¹ Dan, Yesus masuk lagi ga sinagoge, dan ta aro naan erang kaulun sa lumpuh tuhi tangan e. ² Here maitihi Yesus mat nena inonkah Aye akan nangkaoh ulun hio ta andrau Sabat hingga here kaiuh nuduh Aye. ³ Balu, Yesus ngantuh ga ulun sa tangan e lumpuh tuhi e hio, "mindri lah ta penah - penah." ⁴ Dan, Yesus ngantuh ga here, "inonkah tau berbuat maeh antawa berbuat jahat ta andrau sabat? manyalamatkan nyawa antawa munu?" namun, here benyem. ⁵ Udi hio, Yesus ngi'ni sekeliling here nihi sangit. Aye tu'u sedih hamau kamape atei here. balu,Yesus ngantuh ga ulun sa tangan e lumpuh tuhi e hio,"ulur kan tangan-nu." Dan, ulun hio mengulurkan tangan e, dan tangan e jari kaoh. ⁶ Ulah hio, ulun-ulun Farisi hinang tulak, dan mulai basekongkol nihi ulun-ulun Herodian sa ngalawan-E tentang kala awe munu-E. Ajoh Ulun Nguma Yesus ⁷ Namun, Yesus nampalawit arep nihi murid-murid-E ga danau, dan sajumlah hante ulun neke wilayah Galilea nguma Aye, dan neke Yudea, ⁸ Neke Yerusalem, Idumea, daerah sabarang hungei Yordan, dan lei neke sekitar Tirus dan Sidon, ajoh ulun katika karengei kaluhan sa Yesus lakukan, hawi ga Aye. ⁹ Ulah ulun ajoh hio, Yesus ngantuh ga murid-murid-E agar menyiapkan isa jukung bagi-E hingga here koi ngadasak Aye. ¹⁰ Ulah Yesus haot nangkaoh ajoh ulun, maka kaluhan ulun sa naan penyakit tarus badesak-desakan mat kaiuh nyaput-E ¹¹ Dan, katika roh-roh najis katena Yesus, here sujud ta hadapan-E dan kamiak, "Hanyu ayelah Anak Allah!" ¹² Namun, Yesus nguring tu'u here mat mangungkapkan hie Aye. Yesus Menetapkan Dua Belas Murid-E ¹³ Balu, Yesus mamai ga wungkur dan mangundang ulun-ulun sa nakangakan-E mat pahengau Aye, dan here pun hawi dapot-E. ¹⁴ Aye menetapkan dua belas kaulun hingga here kaiuh pahengau nihi Aye dan Aye kaiuh mengutus here mat bakhotbah, ¹⁵ dan ngami kuasa mat mangusir setan-setan. ¹⁶ Yesus menetapkan kadua belas ulun hio : Simon ( sa ga aye Yesus ngami aran Petrus), ¹⁷ Yakobus, anak Zebedeus, dan Yohanes, pulaksanaai Yakobus ( sa ga aye Yesus ngami here aran Boanerges, arti e "Anak-anak Guruh")' ¹⁸ Andreas, Filipus, Bartolomeus, Matius, Tomas, Yakobus, anak Alfeus, Tadeus, Simon ulun Zelot, ¹⁹ dan Yudas Iskariot, sa makhianati Aye. Kuasa Yesus Baasal neke Allah ²⁰ Udi hio, Yesus masuk ga isa lewu, dan kerumunan ulun waleng bakumpul ta aro hingga Yesus dan murid-murid-E bahkan koi kaiuh nguta roti. ²¹ Katika kalurga-E karengei hal ina, here hawi mat nuna Yesus waleng ulah here ngantuh bahwa Aye haot koi waras lagi. ²² Dan, Ahli-ahli Taurat sa minau neke Yerusalem ngantuh, "Aye kerasukan Beelzebul !" dan "Aye mangusir setan nihi kuasa pemimpin setan." ²³ Balu, Yesus nerau here hawi dapot Aye, dan ngantuh nihi pakai perumpamaan, "Kala awe tau iblis ngusir iblis? ²⁴ Jaka isa kerajaan murai mapai ngalawan arep e laerai, kerajaan hio koi iuh batahan. ²⁵ Dan, jaka isa lewu murai mapai ngalawan arep e laerai, lewu hio koi akan batahan lawah ²⁶ Jika Iblis bangkit ngalawan arep e laerai dan murai mapai, aye koi kaiuh batahan, tetapi baahirlah riwayat e. ²⁷ Koi naan erang kaulun pun iuh masuk ga lewu ulun sa kuat dan ngalat harta banda e, kecuali terlebih dahulu aye nuruk ulun kuat hio, maka japolah aye kaiuh ngalat lewu e." ²⁸ "Aku ngantuh sa sabujur e ga hanyu, kaluhan dosa anak-anak marasia iuh na ampuni, dan segala hujatan sa na antuh here. ²⁹ Akan tetapi, hie sa mahujat Roh Kudus koi akan pahindra na ampuni, melainkan bahala ulah dosa kekal." ³⁰ Ulah, ahli-ahli Taurat hio ngantuh, "Aye kerasukan roh najis." Kalurga Yesus sa sabujur e ³¹ Udi hio, ine dan pulaksanai Yesus hawi dan mindri ta luar lewu. Here nunyu ulun ga Aye mat nerau-E. ³² Karumunan ulun ganyah maharung ngaliling Yesus dan here ngantuh ga Aye, "Tena, ine-Nu dan pulaksanai-Nu naan ta luar ganyah nupui Hanyu." ³³ Dan, Yesus ngajawab here dan ngantuh, "Hiekah ine-Ku dan pulaksanai-Ku?" ³⁴ Udi hio, Aye ngi'ni ulun-ulun sa maharung ngaliling Aye dan ngantuh, "Tenalah, ina ine-Ku dan pulaksanai-Ku! ³⁵ Ulah, hie bo sa ngulah kahandak Allah ayelah pulaksanai laki-Ku, dan pulaksanai wawei-Ku, dan ine-Ku"