¹ Pivepita vithu ivi, mfumu Ahasuri emkweza Hamani mwana wa Hamadeta mu Agagi, na kuika mpando wake waulamulira palulu pa akulu akulu onse benze na eve. ² Banchito onse ba mfumu benzonkhala pamlyango wamfumu benzomgwadila na kubelamila kwa Hamani, monga mwecibalamulira mfumu kuti akocita. Koma Modekai aliyogwade kapena kubelamila pansi. ³ Koma banchito bamfumu benze pamlyango wamfumu beciti kwa Modekai, "nicinji causamvwilira cilamulo ca mfumu?" ⁴ benzolabila naye siku na siku, koma ekana kukonkha cilamulo cao. Teto belabila na Hamani kuti aone ngati nkhani ya Modekai inkhalire teto, pakuti ebauzya kuti ni Muyuda. ⁵ Hamani peciona kuti Modekai aliyogwade na kubelamila pansi kwa eve, Hamani ezula na ukali. ⁶ Enkhala na magnizo yopaya Modekai tyala, pakuti banchito ba mfumu bemuuzya benze banthu ba Modekai. Hamani enzofuna kusilizya a Yuda onse, banthu ba Modekai, benze mu ufumu wonse wa Ahasuri. ⁷ Mu mwezi woyamba (wamene ni mwezi wa Nisani), mu caka ca twelufu ca mfumu Ahasuri, becita Puri- niye maele- yetaiwa pali Hamani, kuti basankhe siku na mwezi. Becita na kucita soti maele mpaka maele yeponela pa siku la twelufu (tamene ili mu mwezi wa Adari). ⁸ Teto Hamani eciti kwa mfumu Ahasuri, "kuli banthu bayakine bamene bali bomwazyika na kugabika pakati pa calo conse ca ufumu wanu. malamulo bao niyosiyana na ya banthu bayakine, ndipo osunga lini malamulo ba mfumu, teto nicosaenela kuti mfumu ibaleke bankhale. ⁹ Ngati cukondwelesha mfumu, pelekani lamulo kuti bapaiwe, ndipo nipime muyeso wa ndalama teni sauzande za siliva m'manja mwa bala bati babe azisogoleri ba nchito ya mfumu, kuti beve baike mcusungila cuma ca mfumu." ¹⁰ Moteto mfumu yevula mphete yake kufumya ku kwanja lake na kupasa Hamani mwana wa Hamedata mu Agagi, mdani wa a Yuda. ¹¹ Mfumu yeciti kwa Hmani, "nikaone kuti ndama zuwezyewa kwa weo na ku banthu bako. Ukacite nazo ciliconse cufuna kucia." ¹² Ndipo alembi ba mfumu beitiwa pa siku la naintini la mwezi woyamba, ndipo malemba ba zonse zecilamulira Hamani vilembewa kwa akazembe bamcalo, bala benze mcalo conse, kwa akazembeba banthu osiyana-siyana, na ku bakulu bakulu ba banthu onse, mcalo ciliconse mcilembedwe cao, na ku banthu balibonse mcikambidwe cao. Cilembewa mzina la mfumu Ahasuri ndipo cedindiwa na mphete yake. ¹³ Makalata betwaliwa mu manja ba onyamula kuya ku mafumu ba mcalo conse, kupaya onse, kupaya, na kuononga a Yuda onse, kufumila atontho atontho mpaka pa akulu akulu, bana ba anakazi,pa siku limozi- pa siku la naintini la mwezi wa twelufu (wamene ni mwezi wa Adari)- na kulonda vinthu vali navo. ¹⁴ Malemba ya iyi kalata yepangiwa lamulo mu calo conse. mu calo ciliconse cezibishiwa ku banth onse kuti bofunika kukonzekela za siku ili. ¹⁵ Onyamula befulumila na kuya kuyogaba cilamulo ca mfumu. Malembo begabiwa soti mu nkhalango ya Susa. Mfumu na Hamani benkhala pansi kuti bamwe, koma mzinda wa Susa wenze mumsokonezo