¹ Cecitika mumasiku bamene Oweruza belamulira kuti kukabe njala mcalo, ndipo munthu muyakine waku Betelehemu mu Yudeya eciya ku calo ca Moabu na mwanakazi wake na bana bake analume abili. ² Zina la munthu uyo lenze Elimeleki, ndipo zina la mwananakzi wake lenze Naomi. Mazina ba bana bake banalume benze Maloni na Kiliyoni, benze baku Efrata ku Betelehemu mu Yudeya. Befwika ku calo ca Moabu na kunkhala kwamene kwala. ³ Ndipo Elimeki, mwanalume wa Naomi, ecifwa, ndipo emusiya na bana bake analume abili. ⁴ Aba bana babili etola anazinakazi bao pakati pa anakazi ba Moabu; zina la umozi lenze Oripa, ndipo zina la muyakine lenze Rute. Benkhala kuya kwa zaka teni. ⁵ Ndipo onse abili Maloni na Kiliyoni becifwa, kusiya Naomi aliye mwanalume ndipo aliye bana. ⁶ Ndipo Naomi eganizila kufumako ku Moabu na azipongozi bake abili na kuwelera ku Yuda cifukwa ecimvwa dmdela la Moabu kuti Yehova eyavya banthu bake ofunishisha na kubapasa cakulya. ⁷ Teto efumako kumalo kwenzelili na azipongozi bake, ndipo beyenda mnjira kuwelera kucalo ca Yuda. ⁸ Naomi eciti ku azipongozi bake abili, "nkhoyani, welerani, aliyense, ku mang'anda ya azinyina wanu. lekani Yehova aoneshe cufundo pali mweo, monga mwamwaoneshela cifundo pali bakufwa na pali neo. ⁹ Lekani Mulungu akakupaseni viyakine vati mukapez, aliyense wa mweo mung'anda ya alume bake." Ndipo ebafyofyona, na kufumya mau bao kulira. ¹⁰ Beciti kwa eve, "yai! tiwelera na mweo ku banthu banu." ¹¹ Koma Naomi eciti, "welela, mwana wangu!cifukwa ufuna kuya na neo? ko nikali na bana banalume m'mala mwangu ba weo, kuti bakankhale azinalume bako? ¹² welela, mwana wangu, nkhoya mnjila yako, pakuti nine okalamba ngako kuba na mwana lume. Ngati nikuti, 'ningakonde kua na mwanalume usiku wa lero,' nidpo nakuba bana banalume, ¹³ ungayembeze mpaka bakakule? ungasankhe kulunguliwa na mwanalume? Yai, bana bangu! nicobabisha ngako kwa neo pali mweo kuti kwanja la Yehova lanikalipira." ¹⁴ Ndipo azipongozi bake bekuwa na kulira soti. Oripa ebafyofyona apongozi bake pobalaira, koma Rute ebakatilira. ¹⁵ Naomi eciti, "ivwa mwanakazi muyako waluta ku banthu bake na milungu yake. Nkhoya na mwanakazi muyako." ¹⁶ Koma Rute eciti, "musacitishe kuti neo nifume pamenso panu, pakuti kumukuya, nane nukuya; kwati mukankhale, nane nikankhale; banthu banu bakabe banthu bangu, na Mulungu wanu akabe Mulungu wangu. ¹⁷ Kwati mukafwile, nane nikafwile, ndipo moikilapo, kuliye ciyakine koma imfwaniye yati ikatipatule." ¹⁸ Naomi peciona kuti Rute wafunishisha kuya nae, eleka kukangana naye. ¹⁹ Teto babili beyenda mpaka kufwi ku mzinda wa Betelehemu. Cecitika kuti pibfwika ku Betelehemu, boma yonse yekondwela na beve. Anakazi eciti, "Ni Naomi uyu?" ²⁰ Koma eciti kwa beve, "musaniite kuti Naomi. Muniite kuti kubaba, pakuti Wamphamvu wanicitila cobabisha. ²¹ Neluta ozula, koma Yehova ku ng'anda niliye kanthu. Teto muniitilanji kuti Naomi, Yehova wanikalipila, kuti Wamphamvu wanipekesha?" ²² Teto Naomi na Rute m'Moabu, mpongozi wake, bewelera ku calo ca Moabu. Befwika ku Betelehemu pa nthawi yofumya barele.