¹ Oyesu nabakoba ati mazuma, omuntu natayingira mumulyango gwa cisubo centaama baitu naninnira awandi, oyo niye mwibbi erate munyagi. ² . Baitu ayakaara omumulyango, niye mulisha wantaama. ³ . Oyo aigaara amwiguurawo nayingira, n'entaama zimuwuura amarakka: azeta entaama zaamwe amabara; aziwuluca enzai. ⁴ . N'amala okuziwuluca ezamwe zoono zoona nazikulembera nentaama nezimusengerya, kuba zimumaite amarakka. ⁵ . Owundi tizimusengerya, baitu zimwirukambe olwakuba tizimaite amarakka gabandi. ⁶ . OYesu nafumula olufumu luni baitu ababenyenere tibategeire bigambo byeya fumire nka nibyaali. ⁷ . Awo OYesu n'abakoberate ati mazuma nkubakoba ati ninje omulyango ogwa ntaama. ⁸ . Boona boona abansookere baali bayibi erate banyagi; naye entaama tizibawuura. ⁹ . Ninje mulyango; omunttu nayingira omunje ali cungurwa, alingiira erate aliwuluka alibona eirisiryo. ¹⁰ . Omwiibi taiza okutoolaku okuyiba nokwiita, nakuzikiriza nje naizire zibbe n'obwomi, erate zibbe nabwo mubweingi. ¹¹ . Ninje omulisya omusai; omusai awaayo nobwomi bwamwe olwa ntaama. ¹² . Alisiirya empeera taba mulisya, entaama nka tizamwe mwenyenere. Nabona omusegge guzitagulatagala nizisansaana. ¹³ . Nairaka kubba wa mpeera, nentaama tazitaako mwoyo. ¹⁴ . Ninje omulisha omusai; ate netegereza ezange, nezange zinteegera. ¹⁵ . Nka oitange n'antegeera, njeena mpaayo obwomi bwange olwa ntaama. ¹⁶ . Aate ndi nentaama ezindi ezitali za mucisuba cini zoona kingwanira okuzireeta ziriwuura eirakka ryange; era ziriba kisibo kimwe omulisha omwe. ¹⁷ . Oitange nico azwa anyendya, kuba nje mpaayo obwoomi bwange, nsobole okubutwala tte. ¹⁸ . Ndoowo abuntolaku baitu nje njekai mpaayo ndina obuyinza obwakubuwaayo erate ndi no buyinza obwakubutwala tte ekirangiro eco campairwe OItange. ¹⁹ . Newabaawo tte okweyawula omubuyudaaya olwa bigambo ebyo. ²⁰ . Abandi mwaabo baingi nibakoba ati alikku mizimu erate mulallu; mukumuwulirya gwaaki? ²¹ . Abandi nibakoba ati ebigambo bini ti bya muntu aluku mizimu, emizimu zisobola okwigula abaigali bamaiso? ²² . Yaali mbaga ya kwiciirya mu Yerusaalemi; byaali biro bya mpungo! ²³ . OYesu n'aatambuura omu yekaalu mukituuru ca Sulumaani. ²⁴ . Aawo Abayudaaya nibamweruugurya, nibamukoba bati olica ai okutunkanatanisya oba nka niwe Kristo tukobere mazuma. ²⁵ . OYesu n'abairamu ati nabakobeire, baitu timwaikirize: emirimo jje nkola mwiibara lya Itange, nizo zimanyisya nje. ²⁶ . Baitu nywe timwaikiriiza kubba timuliba muntaama zange. ²⁷ . Entaama zange ziwuura maraka gange: nzitegeera, erate zinsengeerya; ²⁸ . Njena nziwa obwoomi obutawaawo erate tiziribula emirembe nemirembe erate ndoowo alizinyiyaku omungalo zange. ²⁹ . OItange eyazimpaire niye mukkulu okusinga erate ndoowo asobola okuzinyaga omungalo za Itange. ³⁰ . Nje no Itange tuli omuntu omwe. ³¹ . Abayudaaya nibakoma tte amabaale okumukuba. ³² . OYesu n'abairamu ati emirimo zingi ezisai ezizwa owa Itange zembalangire nywe; omulumo gulayi omwezo ogukumubisya amabaale? ³³ . Abayudaaya nibamwiramu bati omulimo ogusya tinigwo ogukukubisya amabaale baitu olwakusisa eibala lya Kanca ate niwefuula okuba Okanca ate nka we oli muntu buntu. ³⁴ . OYesu nabairamu ati tikyawandikibwe mumateeka ganywe nti nje nabakobaire ati muli ba Kanca? ³⁵ . Oba nka yabetere abbo ba Kanca, abajurwa ekigambo ca Kanca erate nebyawandikibwa tibisobola kudiiba. ³⁶ . Nywe mumukobera ci? ati niye, Itanywe? Gwe yayeruciirye namutuma omunsi ati mumutyobole olwokuba akobere ati ndi mwana wa Kanca? ³⁷ . Nintakola mulumo gwa Itange, timunyikiriza. ³⁸ . Baitu ninzikola, gonze nka timunyikiliza nje, naye mwekiliza emilimo mumanye mutegere nka oy'Itange ali munje njeena mwitange. ³⁹ . Nibasala amagezi tte bamukwate nabawunusukka omugalo zabwe. ⁴⁰ . Aatette nasomoka enseeri wa mwiiga Yolodaani mukifo OYokaana jeyaali omukweekera nka abatiza; n'abeyo. ⁴¹ . Abantu baingi nibaizza jaali, nebakoba bati OYokaana ye tiyakole byamagero baitu biyamusimwoireku byaali bya mazuma. ⁴² . Nibwamwiikireza eyo baingi.