¹ Paurusa, mukareli waKarunga ntani muApositoli waJesusa Kristusa mulipuro lyavantu ava ahoroghora Karunga ntani naghuyivi waushiri ogho wakwatitangoko vyauKarunga, ² Nalihuguvaro muliparu lya naruntje lya KwaKarunga, oghu apirango kukonga, ghatwenye dera meho nadintje mwaka noruvede. ³ Pa ruvede rwaghuhunga ghuye kuhorora nkango dendi kupitira mumashongo ogho va huguvarera kukwama kudimuragho da Karunga muyowoli wetu. ⁴ Kwa Titusa, mona waushiri mulipuro lyetu lyakukufana. Ghufenkenda na mbili yaKarunga shetu naKristusa Jesusa muyowoli wetu. ⁵ Mukonda ya shino shiruwana mbyo na mushuvira muKereti, mposhi muture nawa vininke vyakaroshi kapi vyapwa ntani nakutungika vakurona mushitata nashintje momu navimunegheda. ⁶ Mukurona akare ashi kudereko umbondo wangandi, mukafumu wakukwara mugholikadi umwe, navana vaushili kapishi vakumurundira ashi vamuvishwa ndi kapi kayuvanga. ⁷ Vyavyo hepero kuvakengeli, yira momu tupu mpititi ndjugho yaKarunga, kara wakupira undjoni. Wakona kupira ukaro waudona, kapishi kugarapa wangu, kapishi kukara nkorwe, kapishi wamukorokotji ntani kapishi wamakurulya. ⁸ Akareshi, ghuye kutekura nawa ntani ghumwe ahoro vyaviwa. Akare wakunyanyuka, waghuhunga, ghapongoka ntani wakukuhunga naumwendi. ⁹ Ghuye akwaterere nakukora kunkango daushiri damulyo odo vashonga, mposhi ngaka vhure naye kukorangeda vamwe namashongo ghamawa ntani na kuwapukurura ovo vamukananango. ¹⁰ Pakara vantu vavangi vandjorongani, vakughamba vyamahoko-hoko ntani vanavimpempa shinenepo kovo varuwanango vyavamba. ¹¹ Vyavyo hepero muku vashayikita. Vavo kuna kugarapita likoro nalintje mukushonga vidundwamo vyakufita ntjoni evi vinapiro kuwapera kuvishonga. ¹² Ghumwe wova Porofete wavo aghamba ashi, '' VaKereti vavo naruntje vanamapempa, vikashama vya ghurunde, Udwa na makurulya.'' ¹³ Oshino shighamba ushili. Ano ngoli, kuva wapukurura rwarungi, mposhi vakayuvike mulipuro. ¹⁴ Kapishi vaterere kuMpo yava Juda ndi kudimuragho dovantu ovo vashweno ushili. ¹⁵ Kovo va keno, vininke navintje vyakena. Ene ngoli kovo vaukaro waudona ntani nakupira kupura, kwato vya kukena, ene ndunge davo navantje na vighayara vyavo vya djonauka. ¹⁶ Vavo kukukanganga ashi vayiva Karunga, ene ngoli kavamushwenanga muviperedeka vyavo. Vavo kunyenga, kwato kuyuva, ntani kapi vyava tompokanga kuruwana viruwana vyaviwa.