¹ Anta leka , na'ant eraikulunt upo bangarangt Ananias , sasama ali haraune, Safira, njual harta pu'untne. ² Ali sepengtahu haraune , Ananias menahan sebagian hasil jualanne bagi kompune saurang, ali ekat ngowit se bagian, lalu ngandakne ba muka po'o buhan rasul. ³ Namun , Petrus montuh, Ananias, konone iblisnomponu ateko hingga iko nglah buak ampe Roh Kudus ali nahan sebagian hasil jualan tana sio? ⁴ Lau kiya balum wa jual , dohokah tana sio tatap pu'untko? ali seukah njualne, dohokah tana sio na'ant ba iwe kuasako? Konone iko mikirkan perbuatan sina ba suakng ateko?Iko doho buak ampe meresia, leka ampe Allah.' ⁵ Gane , lau krongoi pengotuh sio, Ananias latu ali ngembuskan sengone se penggawis. Moko, tejari ketakutan se olai tehadap awis ulunt se krongoi hal sio. ⁶ Sesenu ulunt bujakng awi, ngapani ali memikulne ante kual, gane ngelowokngne. ⁷ Kemudian, suakng wayah kira-kira tolu jam, harau Ananias awi, leka ise doho tau nyone se ukah tejari. ⁸ Ali, Petrus montuh ampene, " Ontuh ampeku, nyonekah iko njual tana sio ali juman seolai sina?" Ali , Safira montuh, "Ya , seolai sio." ⁹ Kemudian, Petrus montuh ampene, "Konone iko ali harauko sepakat sasama again mencobai Roh Tuhan? Pinda, pengotek-pengotek po'o ulunt se ukah ngelowokng harauko kiya na'ant ba muka jawokng ali reo lou anta ngenkatko ampe kual." ¹⁰ Tiba-tiba, Safira latu ba muka o'o Petrus ali ngembuskan sengone se penggawis. Lau ulunt-ulunt bujakng sinop, reo kotau Safira ukah mate, Gane reo ngengkatne ampe kual ali ngelowokngne ba rika haraune. ¹¹ Moko, tejari ketakutan se olai ba rokakng awis jemaat ali ulunt-ulunt se krongoi hal sina . Tanda-Tanda Ajaib Tanjak Allah ¹² Deo tanda ajaib ali mukjizat tejari ba rokakng ulunt deo nyendalo kanyakng buhan rasul ali reo awis ali eraiate na'ant ba Serambi Salomo. ¹³ Doho na'ant tanjak se laintne seronu ompu agin bagabung ali reo, leka ulunt-ulunt memuliakan beta reo. ¹⁴ Ali, na'ant semakin deo lau jumlah ulunt se pesaya ba suangk Tuhan, sejumlah olai, maeh upo maupun wawe. ¹⁵ Koe sio , reo bahkan ngengkat ulunt-ulunt broton ampe lalant-lalant ali ngumbis reo ba mundan tandu ali tilam jerami agar lau Petrus awi, sedohone bayanganne kate mengonoi sesnu ante reo. ¹⁶ Lou , na'ant deo ulunt tanjak kota-kota ba sekitar Yerusalem awi sasam, mowit ulunt-ulunt broton ali reo se warasuki roh-roh da'at. Reo awis wa paradu. Buhan Rasul warungkup ¹⁷ Namun, buhan imam olai bangkit, sasam buhan pengikutne, sesio golongan Saduki, ali reo wa ponuhi ali iri ate. ¹⁸ Reo ngrungkup buhan rasul ali mesinopne ampe penjara umum. ¹⁹ Anta leka, wayah malopm ondro. eraikulunt malaikat Tuhan mbuka jawokng-jawokng penjara, ngiring reo pekual ali montuh, ²⁰ " Tulak, sekondrokng, ali beritakanlah ampe ulunt-ulunt ba Bait Allah awis firman tentang pengewolupm sina." ²¹ Ali, ukah reo krongoine, ampe wayah subuh, reo sinop ampe suangk Bait Allah ali muali ngajar. Lau Iman olai ali ulunt-ulunt sesesamane awi , reo ngumpul Sanhedrin ali awis majelis tuo-tuo Israel, lalu nyuyu ulunt ampe penjara agin ngowit rasul-rasul sio ngehadap reo. ²² Namun, lau ulunt-ulunt suyuan sio ampe , reo doho kawokng ke rueh