¹ Kemudian, timbulah erai tanda se olai ba langit: seultn wawe bepakayatn matoondro ali bulan ba iwe po,one ali mahkota ante rueh belas bintang ba utokne. ² Wawe sio desukng sewuntukng ali suakng penderitaanne kakan mekuh, ise ngesiak koe manang. ³ Kemudian, timbuldeh erai tanda laitn ba langit; erai kukui tondoi olai bebotik mea se naan turu utok ali sepulu tanduk ali turu mahkota pe utokne. ⁴ Ukui tondoi sio narik sepertolu bintang ba langit ali nimbaine ampe bumi. Tondoi sio sekondrokng ba muka wawe se kakan mekuh sio agar desukng wawe sio aut mekuh, ise kate nguman Anakne. ⁵ Wawe sio mekuh seulutn Anak upo, se kakan nyuyu bangsa-bangsa ali tungkeh wasi; leka Anak sio warabut ali wa oit ampe Allah ali pe muka takhta-Ne. ⁶ Wawe sio monsit nuju padang belantara, pe wadah se wasediakan Allah bagine agar ba sina, ise wagaduh seola seribu rueh jatus onom pulu ondro. ⁷ Ali, terjarilah peperangan ba surga, Mikhael ali para malaikatne berperang ngelawan tondoi sio. Tondoi sio berperang ali para malaikatne, ⁸ leka reo doho cukup kuat sehingga beloh gane wadah gin reo ba surga. ⁹ Tondoi olai sio watimbai pe iwe, si nipo tuo se waontuh Ontu atau Setan, se nyesatkan awisne denia, ise wa timbai pe bumi, ali para malaikatne watimbai ba biwe aline. ¹⁰ Ali, aku krongoi nain se karas ba surga ngontuh, " Keletu, ukah awi keselamatan, kuasa, ali kerajaan Allah taapm, serta kekuasaan Kristus-Ne koe si pnuduh erai untukng erai untukng taapm, se menuduh reo ba muka Allah kondro ali malopm, aut wa timbaikan pe iwe. ¹¹ Reo ngalahkanne ali raya Anak Domba, ali pengontuh kesaksian reo; koe reo doho menyayangkan nyawa reo, bahkan lau nganghadapi kematean. ¹² Koe sio, bersukacitalah, hai surga ali awisne se sindroi ba suakngne! Leka celakalah bumi ali laut koe Ontu ukah mange ampe iko suakng marane se olai koe ise tau bahwa waktu se wa pu'utnne singkat." ¹³ Desukng tondoi sio minda bahwa ise ukah watimbai pe bumi, ise ngeaniyaya wawe se aut mekuh anak upo ende. ¹⁴ Leka, wawe sio waumi rueh klekep pumpulu rajawali se olai agar ise kate sembilikng pe padang belantara, pe wadahne, ba one ise wagaduh seola erai masa, rueh masa oro anjak hadapan si nipo. ¹⁵ Nipo sio nyemburkan ranu se sara sunge pe arah wawe sio, agin mekandor si wawe ba suakngne. ¹⁶ Leka, bumi mbantu wawe sio; bumi mbuka wawone ali nolont ranu se wasenburne tondoi sio. ¹⁷ Moko, tondoi njari mara beta ampe wawe sio ali tulak agin memerangi anak-anak se lain ante awe sio, yaitu ukutn-ulutn se nggaduh suyu-suyuan Allah ali ngurut ampe kesaksian Yesus. ¹⁸ Tondoi sio sekondrokng ba pinggir laut.