¹ . Eyo waaliyo omuntu eyalli omulwaire, nka eyetebwa Lazaaro owe Bessaniya, omucibuga Omalyamu no muganda wamwe maliza je baikaaraanga ² . Omalyamu oyo, niye eyasukirre omuzigo ogwakawowo kumagulu ga mukama waiswe OYesu, namalla na gasimula neisoke lyamwe, yaali nomwonyokko, wamwe nka niye Lazaaro eyalli, alwaire. ³ . Awo Abonyoko ni nebamutumira obukwenda ati, omunyani wamwe gwataka Olazaro alwaire. ⁴ . Baitu oYesu niyawulire, nakoba ati obulwaire bunu tibwakufa wabula ekitiinisya ca Kanca kiboneke leeke omwana wa Kanca abe nekitiinisya olweebyo. ⁵ . Baitu oYesu yali munwyani wa? maliza nomugada wamwe, no Lazaalo. ⁶ . Awo bweyawulire nka alwaire, nayosawo enaku ebiri nka acaali omukifo ceyabairemu . ⁷ . Ale nakoba begesebwa bamwe ati, twireyo eBuyudaaya. ⁸ . Abegesebwa nebamukoba bati labbi, Abayudaya balibakusala amagezi bakukube amambale erate nijjo jokwendya okwiira? ⁹ . OYesu nabakoba ati emisana timubamu esawa ikumi nei ibiri? Omuntu natambula emisanna, teyekontola, olwakuba buba misana. ¹⁰ . Baitu omuntu natambula obwiire, yekontola, Olwakuba ecimoleeca talli nacco. ¹¹ . Niyasimwoire atyo, nabakoba ati omunwyani waiswei OLazaalo awungukire naye nkwaba okumwimula omutulo. ¹² . Awo abegeresya nebamukoba ati mukama waiswe, niyaba abasiryembe yaimuka. ¹³ . Baitu OYesu yasimwooire kukufa kwamwe’ Olazalo: baitu bo nibaloowoza ati akusimola kukubassya kwatulo. ¹⁴ . Olwebyo Oyesu nabakoobera amazuma ati Olazaalo afiire. ¹⁵ . Baitu nesimire okulwange kuba tinabaireyo, musobole okwikiriza naye twaabe ejali. ¹⁶ . Awo Tomasi ayetebwa Didumu nakoba abegeresebwa bairamwe ati Iswena twabe tufiire amwe naye. ¹⁷ . Awo OYesu niyaikire, nayajanga ya kamala enaku , inai omumagombe. ¹⁸ . Baitu Bessaniya caali ampi ne Yesusaalemi nka mairo ikumi na ittaano. ¹⁹ . Abayudaaya baingi abaali baizirre okukamautya Omaliza nomalyamu okumukubagiza olwa monyoko wabwe. ²⁰ . Omaliza neyawulire nka oYesu akwiiza nayabba oku mwajjangana; Omalyamu nasigalayo omunyumba. ²¹ . Awo maliza nakoba Yesu ati mukama wage, singa wabairewo anu omwonyoko wange tiyadifiire. ²² . Aate mmaite nka byoona bye wasaba OKanca, OKanca aiza kubikuwa. ²³ . OYesu nakoba ati omwonyoko wamu akwaba kuyimboka. ²⁴ . Omalizza namukoba ati, maite nka akwabakuyumboka okukuyimboka olunaku ludi olwenkomerero. ²⁵ . OYesu namwiramu nabakoba ati ninje kuyimboka, nobwomi: Aikiriza nnje gonze nka affire alimba mwomi; ²⁶ .Aate ciisi mwomi anyikirizza nje takwaba kufa okirizza ebyo? ²⁷ . Namukoba ati yii, mukama wange nyiliriza nka Yokaana niwe Kristo omwana wakanca. Akwiizza omunsi ²⁸ . Niyamaare okusimoola ebyo, nayaba nayeta omuganda wamwe malyamu caama, namukoba ati, omwegeresa aizire, akukweeta. ²⁹ . Yeena, niyawuliire, naimukiramu mangu naiza je yesu jeyaali. ³⁰ . Yesu yaali acaali kwiika omulubuga naye nka caali mukifo Maliza ceyamwajiryemu. ³¹ . Awo abayudaaya abali naye munyumba, ngabakumukubagiza, nebabweinenga