¹ Aya niye malemba na maweruo yamene yati mukosunga mu calo camene Yehova, Mulungu wa ausuwanu, ekupani mweo kuilandila, masiku onse amene yati mube ba moyo pa calo. ² Mweo mukaononge malo onse amene amitundu enzo pembezelamo milungu yao yati mukalonde, pa malupili atali, pa tumalupili na mnyansi mwa cimuti ciliconse cibisi. ³ Mufunika kuphwanya maguwa yao, sang'anthani sanamila zao za myala zidunsunswa-zidunswa, na kushoka zifanizo zao. Mufunika kuwisha pansi milungu yao ya wenye na kuononga zina lao kufuma ku malo bala. ⁴ Mufunika lini ku pembeza Yehova mulungu wanu moteto. ⁵ Koma ku malo kwamene Mulungu wanu akasankhe kufuma ku mitundu yanu yonse kuikako zin lake, niye kwati kukabe ku malo kwati okonkhala eve, ndipo nikwamene kwala kwati mweo mukalute. ⁶ Nikwamene kwala kwati mukoleta nsembe zanu zoshoka, nsembe zanu, za khumi zanu, na zopeleka za m'manja mwanu, zopeleka za zolumbila zanu, vopeleka vanu vaulele, na mwana wa ng'ombe zanu oyamba na mbelele. ⁷ Niye kwati mukalye pamenso pa Yehova Mulungu wanu na kukondwela pa vilivonse vati mweo mukaikeko m'manja banu, mweo na ng'anda zanu, kwekudalisilani Yehova Mulungu wanu mweo. ⁸ Muacite vonse vinthu vatucita seo kuno lero; lomba aliyense ocita conse cuoneka bwino m'menso mwake; ⁹ pakuti mukaliye kufwika pa kupumula, ku coloba camene Yehova Mulungu wanu okupani. ¹⁰ Koma pati mukatauke Yorodanona kunkhala mu calo camene Yehova Mulungu wanu ekupasani kuilandila, ndpo akupani mpumulo kufuma ku adani banu onse ozinganla mweo, teto kuti mweo munkhale otetezeka. ¹¹ Ndipo kumalo kwati Yehova Mulungu wanu akasankhe kungishe kuti zina lalke linkhaleko- kwamene kwala mweo munkalete vilivonse venekulamulirani mweo; vopeleka voshoka, nsembe zanu, za khumi vanu, na vopeleka vuthiliwa na manja yan, na vonse vosankhiwa va vopeleka vanu pa volumbila vemwe lumbila kwa Yehova. ¹² Mukakondwe pamenso pa Yehova Mulungu wanu- mweo, bana banu analume, bana banu anakzi, banchito banu analume, banchito banu anakazi na a Levi ali mu mulyango mwanu, cifukwa beve aliye gao olo coloba pakati panu. ¹³ Mukonjela mweka kuti musathwale vopeleka vanu voshoka pa malo alionse yamuona mweo; ¹⁴ koma ni kumalo bati Yehova akasankhe pakati pa umozi wa mitundu yanu yati mweo mukathwaleko voleka vanu voshoka, kwamene kwala mukacite vilivonse vanukulamulirani. ¹⁵ Moteto,mupaye na kulya nyama mkati mwa milyango yanu yonse, mwamungafunile, molandila madaliso ya Yehova Mulungu wanu pa vonse vekupani mweo; ocimwa na osacimwa banthu onse angalyengo, nyama monga ya insha na mphoyo. ¹⁶ Koma musalye ngazi, mukoithila pansi monga manzi. ¹⁷ Musalye mumilyango mwango mwanu kufuma pa vakhumi va mbeu zanu, vinyu wanu walomba, mafuta banu, olo mwana wa ng'ombe zanu oyamba, olo mbelele; ndipo musalye nyama iliyonse, yumuthwala nsembe na vilivonse volumbila vanu vamucita, olo vala vopeleka vanu vaulele, olo vala va vopeleka na manja yanu. ¹⁸ M'malo mwake, mukokulya zeve pamenso pa yehova Mulungu wanu mu malo yamene Yehova Mulungu wanu bati aksankhe- mweo bana banu analume, bana banu anakazi, banchito banu analume, banchito banu anakazi, mlevi ali mu mlango mwanu; mukakondweo pa menso pa Yehova Mulungu wanu pa vilivonse vati mukaikeo manja banu. ¹⁹ Cenjelani mweo mweka kuti musamukane mlevi mwangankhalile mcalo mwanu. ²⁰ Yehova Mulungu wanu pati akakulishe malile banu, monga mwekulonjezelani, ndipo mukuti, 'nikalye mnyofu,' cifukwa ca kufuna kwanu kulya nyama, mugalye nyama mwa kufuna kwa moyo wanu. ²¹ Ngati malo Yhova Mulungu wanu bati akasankhe kuikako zina lake ni kutali ngako na kwanu, ndipo mupaye ziyakine mwa ng'ombe zanu na mbelele zekupani Yeova, monga mwenekulamulilani; mulye mu milyango yanu monga muufunila moyo wanu. ²² Monga mphoyo na ngondo zulyewa, tetomulye; odesewa na osadesewa banthu angalyemolinga. ²³ Tyala musimikzhye kuti musalye ngazi, pakuti ni moyo; musalye nyama na moyo wake. ²⁴ Musailye; mukoithila pansi monga manzi. ²⁵ Musailye, koteto kuti zibe bwino na mweo, na bana banu ba pavulu panu, pamucita vinthu vabwin m'menso mwa Yehova. ²⁶ Koma cinthu camene cili ca yehova camuli naco na vopeleka pa voloba vanu- muvitole ivi nakuya ku malo kwamene Yehova esankha. ²⁷ Kwamene kula mukothwala vopele voshoka, mnyama na ngazi, pa guwa ya Yehova Mulungu wanu; ngazi ya nsembe yanu akoithila pa guwa ya Yehova Mulungu wanu, ndipo mukokulya mubili. ²⁸ Langishishani kuti mukuvwa ku mau lonse aba banukulamulilani, kuti zibe bwino na mweo, na banau ba pavuli panu mpaka kale-kele, pamucita camene cili cabwino m'menso mwa Yehova Mulungu wanu. ²⁹ Yehova Mulungu wanu akayotenda amtundu kufuma pamenso panu, kwati mukalute kulandila beve, na kunkhala mu malo yao. ³⁰ Cenjelani mweka kuti musakashiwe kukonkhelela beve, pavuli pa bev kucenekeka kufuma kwa mweo ku kashiwa mwa kufufuza milungu yao, mwa kubakonsha, 'aniitundu aba opembeza tyani milungu yao? nikacite cimozo-mozi.' ³¹ Mufunika kupembeza Yehova Mulungu wanu mu njila ila, pakuti ciliconse camene cili conyanyisha kwa Yehova, cinthu cakunyanyisika navo eve- beve becita ivi milungu yao; beve benzoshoka ngankhale bana bao analumena anakazi mu mulilo kwa milungu yao. ³² Ciliconse cinakulamulilani, cioneshesheni. Musaikililepo kapena kufumyapo.