¹ Paghulusi,mupostoli ene mbadi mupostoli wawatutughuru endi wahanu,ene mwaJesusi Kristusi naNyambi wihe, oyu gha muvumbure mwawafu- ² na washere wange waheya, kuma ngirishe ghawa kaGalasi: ³ Thinyeke kukwenu nothiraro thaNyambi wihetu naFumu Jesusi Kristusi, ⁴ oyu gha kutapire thinda kuma harwero ghetu podiyo eshi ghatushuture kughuyi ghoshadyarero,kukutha kumahimeno ghaNyambi gho wihetu, ⁵ makughero kukwendi kuroruheya nororuheya. Amen. ⁶ Ame natetuka omu ghunashwagha kare pawangu wangu kukwendi oyu ghakwithire pathinyeke thaKristus. Ame natetuka eshi ghuna piruka kumbudhi dhimweya, ⁷ mbadi shi kodhidi mbudhi dhimweya, ene kohadi hatutughuru hamweya awa hana kushana kureta maghukukutu no kuhanyaghura mbudhi dhaKristusi. ⁸ Ene ngambi yatwe ngambi muEngeli ghomudiwiru hamuyuvithere mbudhi dhodhiwa kutundithako edhi twamuyuvithere twe, ninge ghapwe kukuta. ⁹ Thika di twa ghambire pakare, shime karo kuna kughamba ngeshi munu ghumweya ghayuvithere mbudhi dhodhiwa kutundithako edhi mwatambura, ninge ghapwe kukuta.'' ¹⁰ Kenge kona kushana mughuwa ghohanu ndi? Ngeshi shime ghani shana kuhafitha nunu,mbadi no mupika Kristusi. ¹¹ Nashana mudimuke mwashere eshi mbudhi dhodhiwa edhi namuyuvithere mbadi mbudhi dhawanu. ¹² Mbad nadhiwanine kwamunu, no kudhini honga temba. Ene, yakarire yihokora yaJesusi Kristusi. ¹³ Mwayuvire edi yakarire yipara yange yokare yomuthiyuda,omu nakuthakuthire mangirishe ghaNyambi kupitakanena no mu na yerekire kugha hanyaghurapo. ¹⁴ Nakarire hashako muJudaism kupitakana hashere wange,mu hanu wange. Edi ne dyodi nakuturiremo thikuma muthitjo thawakakerekandongo. ¹⁵ Ene Nyambi, oyu ghani torora mudira dya nawwe, no gha ni thire muthinyeke thendi, ¹⁶ ghahafire mukunedha mwanendi mumwange,podiyo eshi ni muyuvithe mukatji kawahayidena,mbadi nepurire popo nyama no manyinga. ¹⁷ Mbadi nayendire kuJerusalema kowa hakarire haApostoli kughutho wange. Ene,na yendire kuArabiya no nakahukire kuDamascusi. ¹⁸ Munyima dho myaka dhihatu na yendire kuJerusalema nikadimuke Sefaghusi nonakarire nendi mayuwa dikumi nomakwoko. ¹⁹ Ene mbadi na monine mukaApostoli ghumweya kutundithako Yakobusi, mina Fumu. ²⁰ Muyi nakukutjangera kuna kukukuruperitha kughutho waNyambi eshi mbadi na kwangera. ²¹ Ndani pona yendire kuyiko yaSiriya naSilisiya. ²² Shime mbadi hani dimukire rupara rwange kumangirishe gho muJudeya awa hakarire mwaKristusi. ²³ Kwayiyuvire ngenyu ghana kuyighamba eshi,''Katughuru ghumwe oyu ghatuhutha kuthire kuna kuyuvitha mbudhi dhodhiwa matawero agha ghayerekire kuhanyaghura.'' ²⁴ Podiyo hakughire Nyambi pamurandu wange.