¹ Moko situ, jadi ka peniru-peniru Allah tabala sebagaimana anak-anak se wa kasihi. ² Wolup ka suakng tuasi, sama hama Kristus menuasi taapm ali ngumikan diri-Ne agint taapn sebagai persembahan ali kurban se harupm bagi Allah ta ala. ³ Anta leka ai naatn percabulan atau segala masam kecemaran atau keserakahan, bahkan wa ontuh ai koe hal situ doho layak naant ba rokangk ulunt-ulunt berasih. ⁴ ai naant pengontuhan daat, pengontuhan galu, atau lelucon-lelucon kasar se doho pantas sebalikne, ontukant ka syukur. ⁵ Moko, iko tau ali pasti bahwa ulunt cabul, ulunt doho suci, atau ulunt serakah se menyembah berhala doho kan ngahalu warisan suakng Kerajaan Kristus ali Allah ta ala. ⁶ ai naatn ulunt se nipu iko ali pengontuh-pengontuh kosong koe hal-hal situ ka se mengawikant murka Allah ta ala bombo anak-anak durhaka. ⁷ Jadi, ai bekawan ali reo. ⁸ Hiro iko sio pengsiromatn, tapi keletu iko sio tarang suakng Tuhan. Wolupm sebagai anak-anak tarang. ⁹ koe ua tanjak tarang sio gawis kemaehan, keadilan, ali sebujuran, ¹⁰ dan mencuba ngetau none se menyenangkan Tuhan. ¹¹ Ai baya ambil bagian suakng perbuatan pengsiromatn se doho ngehasilkan ua, sebalikne wa pelegei ka perbuatan-perbuatan situ. ¹² Moko ne, ngontuh hal-hal se reo gawi secara suni-suni pun nemai beta. ¹³ Anta leka, gawis se wa belegeikan koe tarang jadi wa otau. ¹⁴ koe gawis se jadi nyata se sio tarang. situ sebab ne, wa ontuhkan, "Kuat, hai iko se tukang turui! Bangkit ka tanjak rokakng ulunt mate, ali Kristus akan metarakng bomboko." ¹⁵ Jadi, perhatikan ali seksama bagaimana iko wolupm, ai hama ulunt bebal, jadi ka se bijak. ¹⁶ Pergunakan ka waktu se naatn ali semaeh-maeh ne koe ondro-ondro sio at jahat. ¹⁷ Koe situ, ai ka jadi galu, tapi ngerti ka none situ kenakatn TUhan. ¹⁸ Ai mabuk koe anggur koe hal situ doho pantas, sebalikne ponukan ka Roh. ¹⁹ Sundrokan ka erai hama he lain suakng mazmur, kidung pujian, ali nyanyian rohani, menyanyika ali ulah ka lagu pujian ampe Tuhan ali segenap sengo ko. ²⁰ Ontuh ka syukur senantiasa bombo segala sesuatu ampe Allah ta ala Uma suakng ngaratn Tuhan taapm, Kristus Yesus. Madahi agint penaharau. ²¹ Tunduk ka erai kulunt ampe se laint suakng takut akan Kristus. ²² Istri istri, tunduk ka ampe harauko, sara ampe Tuhan. ²³ Moko, harau sio at Utok tanjak istri, sara Kristus sio at Utok tanjak jemaat, sesio pengompu-Ne ali Ise saurakng Juru Sealamatne. ²⁴ anta leka, sebagaimana jemaat tunduk ampe Kristus, demikian lou istri harus tunduk ampe harau suakng segala hal. ²⁵ Suami-sumai, tuasikan ka istriko hama Kristus mentuasi jemaat ali ngumikan diri-Ne bagi jemaat, ²⁶ agint menguduskan reo ali ngebersihakan nyendalo penyembuian ranu ali firman. ²⁷ Ali demikian, Kristus halu mempersembahkan, tanpa noda, atau tanpa kerut, atau semasamne sehingga jemaat jadi berasih ali doho bercela. ²⁸ Demikian lou, sumai-suami harus mentuasi istrine hama pengompune saurakng. Ise se mentuasi istrine, mentuasi dirine saurakng. ²⁹ Moko, doho naatn ulunt se suah ngegali pengompu ne saurakng, tapi ise ngejaga ali ngerawatne. Samayo lou Kristus lakukan agint jemaat. ³⁰ koe taapm sio at anggota-anggota pengompu-Ne. ³¹ Situ poh sebabne, se erai kulunt upo-upo akan ngikehkan uma ali ine ne ali menyatu ali isrine sehingga keruehne jadi erai pengompu. ³² Rahasia sina olai, ali aku mengontuhkan sina suakng hubungan rokakng Kristus ali jemaat. ³³ Namun, biar ka masing-masing iko mentuasi istri ko hama diriko saurakng ali istriko harus ngehormati suamine.