¹ Mbadwe wa yuda wenze Perezi, Hezroni, karimi, Huri, na Sobali. ² Sobali enze wisi wa Reaya. Reanaya enze wisi wa Yahati. yahati enze wisi wa Ahumai na Lahadi. Aba benze mabanja ba Zorati. ³ Aba benze makolo ba mabanja mu mizinda ya Etamu: Yezreeli, isima, na Idibasi. Mlongosi wake wa Hazeleliponi. ⁴ Penieli enze kholo la banaja mzinda wa Gedori. Ezeri enze woyamba wa banja la Husa. Aba benze mibadswo ya Huri, woyamba wa Efrata ndipo woyamba mu Betelehemu. ⁵ Asihuri wisi wa Tekowa enze na anakazi abili, Hela na Naara. ⁶ Naara emuvyalira Ahuzamu, Heferi, Temeni, na Haahasitari. Aba benze mibadwo ya Naara. ⁷ Mwana wa Hela enze Zereti, Zohari, Etinamu, ⁸ na Kozi, enkhala wisi wa Anub na Hazobeba, na bambanja bofuma mwa Ahariheli mwana mwanalume wa Harumu. ⁹ Yabesi enze olemekezeka ngako kupambana mnekwao mwanalume. Amai bake emteya zina Yabesi. Eciti, "cifukwa navyala movutika." ¹⁰ Yabesi eitiwa na Mulungu wa Israeli na kuti, "ngati mweo cendi munidalise, kukulisha malire bangu, ndipo kwanja lanu libe pali neo. Ndipo mukacite teti munisunge ku viipa, teto kuti nibe omasuka ku vobaba!" Teto Mulungu ecimvwa pemphero lake. ¹¹ Kelubu mnekwao mwanalume wa Suha enkhala usuwene wa Mehiri, wamene enze usuwene wa Esitoni. ¹² Esitoni evyla Beti Rafa, Paseya na Tehina, wisi wa Iri Nahasi. Aba niiye banalume benkhala ku Reka. ¹³ Bana ba Kenazi benze Otiniyeli na Seraya. bana ba Oitiniyeli benze Hatati na Meonotai. ¹⁴ Meonotai enkhala wisi wa Ofra, ndipo Seraya enkhala wisi wa Yoabu, usuwene wa Ge Harasimu, banthu bake benze baluso. ¹⁵ Bana ba Kalebe mwana wa Yefune benze, Iru, Ela na Naamu. Mwana wa Ela enze Kenazi. ¹⁶ Bana Yehaleli benze Zifi, Zifa, Tiria, na Asareli. ¹⁷ Bana ba Ezara benze Yeteri, Meredi, Eferi, na Yaloni. Mwanakazi wa Meredi mu Igipito emuvyalila Miriamu, Samai, na isiba, enkhala wisi wa Esitemoa. Aba niye benze bana ba Sitemoa. ¹⁸ Aba niye benze bana ba Bitiya, mwanakazi wa Farao, wamne Meredi ekwatila. Mwanakazi wa Meredi mu Yuda emuvyalaila Yeredi, enkhala wisi wa Gedora; Heberi, enkhala wisi wa Soko; na Yekutiyeli, enkhala wisi wa Zanowa. ¹⁹ Za bana banalume babili ba mwanakazi wa Hodiya, mlongosi wake wa Nahamu, enkhala wisi wa Keila waku Garimite. Muyakine enze Esitemoa mu Maakati. ²⁰ Bana ba Simoni benze Amnoni, Rian, Ben-Hanani, na Tiloni. M'mabadwe wa Isi wenze Zoheti na Ben-Zoheti. ²¹ Bana ba Sera mwana wa Yuda, benze Eri usuwnze wa Leka, Laada usuwene wa Mares na Mabanja ya ogwira nchito yopanga bafuta wa thonje yosansisha ku Beti Asibeya, ²² Yokimu, lidoda laku Kozebe, na Yoasi na Sarafi, wamne elamulira mu Moabu na ku Yasubu Lehemu. (nkhani iyi niyolembewa mu buku la makolo bao.) ²³ Aba niye benze oumba nongo bamene benzonkhala mu Nataimu na Gedera na kusebenzera amfumu. ²⁴ M'mabadwe wa Simeoni wenze Nemueli, Yamini, Yaribu, Zera, na Sauli. ²⁵ Salumu enze mwana mwanalume wa Sauli, Mibisa enze mwana mwanalume wa Salumu, ndipo Misima enze mwana wa mwanalume wa Mibisa. ²⁶ M'mbadwe wa Misima wenze Hamueli mwana wake, Zakuri mzukulu wake, ndipo Simei mzukulu tuvi wake. ²⁷ Simei enze na bana analume bali sikisitini na bana anakazi bali sikisi.Mnekwao mwanalume envye bana banyinji, teto banja lao liliye kule ngako monga mulecitila la banthu ba Yuda. ²⁸ Benkhala ku Beeriseba, Molada, na Hazari Suali. ²⁹ Benkhala soti ku Biliha, Ezemu, Toladi, ³⁰ Betueli, Horima, Zikilaga, ³¹ Beti Marakaboti, Hazari Susimu, Beti Biri, na Saaraimu. Aba niye benze minzinda mpaka nthawi ya ulamuro wa Davite. ³² Minzi yali faifi wenze Etamu, Aini, Rimoni, Tokeni, na Asani, ³³ pamozi na minzi yozungulira mpaka ku Baala, Aya niye yenze mankhalidwe yao, ndipo benzosunga cibelengelo ca mazina bao. ³⁴ Asogoleri ba mbanja benze Mesobabu, Yamleki, Yosa mwana wa Amaziya, ³⁵ Yoweli, Yehu mwana wa Yosibiya mwana wa Seraya mwana wa Asirieli, ³⁶ Elioenai, Yaakoba, Yesohaya, Asaya, Adieli, Yesimeli, Benaya, ³⁷ na Ziza mwana wa Sifi mwana wa Aloni mwana wa Yedaya mwana wa Simiri mwana wa Semaya. ³⁸ Aba batomolewa mazina benze asogoleri ba m'mabanja bao, ndipo mabanja bao benzokula ngako. ³⁹ Beluta pafupi na Gedoro, cakum'mawa kwa mshambo, kuyofuna polyeshela vibeto vao. ⁴⁰ Bepeza pakulu ndipo pabwino polyeshela. Calo cenze cikuleni,ndipo kwa zii, ndipo kwamtendele. Kale kale kwenzonhala mtundu wa Hamu. ⁴¹ Aba mazina balembewa yelembewa pa nthawi ya Hezekiya mfumu ya Yuda, ndipo enyata nkhondo a Hamu na aMeuni, benzesoti kwala. Ebaonongelatu na kunkhala kwala cifukwa bepeza uzu wabwino wa vibeto vao. ⁴² Kufuma kwa beve, kufuma kwa bana ba Simeoni, analume bali faifi handiledi beluta ku lupili la Seiri na Pelatiya, Neariya, Refaya, na Uziyeli, bana ba Isi, ngati asogoleri bao. ⁴³ Begonjesa Amaleki othaba nkhondo, ndipo bonkhala kwala mpaka lero.