¹ Ulah hio, umpelah kaluhan karikang, kaluhan tipu daya, kaluhan kemunafikan, kaluhan bahiri, nihi segala macam fitnah. ² Ngalut nakia sa japo lahir, hendaklah kayo kakan susu rohani sa murni supaya kayo bertumbuh ta huang keselamatan kayo, ³ amun kayo haot bujjur-bujur nginam bahwa Tuhan hio maeh. ⁴ Saat kayo hawi gi Kristus, watu welum sa de tolak ulah marasia, tapi sa de pidi ulah Allah nihi de anggap ba uman tu'u gi-Aye, ⁵ kayo lei sama watu-watu welum, sa de bangun suatu le'u rohani, imamat sa barasih de mangami korban-korban rohan sa berkenan gi Allah nangkah Yesus Kristus. ⁶ Ulah Kitab Barasih bapander, "Indilah, Kuki ngondok erangka watu ta Sion, erangka watu penjuru sa de pidi nihi sa mulia, nihi hie bo sa percaya gi-Aye bakoi sagar de pamangan." Yesaya 28:16 ⁷ Jari, watu hio mulia gi kayo sa percaya, tapi gi sa bakoi percaya, "Watu sa de tolak ulah tukang-tukang bangunan, haot jari watu penjuru," Mazmur 118:22 ⁸ nihi jari, "Erang ka watu sandungan, nihi karang sa ngulah ulun lawu." Yesaya 8:14 Ire ta sandung ulah bakoi taat nihi Firman. Hiolah lalan sa haot de tentukan gi ire. ⁹ Tapi, kayo ayehio bangsa sa de pidi, imamat sa rajani, bangsa sa barasih, umat ampun Allah kakareb supaya kayo ta'u mara kemaehan-kemaehan-Aye, sa haot nerau kayo balua teke kegelapan nuju gi tarawa-Aye sa wa'oh tu'u. ¹⁰ "Dahulu, kayo bakoilah umat Allah, tapi wayahti kayo ayehio umat Allah. Dahulu, kayo bakoi narime belas kaahi, tapi wayahti kayo haot narime belas kaahi Allah." Hosea 2:23 (Ngajalan Welum sa Maeh gi Kemuliaan Allah) ¹¹ Puloknai-puloknai sa kuki kasihi, kuki kakan nagur kayo sebagai pendatang nihi ulun asing ta dunia iti de ngalawit tenga kayo teke kengakan hawa nafsu duniawi sa berperang ngalawan jiwa kayo. ¹² Jagalah tingkah laku kayo sa maeh ta helang ulun-ulun sa mete percaya supaya apabila ire memfitnah kayo sebagai pelaku karaat, ire ta'u ngindi gawian kayo sa maeh, nihi sagar memuliakan Allah ta andrau pelawatan. (Patuhlah gi Penguasa) ¹³ Demi aran Tuhan, suntuklah gi tiap lembaga pemerintahan sa de tetapkan ulah marasia, maeh gi raja sebagai penguasa panga entu, ¹⁴ atawa gi ire gubernur de utus ulah raja de menghukum ire pelaku karaat nihi ngami pujian gi ulun-ulun sa ngulah maeh. ¹⁵ Ulah, kalahiolah kahndak Allah: nihi ngulah maeh, kayo ngabungkam kabakoi karasa ulun-ulun bingung. ¹⁶ Welumlah sebagai ulun-ulun sa merdeka, tapi ada ngagunakan kemerdekaan kayo hio sebagai kedok gi karaat. Sebalik'e, welumlah sebagai hamba-hamba Allah. ¹⁷ Hormatilah kaluhan ulun. Kasihilah puloknai-puloknai seiman, takutlah sagar Allah, nihi hormatilah raja. (Kasusahan Kristus sebagai Teladan Welum) ¹⁸ Hamba-hamba, suntuklah gi tuan kayo nihi segala hormat. Bakoi ekat gi ire sa maeh nihi lemah lembut, tapi lei gi ire sa bakoi adil. ¹⁹ Ulah merupakan suatu kasih karunia, amun demi kesadaran'e sagar Allah, erangkulun kakan batahan huang kasusahan ulah kabakoi adil. ²⁰ Ulah, inonkah upa kayo amun nihi sabar kayo narima pukulan ulah gawian kayo sa badosa? Tapi, amun kayo susah ulah gawian maeh nihi kayo narima'e nihi sabar, tindakan kayo hio berkenan ta hadapan Allah. ²¹ Ulah, pakai hiolah kayo de herau, ulah Kristus lei haot susah gi kayo nihi nanan teladan gi kayo supaya kayo ngalut jejak-Aye. ²² Aye bakoi ngulah dosa, nihi tipu daya bakoi naan ta wawa-Aye. Yesaya 53:9 ²³ Waktu Aye de hina, Aye bakoi ngabalas nihi hinaan; waktu Aye susah, Aye bakoi ngancam, tapi nyerahkan tenga-Aye gi Allah sa sagar mengkahimi nihi adil ²⁴ Aye kakareb haot nanggung dosa taka ta tenga-Aye de kayu salib suapaya taka matei tahadap dosa, nihi welum gi kebenaran. Ulah bilur-bilur-Aye, kayo de samare. ²⁵ Dahulu, kayo sama ngalut domba-domba sa terus-menerus tersesat, tapi wayahti kayo haot waleng gi Sang Gembala nihi sa ngalindung jiwa kayo.