¹ Gana hio, anakki, jarilah kuat huang anugrah sa naan huang Yesus Kristus. ² Inon boh sa haot kayo rengei teke kuki ta muka saksi ajoh, percayakan hio gi ulun-ulun sa setia, sa sameh mampu ngajar ulun lain. ³ Umalah mandarita sebagai prajurit Yesus Kristus sa maeh. ⁴ bakoi naan prajurit sa menyibukkan tengae nihi urusan welum sahari-hari bahara aye tau nampasangan komandan e. ⁵ Sameh hio lei erangkulun olahragawan sa batanding, aye bakoi sagar kahaba mahkota kamanangan kacuali aye batanding ngumba aturan sa naan. ⁶ Erangkulun petani sa bagawi babujur haot selayak e jari ulun pertama sa nerime hasil wasi e. ⁷ pikirkan boh inon sa kuki antuh sabab Tuhan sagar ngami kayo pengertian huang uras hal. ⁸ Ingatleh Kristus Yesus, sa haot mambai teke helang ulun matei, utus Daud, sameh sa nakahampe kuki huang Injilki, ⁹ sa ulah aye kuki andrau ina menderita hampe napanjara sebagai erangkulun kriminal, tapi firman Allah bakoi tapanjara! ¹⁰ ulah hio, kuki batahan huang uras sasuatu gi ulun-ulun pilihan Allah de ire gin kahaba keselamatan sa naan huang Yesus Kristus nihi kemuliaan e sa kekal. ¹¹ Panderan itu bujur: "Amun taka matei hayak Aye, takam gin sagar welum hayak Aye. ¹² Amun taka rajin, takam gin sagar memerintah hayak Aye. Amun taka manyangkal Aye, Aye gin sagar manyangkali takam. ¹³ Amun taka bakoi setia, Aye tatap setia, sabab Aye bakoi induh manyangkal diri-Aye kakarep." (Panggawi sa nampasanang Allah) ¹⁴ Na ingat ire akan hal-hal iti. Nasihatilah ire ta hadapan Tuhan de ada bahual masalah panderan-panderan, sabab bakoi naan guna ni nihi ekat sagar ngahancur ulun-ulunsa ngarengei ni. ¹⁵ Nagawi sa pangamaeh de mempersembahkan tenga kayo nihi layak ta hadapan Allah sebagai gawian sa bakoi perlu mangan, nihi sa haot ngajarkan panderan kabujur nihi pas. ¹⁶ Tapi, hindari panderan sa lawang sia-sia ulah hal hio sagar nunda gi kebakoisalehan sa labih parah. ¹⁷ Panderan ire sagar menyebar ngalut reten gangren. Ta helang ire naan Himeneus nihi Filetus, ¹⁸ sa haot manyimpang teke kabujuran, lawan ngantuh bahwa kebangkitan haot jari. Ire merusak iman sa mehe tenga e. ¹⁹ Tapi, dasar Allah sa kuat tatap mindri nihi meterai iti: "Tuhan kataru hiye sa jari ampun-Aye," nihi "Setiap ulun sa mangaku aran Tuhan harus nana karaat." ²⁰ Ta huang lewu sa megah, bakoi ekat naan parabut teke emas nihi perak, melainkan lei teke kayu nihi tane liat. Samehe na pakai de tujuan sa terhormat, tapi samehe de tujuan sa hina. ²¹ ulah hio, jika erangkulun mamparasih tenga teke hal-hal sa hina, aye sagar jari parabut de tujuan sa terhormat, nakhususkan, baguna gi tuan e, nihi napersiapkan de setiap gawian sa maeh. ²² napalawitlah hawa nafsu ulun muda nihi tutahlah kabujuran, iman, kasih, nihi damai sejahtera hahayak nihi ire sa nerau Tuhan nihi atei ya murni. ²³ Nahindar hual sa kabingung nihi bakoi bapangatahuan ulah kayo karasa bahwa hal hio sagar ngulah lakat. ²⁴ Walah Tuhan haruslah bakoi palakat, tapi ramah dini uras ulun, terampil ngajar, nihi sabar, ²⁵ nihi maleme mangoreksi musuh e. Semoga Allah ngaanugrahi ire patobatan sa nunda gi pangatahuan akan kabujuran ²⁶ bahara ire jari sadar nihi malapas tenga teke jabakan Iblis sa haot nyaput ire de manjalan kangakanaye.