¹ Semayo lou iko, uy harau-harau, tundukdeh ampe harau ko(upo). Koe, noneka ba rokakng reo naatn se doho taat ampe Firman, reo kate wakuret koe tingkah laku harau ne(wawe) beloh kata-kata ² koe reo minda betapa murni ali terhormatne tingkah lakuko. ³ Aideh kebungasan ko anjak ante tatapan kual, misalne ante ngepang walo, makai hiasan amas, atau makai pakayatn se larang-larang. ⁴ Sebalikne, kakandeh kebungasanko anjak suakng batinko, yaitu kebungasan se doho kate layu se tanjak ante roh se loma beta ali suni. siolah se beharga ba matu Allah. ⁵ Koe, semayo ka wawe-wawe kudus pe zamatn bai, se ngandakpengharapan reo ampe Allah, ngebungasne kompu reo semone ali tunduk ampe harau (upo) reo ⁶ semayoka Sara taat ampe haraune, Abraham, ali ngitaine 'tuan'. Iko siolah anak-anak Sara ena iko ngulah maeh ali doho wakuasai koe kima takut desukng ngulahne. ⁷ Semayo lou iko, uy harau-harau (upo), wolupmdeh sesama harauko (wawe) ali ponu pengertian koe reo kaum se lewi lome. Hormatideh reo sebagai sesama ahli waris suakng nerima anugerah wolupm agar doa-doako doho tekalang. menderita koe ngulah tu'u ⁸ Akhirne, kakatn iko ulep pu'utn keeraian pikiran , belas tuasi, tuasi eraiuntukng, sengo se lome beta, ali kerandahan sengo. ⁹ Aideh ngebalas kedaatan ali kedaatan, atau makian ali makian. Sebalikne, kakatn ka iko memberkati koe agitn siolah iko waitai, yaitu agar iko ngewarisi berkat. ¹⁰ Koe kitab suci montuh, barangsapa mensintai wolupm, ali kakatn minda ondro-ondro se maeh, ise harus njaga jilahne ante kedaatan ali wawone ante montuh tipu muslihat. ¹¹ Ise lou harus ngorokan kompu anjak se daat ali ngulah se maeh . kakatndeh ise ncari pedamaian, ali berusaha ngapungne. ¹² Koe, mato Tuhan minda ulutn-ulutn tu'u, ali telongo-Ne ngerongoi doa-doa reo. leka, wae-Ne menentang ulutn-ulutn se ngulah kedaatan." ¹³ Isepoh se anta mencelakai ko ena iko rajin ngulah hal se maeh? ¹⁴ Leka, seandaine iko harus menderita agitn ketu'uan, moko iko anta waberkati." Ai takut ali ai gentar tehadap reo se ngulahko menderita." ^{17 15} Leka, kuduskandeh Kristus sebagai Tuhan ba suakng sengoko! Siap ka agitn ngumi jawaban ampe ise pun se nuntutko mengenai pengharapan se iko pu'utn, ¹⁶ leka ulahdeh sio ali lome beta ali hormat, serta puutndeh sengo nurani se berasih agar desukng iko wafitnah, ulutn se ngelejeng cara wolupm ko se maeh ba suakng Kristus anta njari mai. Koe, lewi maeh menderita koe ulahan maeh, ena sio memang kenakatn Allah, antepada menderita koe ngulah daat. ¹⁸ Koe Kristus lou ukah menderita koe dosa-dosa, sekali agitn awisne ulutn, se tu'u mate agitn se doho tu'u, mokone Ise kate ngoit taapm ampe Allah. Wabunu secara jasmani, leka wawolupmkan ba suakng Roh. ¹⁹ Suakng Roh, Ise lou tulak ali ngulah pemberitaan ampe roh-roh ba penjara ²⁰ Yaitu reo se bai doho taat desukng Allah ali sabar menanti reo pe zamatn Nuh, didile Nuh ngulah bahterane. Nyendalo bahtera sio, hanya didik, yaitu walu ulutn ka se waselamatkan koe ranu olai (bah). ²¹ Ranu olai (BAH) sio ngelambangkan baptisan se kletu ngawatko. Baptisan doho agitn meberasihkan kotoran anjak kompu, leka merupakan pemohionan ampe Allah agitn erai sengo nurani se murni nyendalo kebangkitan Yesus Kristus, ²² yaitu ise se kletu ukah pombo pe surga ali naan ba rika kanan Allah; ukah ulep malaikat, para pemerintah, ali para penguasa watundukan ampe-Ise.