¹ Podigho, mwakurwange ghomwahakwa amwe narura, ruhakitho no kutungeka, mundhira dhi mwakona kwimana ndjikiti mwaFumu, mwashere ghomwahakwa. ² Nakumukanderera na Euodia, nakumukandera na Syntyche, mukare nomaghano ghofotji mwaFumu. ³ Kemo, nakumwipura, mughushemwa, mukughamwena mukanyokwetu ghoyu gharughana nange mukuhanya nando dhomoyo, pofotji naClement ndani no harughani hayendhange wahe, awa ghakara mena ghawo mumbapira dhomoyo. ⁴ Muhafe mwa Fumu kehepano. No karo nakuyighamba, muhafe. ⁵ Muninge ghunu wenu ghaghudimuke kehe yuno munu. Fumu ne pepi ghadi. ⁶ Mwakara munapata kukeheyino. Ene, mukeheyino yomundapero no kutata, muninge yinyanda yenu ghayidimuke Nyambi, no thiraro tha Nyambi, ⁷ eyi yapita matjwathaneno ghomahe, nanyi gha kunge mutjima ghoye noyighayara mwa Kristusi Jesusi. ⁸ Paghuhura, mwakurwange,kehe yino yinu yoghushemwa, keheyino yinu kuyifumaneka, kehe thino thinu, kehethino papaptho, keheyino yiwa, keheyinoyinu kuyitongora ghuwa, ngeshi koyidi yoyiwa thikuma, ngeshi koyidi yo kushogherera, mughayare yinu yi. ⁹ Yinu yi muna kuhongo no kuwana no kuyuva no kumona mumwange, muyitende yinu yi, na Nyambi gho thiraro ghana kukara nenu. ¹⁰ Ame kehe pano kuhafa thikumwa mwa Fumu yoyishi hasha mwakushuka kuhatera kukwange. Mwakarire nothinga kukwange pakutanga, ene kadi mwakarire no ndhira kehe dhino dhokughamwena. ¹¹ Mbadi nakughamba yinu yi pamurandu eshi ame nashana. Nakuhonga kukara ndjikiti mukeheyino. ¹² Nadimuka eshi thinu munye kukara ghuhepwe, nonadimuka eshi thinu munye kukara noyinu yoyingi. Kehe muno mundhira no mukeheyinu nakuhonga ghudhindo gho ngepi edi ghokukara thiwanaendi kukara no ndhara, no ngepi edi gho kuwana endi kushana. ¹³ Kukona kurughana kurughana yinu yoyihe kupitera mumwendi oyu ghanitanaritha. ¹⁴ Ngambi ngepi, mwatendire thiwana mukuyarekera nage mumaghukukutu ghange. ¹⁵ Ame mwaka Filipi mwadimuka kumatangero ghonando dhomoyo, apa natundire muMacedonia, kadiko ngirishe edhi dhanikwatithireko mukutapa endi kuwana kutundithako yamwe pithenu. ¹⁶ Ngambi panakarire muTessalonika, mwatumine maghamweno muyinyanda yanga kupitera parofotji. ¹⁷ Kadi shi ngwa kuna kushana yiwana. Ene, kushana mbuyo edhi dhakuwedherera muyitenda yenuyoyiwa. ¹⁸ Nawanine yoyihe mukuyarera, nokupitakana. Nakarire hakunipa thiwana pano panawana kwaEpaphroditus kuyinu yi mwatumine.. Ayo kunuka thiwana, muyambo hatamburire no wahafithire Nyambi. ¹⁹ Nyambi wange nanyi gha kuwane yinyanda yenu kukutha mughutungi wendi gho mangcamumwaKristusi Jesusi. ²⁰ Pano kwa Nyambi wetu no Wihetu ghakara nongcamu kuroruhe nororuheya. Ame. ²¹ Mumoroke mwahe mwahanu waNyambi hokupongoka mwa Kristusi Jesusi. Hakurwenu wanidi nagho hana mumorora. ²² Hanu wahe hokupongoka wahadi kuno hana mumorora, thikumapo ne hakadighumbo dya Caesar. ²³ Thinyeke thaFumu Jesusi Kristusi thikare no mupepo wenu.