¹ Mcaka cacibili ca mfumu Dariyo, mu mwezi wa sikisi, pa siku loyamba la mwezi, mau ba Yehova bewelera mu kwanja la Hagai mneneri wa kazembe wa Yuda, Zerubabele mwana wa Sealatieli, na kwa Yoswa mkulu wa nsembe mwana wa Yehozadaki, kuti, ² "Yehova wamphamvu zonse: aba banthu bakuti, 'ni nthawi yasu lini kuti seo tiweleolo kumanga ng'anda ya Yehova.'" ³ Teto mau ba Yehova bewelera pa kwanja la Agai mneneri, kuti, ⁴ "ko ni nthawi ya mweo mweka kunkhala mu mang'anda yabwino, pamene nganda iyi yuonongeka? ⁵ Teto yehova mkulu olabila ici: ganizilani njila zanu! ⁶ mwacala mbeu zinyinji, koma muleta zokolola zitontho; mukulya koma mukuta lini; mukumwa koma mukolewa lini. Muvwala vovwala koma mufunshiwa lini, ndipo wolipila ndalama wolipiliwa na kuyoziika mu ma thumba yobooka! ⁷ Yehova mkulu olabila ici: "ganizilani njila zanu! ⁸ kwelani kumalupili, mukalete vimiti na kumanga ng'anda yangu; ndipo nikakondwele nayo, na kulemekezeka!- akuti Yehova." ⁹ "mwezosakila vinyinji, koma langani! kung'anda muleta tutontho, pakuti nuvifuzilira! cifukwa?" onenera Yehova mkulu. "Cifukwa ng'anda yangu niyoonongeka, pamene aliyense wa mweo oika nzeru ku ng'anda yake. ¹⁰ Cifukwa ca ici kululu kwakatilila mame kwa mweo, ndipo calo ca pansi cakalira vokolora. ¹¹ Naita cilala kuwela pa calo ca pansi na mumalupili, pa mbeu, na pa vinyu walomba, na pa mafuta, na pa vokolola vapacalo, pa analume na pa vinyama, na pa nchito yonse ya manja yanu!" ¹² Teto Zerubabele mwana mwanalume wa Salatiele, na mkulu wansembe Yoswa mwana wa Yehozadaki, pamozi na osalira onse ba banthu, bemvwilira mau ba Yehova Mulungu wao na mau ba Agaimneneri, cifukwa Yehova Mulungu wao emtuma ndipo banthu beyopa cinso ca Yehova. ¹³ Ndipo Agai wamthenga wa Yehova, elabila mau ba Yehova ku banthu na kuti, "nili na mweo- aya niye manenero ba Yehova!" ¹⁴ Moteto yehova evundula mzimu wa kazembe wa Yuda, Zerubabele mwana wa Salatiele, na mzimu wa mkulu wansembe Yoswa mwana wa Yehozadaki, na mzimu wa banthu onse osalako, mwakuti beluta kuyokata nchito ku ng'anda ya Yehova mkukulu, Mulungu wao ¹⁵ musiku la twenti folo mu siku la mwezi wa sikisi, mu caka cacibili ca ufumu wa Dariyo.