yemereire magu okuwuluka nebamusengerya nka bakulowooza nti akwaba kumagombe kukungira eyo. ³² . Awo omalyamu nniyakire Yesu jali namubona, nagwa kumagulu gamwe, namukoba anti mukama wage singa wabaire anu omwonyoko wange tiyadifire. ³³ . Awo Yesu neyabwenenga akukunga, nabayudaya abazire naye nka bona bakukunga nawuura okulumwa mumoyo neyeralikira. ³⁴ . Nababurya ati mwamutaire ayi? Nebamukoba bati mukama waiswe izza obonne. ³⁵ . OYesu nakuungu amaliga. ³⁶ . Awo Abayudaaya nebasimola ati obwene nabaire amutaka. ³⁷ . Naye abandi nebasimola bati omuntu onu eyalubuiirye omwigali wamaaso tasobola kugana oni okufa? ³⁸ . Awo OYesu nasindirra omumoyo gwamwe naika okumagombe agaali gatekebweku eibale okuruguru. ³⁹ . Yesu nabakoba ati mutoleku eibale eryo, OMalizza, omwonyoko wodi eyafire nakoba ati, mukama wange aati, akuwunya kubba yakamala enaku inai. ⁴⁰ . OYesu namukoba ati, tikukoberenge ati newakiriza oiza kubona obukulu bwa Kanca? ⁴¹ . Awo nebatolayo embale, Yesu nalloola, mwigulu nasimola ati taata, kukwebalya, kubba wampulire. ⁴² . Njena nategeire nka ompuura bulizo baitu nsiimire, olwe cibiina ecinetoleire bakirize nka niwe wantumire. ⁴³ . Neyamare kusimoola atyo nasimora aiguru neiraka eryamani nakoba ati Lazaalo wuluka oyize. ⁴⁴ . Eyabaire afiire nawuluka, nka’zingibwe omumabbugo amagulu ne mikono, nekiremba nka acisibibwe omumaiso gamwe Yesu nabakoba ati bamusadabule, mumuleke ayabe. ⁴⁵ . Awo baingi, omu bayudaya, abaizire je malyamu, nebabweine kyakore nebacungulibwa. ⁴⁶ . Baitu abamwe kwabo neba, mubafalisayo nebabakobera Yesu byakoole. ⁴⁷ . Awo abakaboona abakulu na bafalisayo ne bakola olukiiko nebakoba bati tukole tutyai? Kubba omuntu oyo nga akukola ebya magero bingi. ⁴⁸ . Ntwamulekawo tutyo, bonabona bakwabakuyiduka: Yokaana nabaruumi baliiza balitunyagaku ensi yaiswe neyanga lyaiswe. ⁴⁹ . Baitu omwe kwaabo, ayetebwa kayaafa eyali okabona asinga obukulu mumwaka ogwo, nabakoba ati, nywe temuliku kye mumaite. ⁵⁰ . Temukifumintirizangaku nka kibagwanire omuntu omwe afiiriire abantu, leke eiyanga lyona ligaane okubula. ⁵¹ . Ekyo teyakisimoire mumagezi gamwe yekai, naye kubba yabaire kabona asinga obukulu mumwako ogwo, yalagwire nti Yesu akwaba okufirira eiyanga eryo. ⁵² . Baitu tilwaiyanga eryo ryokai, baitu akumbanywe abana ba Kanca abasasaine. ⁵³ . Awo okuzwa okwolwo ne bekobaana okumwita. ⁵⁴ . Awo Yesu natambula Omubuyudaya mulwatu, naye nazwayo nayaba Omukifo eciri ampi neirungu, omucibuga ekyetebwa efulaimu nabeyo nabegeresebwa bamwe. ⁵⁵ . Baitu empasika eyabayudaya yali yatera okwika: baingi abazwile omubyalo nebaba Yerusaalemi Epasika nka yatera okwika leeke beitereeze. ⁵⁶ . OYesu nebamuswagaine nebasimola bonkai na bonkai, nka bemereire omwiramyo, ati mukulowoza mutyai? Tiyainze kumpasika? ⁵⁷ . Baitu abakabona abakulu nabafalisayo bali balagire ati omuntu yeena yeena alimanya jaali atekwa okubamanyisya baabe bamukwate.