¹ Ngati wauka pakati panu mneneri olo olota maloto, ndipon ngati wakupani ciziwisho olo vodabwisa, ² ndipo ngati cibisho olo vodabwisha vawela kufuma, kuvecilabila eve kwa mweo nakuti, 'lekani seo tilute pavuli pa milungu iyake, yamene mweo muziba lini, na kuleka seo tipembeze eve,' ³ osamumvwila ku mau ba mneneri ila, olo kwa wala olota malota; pakuti Yehova Mulungu wanu okuyesani mweo kuti azibe ngati mumkonda Yehova Mulungu wanu na mtima wanu wonse na moyo wanu onse. ⁴ Mweo mukayende pa vuli pa Yehova Mulungu wanu kumulemekeza, kusunga malamulo bake, na kumvwila mau bake, na kuyopemebeza eve na kum'mamatila. ⁵ Mneneri ula olo olota maloto ula akaikiwe ku imfwa, kamba kakuti beve benzolabila mopandukila Yehova Mulungu wanu, wamne ekuletani mweo kufuma ku calo ca Igipito, ndipo ekuombolani kukufumyani ku ng'anda za ukapolo. Mneneri ula ofuna kukufumyani mweo mnjila yamene Yehova Mulungu wanu elamulila mweo kuyendamo. Teto ikani kutali ziipa kufuma pakati panu. ⁶ Ciyeseni kuti mkwanu mwanalume, mwana mwanalume wa anyina wako, olo mwana mwanalume, olo mwana wanu mwanakazi, olo mkazi wanu wapamtima, olo muyanu wamene ali ngati mtima wanu kwa mweo, mwacisinsi kulimbikisha mweo na kuti, kwa mweo, 'tiyeni tilute tikapembeze milungu iyakine yamene mweo muziba lini, olo mweo kapena makolo- ⁷ milungu iliyonse ya banthu yamene yuzungulila pa mweo, pafupi na mweo, olo patali kufuma pali mweo, kuyambila kolezyela calo mpaka kuyake kolekezyela calo. ⁸ Mweo mufunika lini kupasilana na eve olo kumumvwila, ndipo mweo mufunika lini kulonjeza menso yanu kumumvwila cifundo, ndipo mweo mufunika lini kumueta olo kumuvisa. ⁹ M'malo mwake, mweo mufunika cendi kumupaya; manja banu akabe oyamba pa eve ku mtwala ku ifwa, na pavuli pake manja banthu onse. ¹⁰ Mukamteme myala mpaka kufwa, kamba kakuti enzoyesa kuwezya mweo kukufumyani kwa Yehova Mulungu wanu, wamene ekuletani mweo kufuma ku calo ca Igipito, kufuma mu ngánda ya ukapolo. ¹¹ Aisraeli onse akayope na kucita mantha, ndipo akapitilizye lini kucita viipa pakati pa mweo. ¹² Ngati mwamvwa umozi olabila za imozi mwa maboma, bamene Yehova Mulungu wanu ekupani kunkhalamo: ¹³ Analume ayakine aipa eluta kufuma pakati panu na kuwezya kuvuli onkhala mu maboma ayo na kuti, 'tiyeni tikapembeze milungu iyakine yamusaziba.' ¹⁴ Ndipo mukaone umboni, mukafune-fune, mukafufuze, bwino bwino. Mukayopeza kuti nicendi na kusimikizya kuti kuti conyanyisa ciyakine cacitika pakati panu, lomba mweo mukacitepo kanthu. ¹⁵ Mweo cendi mukagonjese onkhala mumaboma bala na cipula columata, kucdeneka kusislizyilatu na banthu onse amene ali mkati, pamozi na vobeta vao, na cipula columata. ¹⁶ Mukaunjike onse ocenekewa pakati pa mzinda na kushoka mzinda, pamozi na ocenekewa onse- pakuti Yehova Mulungu wanu. mzinda ukabe magulu ya vikojo mpaka kale-kale; ufunika lini kumangiwa soti. ¹⁷ Pa zinthu izo zufunika kuonongeka pasapezeke ciliconse m'manja mwannu. Ici cikabe mulandu, teto kuti Yehova awezye ukali wake ocitisha mantha, kuonesha mweo cifundo, kumvwa cisoni pa mweo, na kukupanga ku paka mu nambala, monga mwecilumbilila ausuwanu. ¹⁸ Akacite ivi kamba kakuti mweo mumvwila mau bake ba Yehova Mulungu wanu kusunga onse malamulo bake banykulamulilani leo, kucita vala vili volumngama m'menso mwa Yehova Mulungu wanu.