Petrus waleng gi Yerusalem ¹ rahat hio,here rasul nihi pulaksanai-pulaksanai isa iman sa naan ta Yudea ngarengei bahwa ulun-ulun bakoi Yahudi lei haot narime Firman Allah. ² Gene hio,katika Petrus mamai gi Yerusalem,ulun-ulun sa basunat basalisih aheng nihi aye, ³ nihi ngeau,"kayo tulak napot ulun-ulun bakoi basunat nihi kuman hayak here." ⁴ Tapi,Petrus mulai ngajelas kan nihi urut napot here,eau, ⁵ "kuki rahat lako doa ta kota Yope,balalu huang keadaan bakoi sadar,kuki kakinni pangini,isa hal sameh salamar kain hante minau,sa ta solor nihi ka epat sudut e tekei langit,nihi banda hio nyanrite napot kuki. ⁶ Udi hio kuki ngadodor e,kuki memperhati nihi nginni bintang-bintang ba pee epat ta bumi,satua-satua liar,satua-satua malata,nihi wurung-wurung ta udara. ⁷ Kuki lei ngarengei naan lengan ngeau napot kuki,`buan,Petrus,samalis palus kuta bo!` ⁸ Tapi,kuki ngeau,`bakoi,Tuhan.gene,bakoi naan sa haram atawa najis piji suluk gi huang wawa ku.` ⁹ Tapi,lengan hio nuing mat karueh kali e tekei langit,`inon sa haot Allah tahirkan,ada hindra-hindra kayo ngantuh haram!` ¹⁰ Hal iti jari telu kali,balalu kaluhan e hio na jujut waleng gi langit. ¹¹ Inni bo,wayah iti lei,naan telu ulun sa na utus napot kuki hawi gi lewu uneng kuki muneng,tekei Kasisarea. ¹² udi hio,Roh ngeau napot kuki mat tulak hayak here nihi bakoi ragu-ragu.ka enem pulaksanai isa iman iti lei tulak hayak kuki nihi kami suluk gi lewu ulun hio. ¹³ Balalu,aye ngahampe napot kami kalawe aye haot nginni malaikat mindri ta lewu e nihi ngeau,`huyu bo ulun Yope balalu lako bo Simon sa na antuh Petrus hawi gi iti, <sup>14</sup> Balalu aye sagar mawara pesen napot kayo sa ulah pesen hio kayo na selamatkan,kayo nihi kaluhan ulun sa muneng ta lewu nu.` ¹⁵ Rahat kuki mulai bapander,Roh Kudus minau gi entu here,sameh nihi sa asal e jari entu takam. ¹⁶ Balalu,kuki ta ingat tangar paneran Tuhan,katika aye ngeau,`Yohanes napandrus nihi ranu,tapi kayo sagar na pandrus nihi Roh Kudus.` ¹⁷ Jari,amun Allah ngami karunia sa sameh napot here sameh sa naami aye lei napot takam udi harap ta huang Tuhan Yesus Kristus,hie kah kuki hampe kuki kiuh ngahalangi Allah?" ¹⁸ Katika ngarengei hal-hal hio,here jari tenang nihi memuji Allah nihi ngeau,"amun sameh hio,Allah lei haot mengaruniakan napot ulun-ulun bakoi Yahudi pertobatan sa nuju napot welum."Injil hampe gi Antiokia ¹⁹ Udi hio,ulun-ulun sa tapisaha pisah gene penganiayaan sa terjadi nadap Stefanus,sabak hampe Fenisia,Siprus,nihi Antiokia,nihi bakoi membritakan Firman Tuhan napot hie lei kecuali napot ulun-ulun Yahudi. ²⁰ Tapi,naan papire ulun tekei here,aye hio ulun-ulun Siprus nihi Kirene,sa hawi gi Antiokhia nihi lei bapander napot ulun-ulun Helenis,nelang membritakan gene Tuhan Yesus. ²¹ Tangan Tuhan ngahayak here,sa kangajoh ulun sa jari harap waleng gi Tuhan. ²² kabar gene here hampe gi silu jemaat ta Yerusalem,balalu here mangutus Barnabas gi Antiokia. ²³ Katika Barnabas hampe nihi nginni kasih karunia Allah,aye bersukacita nihi manesehati here kaluhan mat tatap setia nihi Tuhan nihi atei sa teguh. ²⁴ Gene Barnabas aye hio ulun sa maeh,penu nihi Roh Kudus nihi iman,sajumlah hante ulun na tunda napot Tuhan. ²⁵ udi hio,Barnabas tulak gi tarsus mat nupui Saulus. ²⁶ Balalu,udi aye kahalu e,aye nunda gi Antiokia.salawah isa taun,here panalu nihi jemaat balalu ngajar ajoh ulun.Balalu,ta Antiokia,murid-murid mat ka isa kali e na antuh "ulun Kristen". ²⁷ Ta andrau-andaru hio,papire nabi minau tekei Yerusalem hawi gi Antiokia. ²⁸ isa kulun tekei here bangaran Agabus,mindri nihi meramal nihi pangawat Roh bahwa sagar jari kaluan sa mehet ta kaluhan dunia.balalu kala`u hio jari ta wayah pemerintahan Klaudius ²⁹ Balalu,here murid mamutus mat ngirim sumbangan,susuk nihi kemampuan here masing-masing,napot pulaknai-pulaksanai isa iman sa muneng ta Yudea. ³⁰ Balalu,sa lei naulah here,ngirim sumbangan hio napot here penatua nangkah tangan Barnabas nihi Saulus.