¹ MwaGalasiye hohayero! Dye ghamuroha?Mumeho ghenu hamupamarere Jesus Kristusi. ² Ethi ne thothinu nashana kukuhonga kukwenu: Mwatambura mupepo ghoyirughana kupitera mumuragho ndi pakuyuva yomatawero? ³ Nane mwayero kenge? Mwatangire mwamupepo,nomwaka hurere keho panyama? ⁴ Mwayendire kuyinu yoyingi nyara-nyara ngeshi kemo ne munyaranyara sha? ⁵ Oyu ghatapire mupepo kukwenu noyirughana yoyitetukitho mukatji kenu ghayirughanine kemo kupitera muyirughana yo muragho, endi pakuyuva nomatawero? ⁶ Thika Abraham''ghatawire mwaNyambi no ghamutoyedherire kughuhunga,'' ⁷ mundhira dhodho mutjwathane eshi haka matawero ne hana Abraham. ⁸ Matjangwa,ghadimuka eshi Nyambi nanyi ghakukengurure hahayidena pamatawero,mayuvithero ghombudhi dhokupongoka kughutho waAbraham, yaninga eshi,''Mumoye marudhi ghomaheya mbohanapu kutungeka.'' ⁹ Podiyo eshi,hakamatawero mbanapu kutungeka pofotji naAbraham katughuru ghomatawero. ¹⁰ Waheya wa hatanarere payirughana yomuragho awo ne munotwa hakara;nohayitjanga eshi,''haka notwa ne kehe yuno ghadhira kukumithamo eyi hatjanga mumbapira dhomuragho nokuyitenda hapwe kukuta.'' ¹¹ Noyakena eshi kadiko ghokuwana ghuhunga kughutho waNyambi kupitera pamuragho yoyishi''Hahunga wone kupara kupitera mumatawerro.'' ¹² Ene muragho ne mbadi yomatawero,ene,munuyu ghana kutenda yirughana yomuragho ghana kupara mumwagho. ¹³ Kristus lghatukomonona kuthikuto ethi wareta muragho mukukara munotwa mudyango dyetu- hayitjangaeshi hakureka kuthitondo ghapwe kukuta''- ¹⁴ podiyo matungekero ghokwaAbraham haghawane hahayidena mwaJesusi Kristusi,pamakurupero potwawanena matoyedhero ghomupepo. ¹⁵ Mwaghendhange,munitawedhere nighambe yopa thina ghunu. Ngeshi hanungu makuyuvero kupitera mumuragho,mbadi mboghukona kuyikandwera kumbadi ndi kuwedhererapo. ¹⁶ Matoghedhero agha hatoyedhera kwaAbraham nohanahokawendi. Mbadighana kutongora eshi,''Kwawana hoka,'' kutamba kwawaheya,endi kwoyofotji,'' no kwa mwanahoka ghoye,'' oyu ghadi eshi Kristusi. ¹⁷ Pano eyi nakumutongwera ne yino;Muragho,oghu weya munyima dhomamyaka mathere mane no makumi mahatu,mbadi wakandwera kuya ghundambo ghokare oghu ghaturithirepo Nyambi,ndi kudhongonona maturekero. ¹⁸ Ngeshi ghupingwa kwiyerapo kupitera mumatoyedhero. Ene Nyambi ghayitapire kwaAbraham pamatoyedhero. ¹⁹ Thitambo munye keho thomuragho? Haghuwedhererako pamurandu ghokughureya kate mbagheye hanahoka awa haturekera matoyedhero gha muragho haghutapa kupitera mwamuEngeli munyara dhamuka mutakatji. ²⁰ Mitakji ghatapa yoyingi kupiterera munu yofotji,ene Nyambi ne yofotji. ²¹ Eyi, muragho ne wakurimba nomakuruperitho ghaNyambi ndi? Mbadi kemo! Ngeshi muragho ne ngo gha ghutapire ghutapa moyo,ngo ghuhunga nagho ngoweyerapo kupitera mumuragho. ²² Ene matjangwa ghaghangere yoyiheya mudiharwero. Ngambi ghatendire yi podiyoshi matoghedhero ghomaghamweno ghetu kupitera mumakurupero ghomwaJesusi Kristusi mbohaghatape kowa mboha tawa. ²³ Kughutho gho kwiya matawero,twakarire munwato dhomuragho watuwanga kate ghakushwaghe matawero. ²⁴ Muragho watukungire kate gheyire Kristusi,podiyo shi tuwane ghuhunga pamatawero. ²⁵ Ene pano keho gheya matawero atwe mbadi shime karo tu di munyara dhamukungi. ²⁶ Amwe ne mwaheya mwahana Nyambi kupitera mumatawero ghomwa Jesusi Kristusi. ²⁷ Thingi thawaheya awa hapwire kuyogha diyoghero mwaKristusi havata hathinda Kristusi. ²⁸ Mbadipo murandu endi ghamuJuda, ndi ghomuhirika, ndi ghomupika ndi ghomukahoro,ndi ghokatughuru ndi mbuyama,amwe ne mwaheya mwayofotji mwaheya mwaKristus Jesusi. ²⁹ Ndani ngeshi mwakaKristusi,mwanahoka waAbraham,ndani mwapingi mukukutha matoghedhero.