¹ Wayah ondro-ondro sio, lau jumlah murid tarus batambah, suatu keluhan timbul ante ulunt-ulunt Helenis tehadap ulunt-ulunt Ibrani asli koe walu-walu sio ukah wa abaikan suakng pelayanan pengokan setiap ondro. ² Moko . kerueh belas rasul sio ngitai awis murid ali montuh," Doho bujur bagi kaint agin mengabaikan firman Tuhan demi melanyani Meja. ³ Koe sio eraiuntung-eraiuntung,pililah turu ulunt ante rokakng iko se tebukti maeh, ponu ali Roh Kudus ali hikmat, se anta kaint engkat agin tugas sina. ⁴ Pentung ,kaint anta bertekun suangk doa ali suangk pelayanan firman." ⁵ Penyataan sio ngulah arai ate awis ulunt Ali ,reo memili Stefanus, ulunt se ponu ali iman ali Roh Ludus, baya Filipus, Prokhorus, Nikanor ,Timon, Parmenas, ali Nikolaus,eraikulunt proselit ante Antiokhia. ⁶ Reo sina waowit ante hadapant buhan rasul, ali ukah bedoa, buhan rasul menumpangkan kayakng reo ampe ombo turu ulunt sio. ⁷ Firman Allah tarus tesebar ali jumlah murid ba Yerusalem semakin batambah. Bahkan, sekelompok olai iman sio. Ngrungkup Stefanus ⁸ Ali, Stefanus, ponu ali anugerah ali kuasa, ukah melakukan hal menakjubkan ali tanda-tanda ba rokakng ulunt deo. ⁹ Namun , sesenu ulunt tanjak sinagoge se waontuh ulunt-ulunt Libertini ,maeh ulunt-ulunt Kirene maupun ulunt-ulunt Alesandria, ali sesenu ante Kilikia ali Asia, bangkit ali bedebat ali Stefanus. ¹⁰ Anta leka , reo sio doho kate membantah kebijakan ali Roh se ali-Ne Stefanus sundro. ¹¹ Gane, ali suni-suni reo ngehasut sesenu ulunt agint montuh," Kaint ukah krongoi ulunt sina ngucapkan pengotuh hujatan tehadap Musa ali Allah!" ¹² Ali, reo nunjul ulunt deo, tou-tuo, ali ahli-ahli Taurat, gane pengawi Stefanus, ngrungkupne, gane ngowitne ampe hadapatn Sanhedrin. ¹³ Reo ngehadap saksi-saksi palsu se montuh ," Ulunt sina doho suah beranai montuh pengontuh se ngelawan wadah kudus sina ali Hukum Taurat. ¹⁴ Ena, kaint ukah krongoi ise montoh bahwa Yesus tanjak Nasaret anta ngahancurkan wadaH sina ali ngubah adat istiadat se ukah wa wariskan Musa ampe ta'amp ." ¹⁵ Ali, lau minda wae Stefanus, gawis ulunt se tungoh suakng Sanhedrin kotau waene sara wae malaikat.