¹ Koe sio umpilah awis kebencian, awis tipu daya, awis kemunafikan,awis iri ate,ali segala masam fitnah. ² sara enja se wau mekuh, kakanlah iko kakant susu rohani se murni agar iko betumbu suakng keselamatan ko. ³ Jaka iko ukah bujur-bujur nginam bahwa Tuhan sio maeh. ⁴ Lau iko awi ampe Krisrus , Watu wolump se wa umpi oleh meresia, leka se wapili oleh allah ali wa anggab baharga beta bagi-Ne, ⁵ Iko lou sara watu-watu wolump ,se wabangun njari suatu lowu rohani imamat se kudus agin wapersembahkan kurban-kurban rohani se bekenan ampe Allah nyendalo Yeus Kristus. ⁶ Koe kitab suci montuh," Pindalah ,aku ngandak erai watu ba Sion, erai watu penjuru se wapili ali se mulia, ali isepun se persaya ampe -Ne doho anta watamai. ⁷ Jari, watu sio mulia bagi iko se persaya ,leka bagi se doho persaya," watu se waumpi oleh tukang-tukang bangunan, ukah njari watu penjuru," ⁸ ali njari ," Erai watu sandungan ali karang se ngulah ulunt latu. ⁹ Namun , iko siolah bangsa s wapili, imamat se rajani, bangsa se kudus, umat punt Allah saurang agar iko kate ngumiberita kemaehan-kemaehan-Ne se ukah ngitai iko pekual ante kesiromp nuju ampe tarakng -Ne se ajaib. ¹⁰ Bai,iko doho umat Allah,, leka keletu iko siolah umat Allah bai ,iko doho nerima belas tuasi , leka keletu iko ukah nerima belas tuasi Allah," Pengalant Wolump se Maeh agin Kemuliaan Allah ¹¹ Eraiuntung-eraiuntung sekutuasi, aku kakant menesehati iko sebagai pengawi ali ulun asing ba denia sina agin mekoro kompuko ante kenakant hawa nafsu duniawi se babur ngelawan jiwako. ¹² Jagalah tindak tanduko se maeh ba rokang ulunt-ulunt se balum persaya agar none reo memfinahko sebagai ngulah kedaatan, reo kate minda perbutanko se maeh, ali anta memuliakan Allah ampe ondro Pelawatan . Patuhlah ampe Pe guasa ¹³ Demi ngarant Tuhan , Tunduklah ampe tiap lembaga pemerintahan se watetapkan oleh meresia , maeh ampe raja sebagai penguasa paling ombo, ¹⁴ Ampe buhan gubernur se wakirim oleh raja agin menghukum buhan pelaku keda'atan ali ngumi pujian ampe ulunt-ulunt se ngulah maeh . ¹⁵ Ena , semayolah kenakant Allah ; ali nglah maeh, iko membungkam kedodotahuan ulunt-ulunt bungul. ¹⁶ Wolumplah sebagai ulunt-ulunt se merdeka, leka ai wagunakan kemerdekaanko sio sbagai kedok keda'atan, sebalikne ,wolumplah sebagai hamba-hamba Allah. ¹⁷ Hormatilah awis ulunt , tuasilah eraiuntung-eraiuntung seiman, takutlah anta Allah ali hormatilah raja, Penderiataan Kristus sebagai Teladan Wolump ¹⁸ Hamba-hamba, tunduklah ampe tuanko ali segala hormat , doho ekat ampe reo se maeh ali lemah lembut ,leka lou ampe reo se doho adil. ¹⁹ Ena merupakan suatu kasih karunia ,jaka demi kesadaranne anta Allah , eraikulunt kakant bertahan suang penderitaan koe kedoho adilan. ²⁰ Ena, nyonekah upako jaka ali tabah iko nerima popokan koe ulahanko se bedosa? anta leka ,jaka iko menderita koe ngulah maeh ali iko nerima ali tabah tindakanko sio bekenan ba muka Allah ²¹ Ena , agin siolah iko waitai, koe Kristus lou ukah menderita bagi iko ali ngikeh teladan bagiko agar iko nyirik otek-Ne. ²² Ise doho bebuat dosa ali tipu daya ali na'ant ba wowa-Ne. ²³ Lau ise wasibilek , ise doho mbalas ali simbilek; lau Ise menderita, Ise doho ngancam ,leka ngumi kompu-Ne ampe Allah se anta menghakimi ali adil ²⁴ Ise saurang nanggung dosa ta'amp ampe ompu-Ne wa kayu salib agar ta'amp mate tehadap dosa, ali wolump agin kebenaran, koe bilur-bilue-Ne,iko waparadu. ²⁵ Bai, iko sara domba-doba se tarus-menerus tersesat,leka keletu iko ukah murek ampe Sang Gembala ali Pelindung jiwako.