¹ Mu muwezi wa seveni pa siku la tweti wanu la mwezi, mau ba Yehova bewela pa kwanja la Agai mneneri, kuti, ² "labila na kazembe waYuda, Zerubabele mwana wa Salatiele, na ku mkulu wansembe Yoswamwana wa Yehozadaki, na ku banthu onse osalira. Kuti, ³ 'Nibani wankhalapo pakati pa mweo eonapo ng'anda iyi mu ulemero wake? Muiona tyani lomba? yuoneka lini monga paliye cilipo m'menso mwanu? ⁴ Lomba, nkhalani olimba, Zerubabele!- aba niye manenero ba Yehova- ndipo munkhale olimba, mkulu wansembe Yoswa mwana wa Yehozadaki; nkhala olimba, mweo banthu onse pacalo!- aba niye manenero ba Yehova- na nchito, pakuti nibe namweo!- aba niye manenero ba Yehova mkulu. ⁵ Ici niye cipangano cinepanga na mweo pimwefuma mu Igipito, ndipo mzimu wangu unkhalire na mweo. Musayope! ⁶ Pakuti Yehova mkulu olabila ici: kwasala pantontho nigwendeze soti kululu na calo conse capansi, nyanja na malo yoyuma! ⁷ nigwendeza calo ciliconse, ndipo calo ciliconse cikalete vinthu vabwino kwaneo, nikazuzye ng'anda iyi na ulemelero, akuti Yehova mkulu. ⁸ Siliva na golide nizangu!- Aya niye manenero ba Yehova. ⁹ Ulemero wa ng'anda ukabe ukuleni kupambana poyambilira, akuti Yehova mkulu, ndipo nikapase mtendele mu malo aba!- aya niye manenero ba Yehova mkulu." ¹⁰ Pa siku la twelufu mu mwezi wa naini, mu caka cacibili ca mufumu wa Dariyo, mau ba Yehova bewela pa kwanja la Agai, kuti, ¹¹ "Yehova mkulu olabila ici: Konshani bansembe pali lamuro, na kuti, ¹² 'ngati munthu wanyamula nyama yopatulikila Yehova mcovwala cake, ndipo covwala cake cakumya ku buledi olo muto, vinyu, olo mafuta, olo cakulya ca mtundu uliwonse, ko cunkhala cituba?'" Wansembe eyankha na kuti, "yai" ¹³ Moteto Hagai eciti, "ngati muyakine wamene ali osatuba cifukwa ca imfwa wakata vinthu ivi, onkhla osatuba?" Wansembe eyankha na kuti, "inde, bonkhala ofifyiwa." ¹⁴ Teto Hagai eyankha na Kuti, "nicimozi-mozi na banthu aba na calo ici pamenso pangu!- Ici niye cizibisho ca Yehova- ndipo teto cibe na ciliconse cocitiwa na manja bao. Cakupeleka kwa neo nicosatuba! ¹⁵ Teto lomba ganiilani mnzeru zanu venzokucikilani mpaka lero. Mwala ukaliye nkhazikiwe pa mwala uyake mu ng'anda ya Yehova, ¹⁶ venzetyani kale? Pimwefika pounjika muyeso uli twenti wa mbeu, penze tyala teni; ndipo pimwefwika pa muyeso wa vinyu kuti mutapemo muyeso uli fififte, mwenze tyala twenti. ¹⁷ Nekupezekeshani mweo na nchito yonse ya manja banu na coipisha na cinoni, koma muliye tembenukile kwa neo- Ici niye cizibisho ca Yehova. ¹⁸ Ganizilani kucoka siku la lero, kucoka pa siku la twenti folo mu mwezi wa naini, pa siku lamene maziko ba ng'anda ya Yehova yeikiwa. Mukipatula! ¹⁹ Ko mbeu zikalimo mu ng'anda yosungilamo? Mphesa, cimuti ca mkuyu, makangaza, na cimuti ca azitona viliye bale! koma pa siku ili nikakudalise!" ²⁰ ndipo mau ba Yehova bewela soti kacibili kwa Agai pa siku la twenti folo la mwezi na kuti, ²¹ "labila na kazembe wa Yuda, Zerubabele, na kuti, 'nikagweneze kululu na pansi. ²² Pakuti nikaponeshe malo ba mipando yaufumu na kuononga mphamvu za malo baufumu ba vyalo! nikaponeshe magaleta na okwelapo; abulu na okwelapo bakapone pansi, aliyense cifukwa ca lupanga la mnekwao. ²³ Pa siku ilo- aba niye manenero ba Yehova mkulu- nikakutole, Zerubabele mwana wa Salatiele, monga mtumiki wangu- Aba niye manenero ba Yehova. Nikakupanga monga ni mphete, pakuti nakusankha- aba niye manenero ba Yehova!'"