¹ Kuki harus berbangga biar lei hio bakoi nampa untung.kuki sagar nampalus pangini-pangini nihi panyantarang-payantarang tekei Tuhan. ² kuki karasa erang kulun huang Kristus,sa epat belas taun nangkah haot na tuna gi surga tingkat telu--kasa tangar huang tenga e,kuki koi karasa;atawa ta wading tanga e,kuki lei bakoi karasa,Allah sa karasa. ³ Balalu,kuki karasa ka awe ulun iti--kasa ta huang atawa ta wading tenga e,kuki koi karasa,Tuahn bo sa karasa-- ⁴ aye na enat gi Firdaus balalu ngarengei paneran-paneran sa bakoi ta antuh,sa bakoi iyuh na antuh ulah murunsia. ⁵ mat gi ulun iti kuki sagar babangga,tapi mat gi tenga ku kakareb,kuki bakoi sagar babangga kecuali entu kamalemean-kamalemean ku. ⁶ Tapi,amun kuki kakan babangga,kuki bakoi sagar jari bungul gene kuki sagar mawara sa wuah e.Tapi,kuki ngaret e mat bakoi naan ulun ngini kuki labih tekei inon sa na inni here atawa sa narengei here gene kuki. ⁷ mat ngajaga mat kuki bakoi bangat babangga entu panyantena-panyantena sa luar biasa hio,balalu isa runrui na ami huang lunak ku,aye hio utusan iblis mat nyasusah kuki mat kuki bakoi nampa entu areb ku. ⁸ Gene hal iti,kuki lako napot Tuhan sakangajoh telu kali mat hal iti nanan kuki. ⁹ tapi,Aye ngeau napot kuki,"anugrah Kuki sukup napot kayo gene kuasaKu na sempurnakan huang ka malemeean."gene hio,kuki magin sanang babangga entu kamalemeanku mat kuasa Kristus muneng huang kuki. ¹⁰ hiolah gene e,kuki nginam sanang huang kamelemean,huang kahanang,huang kasusah,huang penganiayaan,balalu huang kahadin nihi Kristus.gene katika kuki maleme,balalu kuki mape."Kasih Kristus mat gi Jemaat ta Korintus ¹¹ Kuki ahot jari bungul gene kayo mamaksa kuki mat iti,padahal sa harus e kuki na puji ulah nu.Gene,kuki bakoi kurang inon-inon na banding kan here rasul sa luar biasa hio,biar lei kuki bakoi naan inon-inon e. ¹² Tanda-tanda sa membuktikan erang kulun Rasul haot na tampa inni ta helang kaon huang kaluhan katabahan,huang tanda-tanda,mukjizat-mukjizat,nihi keajaiban-keajaiban. ¹³ Gene,hunag hal inonkah kayo na tampime tekei jemaat-jemaat lain,kecuali bahwa kuki bakoi jari beban napot kayo?lako maaf bo lah ka bakoi adilan ku iti! ¹⁴ Wayah iti,kuki siap ganta kayo mat katelu kali e balalu kuki sagar jari beban napot kayo gene kuki bakoi nupui inon sa naan tangar kayo,tapi kayo e.gene nakia-nakia bakoi wajib ngumpul harta mat gi ulun matueh e,tapi ulun matueh napot anak-anak e. ¹⁵ Balalu,kuki sagar nihi sanang atei mengorbankan ampun kuki nihi tenga ku mat gi kayo.amun kuki labih ngasayang kayo,inonkah kayo sagar kurang ngasayang kuki? ¹⁶ Tapi,biar lei kuki bakoi beban napot kayo,kayo ngantuh kuki licik balalu ngajarat kayo nihi aheng ngakal. ¹⁷ Inonkah kuki ngalap ka untungan tekei kayo nangkah ulun-ulun sa na utus kuki napot kayo? ¹⁸ Kuki ngadasak Titus mat tulak balalu mengutus pulaksanai kami mat tulak hayak aye.inonkah Titus ngalap kauntungan tekei kayo?inonkah kami bakoi takia huang roh sa sameh nihi takia huang tapak-tapak sa sameh? ¹⁹ Balalu,inonkah kayo lawah mamikir bahwa kami mambela areb kami nadap kayo?kami bapander tangar hadap Allah huang Kristus,tapi hal-hal iti,ui sa na sayang,aye lah mat nambuan kayo. ²⁰ Gene,kuki takut,amun-amun katika kuki hawi,kuki sagar nalu kayo bakoi sameh sa na aheng kuki,balalu kayo bakoi sagar nalu kuki sameh sa na aheng kayo.ada-ada naan hual,bahiri atei,kasangit,kepentingan kakareb,fitnah,pamaneran-pamaneran,kesombongan,nihi kekacauan. ²¹ Kuki gaer katika kuki hawi lagi,Allah ku sagar nampime kuki tangar hadap kayo nihi kuki sagar ba susah atei entu ajoh ulun sa dahulu haot badosa samete e balalu tatap bakoi ba tobat nekei kenajisan,percabulan,nihi hawa nafsu sa haot na ulah here.