¹ Neke Petrus, saulun rasul Yesus Kristus, nihi ulun-ulun sa muneng sabagai ulun asing, sa ta sebar ta saluruh wilayah Pontus, Galatia, Kapadokia, Asia, dan Bitinia; sa de pilih ² sa neke awal gana Allah Ambah ngangkah pengkudusan nihi Roh de indut welum huang kataatan nihi Kristus Yesus dan kahalu pitikan ira-E: Kirae anugrah dan damai sejahtra balimpah entuko! ( Pengharapan sa Welum ) ³ Tapujilah Allah dan Ambah neke Tuhan taka Yesus Kristus, sa sasuai nihi anugrah-E sa sangat hante, haot nganak taka waleng gi huang pangharapan sa welum nangkah kabangkitan Kristus Yesus nihi antara ulun matei, ⁴ dan de ngawaris harta pusaka sa bakoi tau binasa, bakoi tau rusak, dan bakoi tau layu; sa taingkeh ta surga gi kayo, ⁵ ayehio kayo sa delindungi nihi kuasa Allah nangkah iman kasalamatan sa siap depander pas ahir zaman. ⁶ Huang itilah kayo sangat basukacita, sakalipun gi samantara waktu, jaka deperlikan, kayo harus mandarita bamacam pancobaan ⁷ sahinga iman ko salabih bauman neke pada amas sa fana, sakalipun haot deuji nihi apuy, tabukti murni dan ngahasilkan pujian, kamuliaan, dan kahormatan nihi saat penyataan Yesus Kristus. ⁸ Kaon mete piji kindi Aye, tatapi kayo mengasihi-E, dan meskipun saati kayo bakoi kindi-E, tatapi kayo percaya gi ay-E. Kayo barami nihi sukacita sa bakoi tapander dan sa depenu kamuliaan, ⁹ gana ikhir neke tujuan imanko rahat tacapai, ayehio kasalamatan jiwako. ¹⁰ tatantang kasalamatan iti, ire nabi sa menubuatkan anugerah sa tau jari ampunko hio sa menyelidiki dan mempelajari nihi sangat taliti. ¹¹ Ire ngelo gana hie dan kapan waktu sa demaksut oleh Roh Kristus sa naan huang tenga ire katika Aye menubuatkan pandaritaan Kristus dan kamuliaan sa kakan hawi sahaote. ¹² Nihi ire nabi hio denyatakan bahwa ire bakoi malayani tenga ire kakarep, tatapi malayani kayo huang hal-hal sa iti haot de kanahampe gikayo nangkah ulun-ulun sa ngabar Injil ge kayo nihi Roh Kudus sa de utus neke surga; hal-hal hiolah sa tamam kakan desaksikan nihi para malaikat. ( Herawan gi Welum Kudus ) ¹³ Gana hio, siapkanlah akal budiko dan waspadalah, hondoklah pangharapanko sapenue nihi anugerah sa tau de ami gi kayo saat Kristus Yesus denyatakan. ¹⁴ Sabagai anak-anak sa taat, adalah tunduk nihi nafsu jahatko sama kalah kayo masih welum huang kabuntatko, ¹⁵ tatapi kuduslah huang sagala tingkah lakuko, kalah Allah sa nerauko ayelah kudus. ¹⁶ Gana naan tatulis, ''Kuduslah kayo gana Kuki Kudus." ¹⁷ Dan, jaka kaon neraw-E sabagai Ambah, ayehio Aye sa gahakimi saytiap ulun sassuai perbuatan ire tanpa ngabedakan, welumlah tahuang nanam takut salawah kayo masih muneng sebagai ulun asing; ¹⁸ nihi pangarasa bahwa kayo haot detewuh neke cara welum sa sia-sia, sa kayo warisi neke itak moyangko, lain nihi barang sa fana sakalah amas nihi perak, ¹⁹ melainkan nihi ira Kristus sa mulia, ira Anak Domba sa bakoi bacacat dan sa sempurna. ²⁰ Gana, Kristus haot de pilih samete dunia deciptakan, tatapi Aye bio denyatakan nihi zaman pangalis iti demi kayo. ²¹ Nangkah Aye, kayo jari percaya nihi Allah; aayehio Allah sa ngabangkitkan-E neke antara ulun matei dan Allah sa ngami kamuliaan giaye-E, supaya iman dan pengharapanko ayelah ta huang Allah. ²² Gana kayo haot ngamurnikan jiwako huang kataatan nihi kabujur sahinga naan kasih puloknai sa tulus, maka ayo saling mangasihi nihi sabujur-bujur neke aheng sa murni, ²³ gana kayo haot deanak waleng, lain neke insoi sa tau matei, melainkan neke insoi sa bakoi tau matei, ayehio nangkah firman Allah sa welum dan muneng tatap. ²⁴ Kitab Suci bapander, "Sagala sa welum ayelah kalah rikut, dan sagala kamuliaane kalah unge rikut; Rikut malau dan ungee gugur, ²⁵ tatapi, firman Tuhan tatap salawah-lawahe." Yesaya 40:6-8 Dan, Firman hio ayelah Injil sa dewara nihi kayo.