¹⁸ Mesmu ora ke se bedida forti kaba, es kontinua ta kumeti adulteriu, ses lideris ta ama, apaxonadamente se ¹⁹ burgunha.Bentu envolbe-s na se'asa y es ta ser burgonhadus trokadu ses sakifisius.