¹ Piyepita masiku atatu Estere evwala vovwala vake vacimfumu nakuyopanama palubanza la ng'anda ya ufumu, pasogolo pa pa ng'anda yamfumu. Mfumu yenkhala pampando wake wacimfumu mu ng'anda ya mfumu, kulanga kumlyango wa ng'anda. ² Mfumu piyeona mfumukazi Estere peneme mulubanza, elandiliwa mu menso mwake. Emucosela ndodo ya golide ku kwanja lake. Teto Estere efwika na kukata kosilizyila kwa ndodo. ³ Mfumu yeciti, "ufuna cinji, mfumu kazi Estere? pempho lako nilotyani? Hafu la ufumu wangu, upasiwe kwa weo." ⁴ Estere eciti, "ngati cukondwelesha mfumu, lekani mfumu na Hamani bawele lero ku phwando linabakonzela." ⁵ Mfumu yeciti, "letani Hamani mwamsanga, kuti aciti ciwalabila Estere."Teto mfumu na Hamani beluta ku phwando lecikonzekela Estere. ⁶ Pabenzopasa vinyu ku phwando mfumu yeciti kwa Estere, nicinji caufuna? cipasiwe kwa weo. ufuna cinji? kufwikira pakati pa ufumu wangu, upasiwe kwa weo." ⁷ Estere eyankha, "canufuna na kupempha ni ici, ⁸ ngati napeza kukondelewa m'menso mwa mfumu ndipo ngati cukondwelesha mfumu kunipasa copempha cangu, lekani mfumu na Hamani bawele ku phwando lanakonzekela mailo ndipo nikayankhe konsho la mfumu." ⁹ Hamini siku ilo ufumapo mokondwela na mtima wosangalala. Koma Hamani peciona Modekai pa mlyango wacimfumu, kuti Modekai aliyonyamuke olo kunjenjemela pamenso pake, na mantha, ezuzyiwa na ukali pali Modekai. ¹⁰ Olo kuti zenze teto, Hamani ezilesha eka na kuya ku ng'anda kwake. Eita ayake onse kuti bakumane pamozi, pamozi na mwanakazi wake Zeresi. ¹¹ Hamani ebabelengela kulmela kwake, kupaka kwa bana bake kukwezewa konse kwamene amfumu emlemekeza nao, na muwapambanila pakati pa akulu akulu onse na banchito ba mfumu. ¹² Hamani eciti, "mfumukazi Estere aliyoite muyakine koma neo kuwela ku madyelero na mfumu yawakonzekera. Na mailosoti waniita soti pamozi na mfumu. ¹³ Koma vonse ivi viliye nchito malinga nuona Modekai mu Yuda alinkhezi pamlyango wamfumu." ¹⁴ Ndipo Zeresi mwanakazi wake eciti kwa Hamani na ayake onse, "lekani bapange vopanyikapo mamita fifite kutalipampha. M'mawa mukabalabilireko kwa mfumu kuti mupanyikepo Modekai. Ndipo mukalute mokondwela na mfumu kumadyelero." Ici cemkondwelesha Hamani ndipo epangisha vopanyikilapo.