KARUNIA-KARUNIA TEKE ROH KUDUS ¹ Wayah ina, mengenai karunia-karunia rohani, Pulaksanai-pulaksanai, aku koi hamen hanyu koi ngarasa e. ² Hanyu karasa bahwa katika hanyu masih jari ulun-ulun sa mete mengenal Allah Talla, hanyu na santawang gi berhala bisu, sameh awe hanyu na pimpin. ³ Gana hio, aku mawara mat gi hanyu bahwa koi naan isa pun, sa bapaner ulah Roh Allah Talla, sa ngantuh, "Yesus terkutuk", dan koi naan isa pun sa ngantuh, "Yesus ayelah Tuhan," selain ulah Roh Kudus. ⁴ Naan berbagai karunia rohani, tapi Roh ni sameh. ⁵ Dan berbagai pelayanan, tapi sa Tuhan ni sameh. ⁶ Naan berbagai gawian, tapi Allah Talla sa sameh sa ngaraja hadi eha e gi kaluhan ulun. ⁷ Gi tiap-tiap ulun na karunia kan pernyataan Roh mat gi kebaikan sa sameh. ⁸ Gi sa isa na ami pangantuh-pangantuh hikmat mitah Roh dan gi sa lain pangantuh-pangantuh pengetahuan ulah Roh sa sameh. ⁹ Gi sa lain na ami iman ulah Roh sa sameh, gi salain karunia-karunia penyembuhan ulah Roh sa isa hio. ¹⁰ Gi sa lain na ami gawian-gawian mukjizat, gi sa lain nubuatan. Kepada sa lain na ami kemampuan mat pakai membedakan roh-roh, gi sa lain berbagai macam bahasa lidah, Dan sa lain mengartikan bahasa-bahasa lidah hio. ¹¹ Kaluhan ne hio na karaja ulah Roh sa isa dan sameh, sa membagi gi masing-masing ulun, sameh nihi sa na kahandaki e. ¹² Sameh nihi tenga ayelah isa, tapi ajoh anggota tenga, biar pun ajoh, ayelah isa tenga, kala hio lei Kristus. ¹³ Gana, ulah isa Roh, takam kaluhan haot na baptis gi huang isa tenga, baik ulun Yahudi maupun ulun Yunani, baik walah maupun ulun merdeka, Dan takam kaluhan na ami ngo'ot teke isa Roh. ¹⁴ Ulah tenga koi terdiri teke isa anggota, tapi ajoh anggota. ¹⁵ Jika pe'e ngantuh, "ulah aku bakoi tangan, jari aku bakoi bagian anggota tenga," bakoi berarti aye bakoi anggota tenga. ¹⁶ Dan, jika silu ngantuh, "ulah aku bakoi mate, aku bakoi anggota tenga," koi berarti aye bakoi bagian tenga. ¹⁷ Jika kaluhan tenga adalah mate, ta awe kah pakai ngarengei? jika kaluhan ne adalah silu, ta awekah pangenguh? ¹⁸ Tapi, wayah ina Allah Talla haot ngandak uneng anggota-anggota hio, setiap ulun neke here, ta huang tenga, masam sa nakahandak e. ¹⁹ Jika kaluhan adalah isa anggota, ta awe kah tenga? ²⁰ Jari memang ajoh anggota, tapi ekat isa tenga. ²¹ Gana hio, mate koi tau ba paner nihi tangan, "aku koi memerlukan hanyu!" Atawa, ulu nihi pe'e, "aku bakoi memerlukan hanyu!" ²² Sebalik e, anggota-anggota tenga sa leon lebih maleme sa bujur e sa paling na perlu. ²³ Dan, anggota-anggota tenga sa na kono takam kurang terhormat, justru ami lah penghormatan sa lebih. Dan, anggota-anggota tenga, sa na anggap takam kurang layak tampil, harus na ulah mat labih layak tampil, ²⁴ Ulah bagian-bagian sa haot layak tampil bakoi memerlukan ne. Amun, Allah Talla haot ngatur tenga hio nelang ngami penghormatan lebih hante gi anggota-anggota sa kekurangan. ²⁵ Mat ada perpecahan ta huang tenga melainkan mat anggota-anggota hio kaiyuh memperhatikan isa nihi sa lain. ²⁶ Jika isa anggota menderita kaluhan anggota ta menderita sameh pahengau aye. Jika isa anggota dimuliakan, kaluhan anggota bersukacita pahengau aye. ²⁷ Wayah ina hanyu adalah tenga Kristus dan hanyu adalah masing-masing ayelah anggota-anggota nya. ²⁸ Allah Talla haot menetapkan ta huang jemaat, pertama ayelah here rasul, karueh ayelah here nabi, ka telu here guru, udi hio mujizat-mujizat, karunia-karuna penyembuhan, pangawat, kepemimpinan, dan hadi ba macam bahasa. ²⁹ Inon kah kaluhan rasul? Inon kah kaluhan ne nabi? Inon kah kaluhan ne guru? Inon kah kaluhan ne pengulah mujizat? ³⁰ Inon kah kaluhan ne ka ampun karunia penyembuhan? Apakah kaluhan ne ba paner nihi bahasa-bahasa? Inon kah kaluhan ne mengartikan? ³¹ Amun, pangakan nihi bujur-bujur karunia sa paling hante. Dan, aku mat sagar nutui gi hanyu lalan sa lawit lebih maeh.