¹ Koe situ, aku, ulunt se wa penjarakan koe Tuhan, nunjulkan iko agint wolupm sepadan ali pengintaian se ukah iko terima. ² Ali segala hal kerendahan sengo ali kelembutan, ali kesabaran, saling menanggung beban suakng tuasi, ³ berusaha ka se kuat tenaga agint menjaga kesatuan Roh suakng penyiret damai sejahtera. ⁴ Ekat naatn erai pengompu ai erai Roh, sama halne pas iko wa itai ampe erai harapan tanjak pengitaiko, ⁵ erai TUhan, erai iman, ali erai baptisan, ⁶ erai Allah ta ala ali Uma tanjak gawis, se ba ombo gawaisne, nyendalo gawisne, ali suakng gawisne. ⁷ Akan tetapi, ampe taapm masing-masing wa umikan anugerah sesuai ali ukuran karunia Kristus. ⁸ Situ ka sebab ne, wa ontuhkan, " pas Ise mongket pe wadah ombo, Ise ngerungkup ulunt-ulunt se wa tawan, ali mengumikan karunia ampe mersia. ⁹ Pas wa ontuhkan, "Ise mongket", doho na situ berarti ise lou ukah mange pe bagian iwe bumi? ¹⁰ Ise, se mange, Ise lou ka se mongket lebih ombo tanjak gawis langit supaya Ise memenuhi segala sesuatu. ¹¹ Ise ka se mengumikan, baik rasul-rasul, nabi-nabi, pemberita-pemberita Injil, gembala-gembala, maupun pengajar-pengajar, ¹² agint memperlengkapi ulunt-ulunt berasih suakng pekerjaan pelayanan agint pembangunan suakng pengompu Kristus, ¹³ ampe taap gawis mencapai kesatuan iman ali pengetahuan akan Anak Allah ta ala, se sio lah mersia dewasa, menurut akuran tingkat pertumbuan se sesuai ali kepenuhan Kristus. ¹⁴ Ali demikian, taapm doho mao anak-anak se wa ombang-ambingkan koe ombak ali wa oit pe pro pitu koe berbagai riwut pengajaran, koe tipu daya mersia, koe kercedikan tanjak peniouan se licik. ¹⁵ Sebalikne, ontuh ka sebujuran suakng tuasi, taap akan bertumbu suakng segala hal ampe Ise, se sio Utok, yaitu Kristus. ¹⁶ Tanjak ampe-Ne seluruh pengompu tesusun ali wa siret sesama-sama jadi erai nyendalo topangan tiap sendi. Ena masing-masing melakukan bagianne, pengompu akan bertumbu sehingga membangun dirine sauraangk suakng tuasi. Cara Wolupm se Bujur suakng Kristus. ¹⁷ Koe situ, aku ngontuhkan ali negaskan suakng Tuhan, ai mao iko wolupm hama ulunt-ulunt se doho persaya, se wolupm ali pikiran se sia-sia. ¹⁸ Pengertian reo jadi sirpm ali tepisah tanjak pembolupman Allah ta ala koe kegaluan se naatn suakng diri reo se wa sebabkan koe kekoroian sengo. ¹⁹ Perasaan reo ukah jadi botul ali reo menyerahkan diri ampe hawa nafsu agint menggwe segala masam kecemasan ali keserakan. ²⁰ Akan tetapi, doho ali cara situ iko belajar tentang Kristus. ²¹ bSeumpama iko memang ukah ngerongoi tentang Ise ali wa ajar suakng Ise, sebagaimana kebenarana se naant suakng Yesus, ²² Umpi ka mersia ola ko se iko kahalu tanjak cara wolupko se ola, se pentung wa rusak koe hawa nafsu se menipu. ²³ Perbaharui ka roh pikiran ko. ²⁴ Kenakant ka mersia se wau, se wa ciptakan suakng rupa Allah ta ala suakng keadliant ali kebersihan se sejati. ²⁵ Koe situ poh, ali mengumpi kepalsuan, ayu ka setiap iko mengontuhkan tentanf sebujurn ampe sesama ko koe taapm sama-sama anggota tanjak erai pengompu. ²⁶ mara ka ali ai nyepulah dosa. ai biarkan mato ondro lotokng suakng kemaraant ko. ²⁷ ai ngumi kesempatan ampe setan. ²⁸ Ulunt se ukah ngemalikng, ai ngemalikng mao. Lebih maeh kalau ise bekrja keras ali melakukan pekerjaan se maeh ali kayangk ne saurangk sehingga ise ngenaatn sesuatu agin ba bagikan ampe ulunt se membutuhkan. ²⁹ Ai biarkan pengontuhan daat pekual tanjak wowa ko, tapi biarkan pengontuhan maeh se membangun ulunt se membutuhkan sehingga pengontuhan situ ngumikan berkat bagi reo se ngerongoi ne. ³⁰ ai ngeruehkan Roh Berasih Allah ta ala, moko koe Ise iko wa meteraikan agint ondro penebusan. ³¹ Umpi ka segala masam kepaitan, kegeraman, kemaraan, pertikaian, ali pengotuhan subet, gawis kejahatan lou, orokan ka situ ampe iko. ³² Bersikap ka ramah erai ali se laint, miliki ka sengo se lembut, ali salikng ngampuni, sebagaimana Allah ta ala suakng Kristus lou ngampuni iko.