¹ Itit aye hio ka telu kali e kuki nyuwuk kayo.harus naan keterangan nekei rueh atawa telu saksi,balalu isa perkara na antuh sah. ² Samete e,kuki haot nampa ingat here sa badosa nihi kaluhan lain e.wayah iti,biar e kuki bakoi naan hayak kaon,kuki nampa ingat here sameh sa na ulah kuki huang ganta an ku sa karueh,aye hio amun kuki hawi lagi,kuki bakoi sagar ngasayang here, ³ Gene kayo nuntut bukti hal Kristus,sa na paner tangar huang kuki balalu sa bakoi maleme nadap kayo,tapi ba kuasa ta huang kayo. ⁴ sa bujur e,Kristus na salib huang kalemean,tapi Aye welum ulah kuasa Allah.Gene,kami lei maleme ta huang Aye,tapi kami sagar welum hayak-hayak nihi Aye gene kuasa Allah napot kayo. ⁵ Uji bo areb nu kakareb mat ngini,inonkah kayo tatap ta huang iman nu.periksa lah areb nu kakareb! atawa,inonkah kayo bakoi ngataru areb nu kakareb bahwa Kristus Yesus naan ta huang kayo,kecuali amun kayo gagal ta huang ujian. ⁶ kuki baharap kayo sagar karasa bahwa kami bakoilah ulun sa bakoi tahan uji. ⁷ Tapi,kami lako doa napot Allah mat kayo bakoi ngulah kahala ,bakoi mat kami na tena tahan uji,tapi mat kayo ngulah inon sa wuah,biar lei na tena e kami haot gagal ujian. ⁸ kami bakoi kiuh ngulah hal-hal sa bertentangan nihi sa wuah,tapi ekat napot sa wuah. ⁹ kami sanang katika kami kaleme kayo jari kuat.Doa kami aye hio mat kayo jari sempurna. ¹⁰ Hio lah ngulah e,kuki manulis hal-hal iti katika kuki lawit tekei kayo mat katika kuki hawi,kuki bakoi perlu makai nihi mehet,kuasa sa na ami Tuhan napot kuki mat nambuan kayo,nihi bakoi mat pakai nyaruntun kayo. ¹¹ Pangalis e,pulaksanai-pulaksanai,bersuka cita bo.bausaha bo jari sempurna,hibur lah isa nihi sa lain,isa atei isa pikir lah,balalu welum huang damai.balalu,Allah asal kasih nihi damai sejahtera sagar ngahayak kayo. ¹² ami lah tabe isa nihi sa lain nihi siuk kudus. ¹³ Kaluhan ulun-ulun kudus ngirim tabe napot kayo.(13-14)Anugerah Tuhan Yesus Kristus,nihi kasih Allah nihi persekutuan tekei Roh Kudus ngahayak kaon kaluhan.