¹ Jari, gene Kristus haot susah secara jasmani, hendaklah kayo mempersenjatai tenga kayo nihi pikiran sa sama, ulah ulun sa haot nginam kasusah jasmani, haot ulep ngulah dosa ² sehingga huang ngajalani sisa welum ta dunia iti, aye bakoi lagi ngumba kangakan marasia, tapi kangakan Allah. ³ Ulah sukuplah waktu ta waktu sa haot kayo nangkah de ngulah kebiasaan ulun-ulun sa bakoi kataru Allah; welum huang hawa nafsu, kemahamuian, pesta pora, ngoot-ngoot, nihi nyembah bahala sa penu keraat. ⁴ Wayahti, ire tamam wa'oh waktu kahalu bahwa kayo bakoi lagi umba huang kebejatan liar sa ire gawi. Ulah hio, ire memfitnah kayo. ⁵ Tapi, ire sagar ngami pertanggung jawaban gi Aye sa sagar menghakimi ulah sa welum nihi sa matei. ⁶ Gene alasan itilah, Injil de mara gi ulun-ulun sa wayahti haot matei, sehingga biar ire haot de hakimi ta dunia iti sesuai nihi standar marasia, tapi ire welum secara roh menurut ukuran Allah. (Pakailah Karunia kayo gi Ngelayani) ⁷ Pangalis teke kaluhan sesuatu haot riet. Ulah hio, bajaga-jagalah supaya ta'u badoa. ⁸ Ta entu kaluhan'e hio, taruslah saling mengasihi nihi bujur-bujur ulah kasih nutup ajoh tu'u dosa. ⁹ De tampailah keramahan isa nihi lain'e bakoi baramuham. ¹⁰ Ulah tiap ulun haot narime karunia, gunakanlah hio pakai melayani isa nihi lain'e sebagai pelayan sa maeh entu ajoh karunia teke Allah: ¹¹ Hie sa bapander, maehlah aye bapander sebagai ulun sa mara Firman Allah; nihi hie sa melayani nihi kekuatan sa Allah ami sehingga huang kaluhan hal, Allah de muliakan nangkah Yesus Kristus. Gi Ayelah kemuliaan nihi kuasa hampe selawah-lawah'e. Amin. (Rara sebagai sa umba Kristus) ¹² Puloknai-puloknai sa kuki kasihi, ada'lah embah nihi apui pencobaan sa hawi de nguji kayo, seolah-olah sesuatu sa aneh terjadi entu kayo. ¹³ Tapi, bersukacitalah ulah kayo umba ngalap bagian huang kasusah Kristus sehingga kayo lei ta'u bersukacita nihi barami ta saat kemuliaan-Aye de nyatakan. ¹⁴ Berbahagialah amun kayo de hina ulah aran Kristus, ulah Roh kemuliaan nihi Roh Allah benyem ta huang kayo. ¹⁵ Tapi, ada naan ta helang kayo sa susah sebagai pa'ngunu, maling, ngulah karaat, atawa sebagai ulun sa rajin umba sampur hal ulun lain. ¹⁶ Tapi, hie bo sa susah sebagai ulun Kristus, ada'lah aye mangan, sebalik'e hendaklah aye memuji Allah ulah menanggung antuhan hio. ¹⁷ Haot saat'e penghakiman na mulai teke pulokni Allah. nihi, amun penghakiman Allah de mulai teke taka, kalawekah nasib ulun-ulun sa bakoi taat gi Injil Allah? ¹⁸ Amun ulun saleh bo mahadin de selamatkan, kalawe nihi ulun raat nihi ulun badosa? Amsal 11:31 ¹⁹ Ulah hio, biar bo ire sa susah ulah kehendak Allah, mempercayakan nyawa'e gi Sang Pencipta sa setia, nelang tarus ngagawi sa maeh.