¹ Bana ba Rubni mwana woyamba wa Israeli- lomba Rubeni enze mwan woyamba wa Israelei, koma ukulu wake wepasiwa ku bana ba Yosefe mwan wa Israeli cifukwa Rubeni eipisha pa bedi pa awisi. Teto aliye belengewe monga mwana mkuleni. ² Yuda enze wamphamvu ngako pa anekwao onse, ndipo usogoleri wefuma kwa eve. Koma ukulu niwa Yosefe- ³ bana ba Rubeni, mwana woyamba wa Israeli benze Hanoki, palu, Hezroni, na Karmi. ⁴ Bana ba Yoeli benze aba: mwana wa Yoeli eenze Semaya. Mwana wa Semaya enze Gogi. Mwana wa Gogi enze Simei. ⁵ Mwana wa Simei enze Baala. ⁶ Mwana wa Baala enze Beera, wamene eikiwa mjere na Tigilati-Pilesera mfumu waku Asuri. Beera enze msogoleri mu mtundu wa Rubeni. ⁷ Abululu bake ba Baala kulingana na mabanja bao, belembewa kulinga na kubadwa kwao: Yeiyeli msogoleri, Zakaliya, ndipo ⁸ Bela mwana wa Azazi mwana wa Sema mwana wa Yoeli. Benkhala ku Aroeri, kutali monga ku Nebo na ku Baala Meoni, ⁹ na cakum'mawa koyambilira kwa cipululu cupitilizya mpaka ku mkolo wa Yufurate, cifukwa vibeto vao vepakilako mu calo ca Giliyadi. ¹⁰ Mu masiku ba Sauli, Mtundu wa rubeni wenyata nkhodo a Hagiri na kupambana. Benkhala mu matenti ya Hagiri pali[onse cakum'mawa kwa calo ca Giliyadi. ¹¹ Banthu ba mtundu wa Gadi benkhala pafupi na beve, mu calo ca Basani mpaka ku Saleka. ¹² Yoeli msogoleri wao; Safamu enze wacibili; na Yanai na Safati mu Basani. ¹³ Abululu bao, m'mabanja ya ausuwao, benze Mikaeli, Mesulamu, Seba, Yorai, Yakani, Ziya, na Eberi- seveni pamozi. ¹⁴ Aba banthu atomolewa mazina bao palulu benze bana ba Abihaili, ndipo Abihaili enze mwana wa Huri. Huri enze mwana wa Yarowa.Yarowa enze mwana wa Giliyadi. Giliyadi enze mwana wa Mikayeli. mikayeli enze mwan wa Yesisai. Yesisai enze mwana wa Yado. Yado enze mwana wa Buzi. ¹⁵ Ahi mwana wa Abidiyeli mwana wa Guni, enze mkulu wa banja la awisi wao. ¹⁶ Benzonkhala mu Giliyadi, mu basana, mu minzi yak, naponse polyeshera pa Saroni mpaka m'malire bao. ¹⁷ Onse aba benzobelengewa kulingana na kubadwa kwao mu masiku ya Yotamu mfumu ya Ayuda na Yerobiamu mfumu ya a Israeli. ¹⁸ Ndipo a Rubeni, a Gadi, na hafu ya mtundu wa Manase benze 44, 760 Asilikali bankhondo, bonymula vishango na mikondo, na olasa ma uta. ¹⁹ Benyata a gaeifi, Yeturi, Nafisi, na Nodabu. ²⁰ Belandila cithandizo capadela pa adani bao. Munjila iyi, aHagiri na onse benze nao bepambaniwa. Ici ncifukwa ca Israeli kulilira kwa Mulungu pa nkhondo, ndipo ebayankha, cifukwa beika cikhulupiliro cao mwa beve. ²¹ Belonda vibeto vao, pamozi na ngamila faifi sauzande, mbelele 250,000 , thu sauzande abulu, na 100,000 analume. ²² Banyinji bepona cifukwa nkhondo yenzofumila kwa Mulungu. Benkhala mcalo cao mpaka kutolewa ndende kwao. ²³ Ndipo hafu ya mtundu wa Manase wenkhala mu calo ca Basasa mpaka ku Baala Herimoni na Seniri (iyo ni, lupili la Herimoni). ²⁴ Aba niye benze bakulu bakulu ba mang'anda ba ausu wao: Efari, Esi, Elieli, Azrieli, Yeremiiya, Hodaviya, na Yadieli. benze banthu bamphamvu, banthu ozibika, akulu akulu ba mang'anda ba ausu wao. ²⁵ Koma benze osakhulupilika kwa Mulungu wa makolo bao. M'amalo mwake, benzopembeza milungu ya banthu ba mcalo, bamene Mulungu eiceneka pamenso pao. ²⁶ Mulungu wa Israeli eusha mzimu wa Puli mfumu wa Asuei (enzoitiwa kuti Tiglati Pilesere, mfumu wa Asuri). Etola a Rubeni kubaika mndende, a gadi, na hafu ya mtundu wa Manase. Ebaleta ku Hala, Haboro, Hara, na ku mkolo wa Gozani kwamene kwebenkhala mpaka lero.