Yesus na enat gi Surga nihi janji hawi e Roh Kudus ¹ Huang buku sa natulis sa mete e,Teofilus,gene kaluhan sa Yesus mulai ngulah nihi ajarkan, ² hampe ta andrau katika Aye na enat,udi hio ngami huyuan,nangkah Roh Kudus napot Rasul-Rasul sa haot na pidi E. ³ Napot here,Aye lei nyantarang areb E kakareb welum udi aye rara,nihi ajoh bukti,nelang nyantarang areb E napot here salawah epat pulu andrau nihi ba surah gene Kerajaan Allah. ⁴ Rahat hayak nihi here,Aye nuyu here mat bakoi nanan Yerusalem,tapi ngandrei janji Ambah,sa eau E,"kayo karengei tekei Kuki, ⁵ Gene Yohanes napandrus nihi ranu,tapi kayo sagar na tapandrus nihi Roh Kudus,bakoi lawah tekei wayah iti." Yesus ta enat gi Surga ⁶ Gene hio,katiak here sasameh bakumpul,here nane nihi Aye,"Tuhan,inonkah iti waktu e Kayo nangkaeh kerajaan mat gi Israel?" ⁷ Aye ngeau napot here,"bakoilah bagian nu mat ngarasa gene waktu nihi wayah sa haot na tetapkan ulah Ambah huang kuasa E. ⁸ Tapi,kayo sagar narime kuasa katika Roh Kudus haot hawi napot kayo nihi kayo sagar jari saksi-saksi Ku ta Yerusalem,ta kaluhan Yudea nihi Samaria,nihi hampe gi bagian bumi paling ujung." ⁹ Balalu,udi Aye ngeau hal-hal iti,rahat here waoh,Aye ta enat nihi awan nunda Aye jawoh tekei pangini here. ¹⁰ Balalu,katika here masih dodor gi langit,rahat Aye tulak,inni bo,rueh kulun laki ba lama mahilak mindri ta iring here, ¹¹ balalu ngeau,"ui ulun-ulun Galilea,wuah inon kayo mindri nelang dodor gi langit?Yesus iti,sa haot ta enat tekei helang kayo gi surga sagar hawi waleng nihi cara sa sameh kayo nginni E tulak gi surga."midi erang kulun Rasul Bio ¹² Udi hio,here waleng gi Yerusalem tekei bukit sa naantuh Zaitun,sa naan ta rieet Yerusalem,lawit e sa perjalanan Sabat. ¹³ Katika here suluk,here mambai gi ruang entu,uneng here muneng.Petrus,nihi Yohanes,nihi Yakobus,nihi Andreas,Filipus,nihi Tomas,Bartolomeus,nihi Matius,Yakobus anak Alfeus,nihi Simon ulun Zelot,nihi Yudas anak Yakobus. ¹⁴ Here kaluhan nihi isa atei bertekun huang doa sasameh nihi here wawei nihi Maria,ine Yesus,namput pulaksanai-pulaksanai E. ¹⁵ Ta andrau-andrau hio,Petrus mindri ta helang pulaksanai-pulaksanai se iman (ulun ajoh kira-kira jatuh ruam pulu jumlah e),balalu ngeau, ¹⁶ Pulaksanai-pulaksanai,Kitab Suci harus na genapi,sa haot na antuh sa mete e ulah Roh Kudus nangkah wawa Daud gene Yudas,sa jari ngapala gi ulun-ulun sa nyaput Yesus. ¹⁷ Gene,aye ta hitung ta helang takam nihi kiuh bagian huang pelayanan iti. ¹⁸ Wayah iti,ulun iti midi sa bidang tane nihi upa tekei kejahatan e,balalu udi ulue lawu panga dahulu,bagian penah tenga e puhi,nihi kaluhan isi wuntung e taburai. ¹⁹ Balalu,hal iti haot na karasa ulah kaluhan ulun sa muneng ta Yerusalem hampe tane hio huang bahasa here na antuh Hakal Dama,arti e,`Tane Ira`. ²⁰ Gene,haot tatulis huang kitab Mazmur:`elah bo uneng muneng e jari suni,nihi elah bo ta aro bakoi naan erang kulun sa muneng ta huang e,`Mazmur 69 : 26 nihi,`elah bo sa lain e ngalap jabatan e.`Mazmur 109 : 8 ²¹ Ulah gene hio,erang kulun tekei here sa tarus hayak nihi takam salawah Tuhan Yesus suluk nihi balua tekei helang takam, ²² mulai tekei pangandrus Yohanes hampe ta andrau katika aye na enat tekei helang takam,isa tekei here iti harus jari saksi hal kebangkitan E hayak takam." ²³ Balalu,here mengusulkan rueh kulun,aye hio Yusuf sa na antuh Barsabas,sa lei na antuh Yustus nihi Mtias. ²⁴ Udi hio,here badoa,`Kayo,Tuhan sa karasa atei kaluhan ulun.tutui bo napot kami hie ta helang karueh ulun iti sa haot na pidi Kayo, ²⁵ mat narime bagian pelayanan iti nihi jabatan Rasul,tekei Yudas sa haot menyimpang mat tulak gi uneng e kakareb." ²⁶ Udi hio,here Rasul ngumpe undi tangar helang here balalu undiang lawu napot Matias balalu aye ta hitung hayak nihi ka sebelas Rasul.