rasul sio ba pemjara. Kemudian, reo murek ali ngumi laporan, ²³ Ali montuh," Kaint ngiriyet penjara sio tekunci ali gawis pengamanan ali buhan penjaga sekondrokng ba muka jawokng, leka lau kaint mbukane ,kaint doho kawokng eraikulunt pun ba suakngne." ²⁴ Ali, lau otok penjaga Bait Allah ali buhan imam pengutok krongoi pengontuh sio, reo bingung beta ali buhan rasul sio ali mihirik somone mungkin hal sio kate tejari. ²⁵ Kemudian, se eraikulunt awi ali ngumitahu reo," Pinda! Ulunt-ulunt se iko sinopkan ampe suakng penjara lau sekondrokng ba Bait Allah ali ngajar ulunt deo." ²⁶ Gane, pengotok penjaga Bait Allah baya pengawalne tulak ali ngowit rasul-rasul sio, leka doho ali kekerasan koe reo takut wa tumbuk watu oleh ulunt deo. ²⁷ Lau reo ukah ngowit Petrus ali Yohanes, reo ngehadapne ampe Sanhedrin, Gane Imam olai mihirik reo, ²⁸ Ontuhne," Kaint ukah ngelarangko ali tegas agar doho mau ngajar ba suakng ngarant sio, leka iko ukah memenuhi Yerusalem ali ajaranko ali iko bemaksud agin menanggungkan raya ulunt sina ampe kaint," ²⁹ Namun, Petrus ali buhan rasul njawab," Kaint harus lewi menaati Allah ante meresia. ³⁰ Allah itak moyang ta'amp ukah membangkitkan Yesus, se ukah iko bunu ali menggantung-Ne ba kayu salib. ³¹ Allah mekombokan Ise ba kayang kanan-Ne sebagai pemimpin ali juru Selamta agin ngumi pertobatan bagi Israel ali pengampunan mundan dosa-dosa. ³² Ali, kaint siolah saksi-saksi ante awis sina, ali demikian lou Roh Kudus, se ukah Allah umikan ampe ulunt-ulunt se menaati-Ne." ³³ lau reo krongoi hai sio, ate reo tetusuk ali maksud agin menbunu buhan rasul sio. ³⁴ Anta leka, eraikulunt Farisi bengarant Gamaliel, eraikulunt guru Taurat se wahormati awis ulunt, sekondrokng ba muka Sanhedrin ali nyuyu agar buhan rasul sio waowit ampe kual didile. ³⁵ Gane, Ise montuh ampe reo," Hai ulunt-ulunt Israel , perhatikan ali saksama nyone se anta iko lakukan tehadap ulunt-ulunt sina. ³⁶ Ena, sesenu wayah se bai, Teudas bangkit, ngaku ompune sbagai ulunt penting ali kira-kira na'ant opt jatus ulunt se begabung aline. Anta leka, ise wabunu ali awis pengikutne tercerai-berai, ampe doho na'ant sama sekali. ³⁷ Ukah Teudas,Yudas ante Galilea bangkit, ba ondro-ondro sensus, ali narik deo ulunt agin nyirikne, Ise lou babunu ali awis ulunt se nyirikne tercerai-berai. ³⁸ koe sio, suakng kasus sina, aku menesehati iko; ai riyet ulunt-ulunt sina ali ginoun reo. Ena jaka rencana ali perbuatan sina tanjak ante meresia, hal sio doho anta behasil. ³⁹ Namun, jaka rencana sina tanjak ante Allah ,iko doho anta mampu memberhentikanne. Bahkan, iko mungkin anta wa temui pentung ngelawan Allah." ⁴⁰ Reo menuruti nasehat Gamaliel .Kemudian,ukah ngitai kerueh rasul sio, reo mopok keruehne ali ngelarangk buhan rasul agin sundro suangk ngarant Yesus, gane melepahne. ⁴¹ Koe sio, rasul-rasul sio tulak ante hadapatn Sanhedrin ali besukacita ena reo waanggab layak menderita penghinaan demi ngarant-Ne. ⁴² Ali, tiap ondro, ba Bait Allah ali tanjak lowu ante lowu reo ngajar ali ngumiberita Injil berita keselamatan. Pengawi Yesus Kristus ali wa mulaine pemerintahan Allah ba denia sina bahwa Yesus siolah Kristus.