¹ . Nkusumoola mazuma omu kristo, tinkubeyega omwoyo gwage nigwo mujulizi omumwoyo omwikiriiri. ² . nka ndi nobujune bwingi nokulumwa okutakaanga omumwoyo gwange. ³ . Olwakubba, nakubaire nkutaka nje omwenyenere okuristo andaama okulwa baganda bange abakika kyange omu mubiri. ⁴ . aba Isirairi nibo bebawaire okufuuka abaana omungeri yakitinisya, nendagano, nokubawa ebiragiro nokukoranga okanca nebyo byeyasubize. ⁵ . Abali nabazeiza baamu erate okuristo mweyayazwiire omubiri nka niye afuga byonabyona okwangiririza okanca emirembe seregenyi amiina. ⁶ . Baitu tilwakubba ati ekigambo kya kanca kyazwirewo. olwakubba abazwire omu Isirairi tinibo ba Isirairi bonabona. ⁷ . Baitu tilwokubba ati nijo enda ya Ibulaimu nikwo bazwire bonabona mbabba baana wabula omu Isaaka enda yaamu nimwo balijatera. ⁸ . Nikwo okoba ati abaana abamubiri tinibo baana ba kanca, baitu abaana bakusubiza nibo babalibwa okubba ebyaile. ⁹ . Olwakubba ekigambo kini nikyo kyakusubiza nti nka ebiro ebyo nibiri ndiiza, erate no saala alibba nomwana. ¹⁰ . Baitu tinikyo kyonkai nikyo kimwe no lebbeeka nimwo yaali nenda yamwana omwe o'isaaka oziiza waiswe. ¹¹ . olwakubba nka bakyali kubyalibwa, ate nka bakyali kukola kisai oba ekibbi, okuteesa kwa kanca okkomya. kusobole okukakana tilwabikolebwa wabula okulw'oyo ayeta. ¹² . nakobebwa ati omukulu alibba mwiru wa muto. ¹³ . Nka nikyawandiikiibwe nti nayendya 'yakobo yete o'essawu namunungwa ¹⁴ . kale twasumoola tutyai? obutali bwikiiri buli edi kanca? Kiitalo. ¹⁵ . olwakubba akoba O'musa ati ndisasira oyo gwendisasira erate ndi kwatirwa ekisai oyo gwendikwatira ¹⁶ . kale nimwo kiri tilwakwendya kwa muntu oba okufuba kwamwe, naye lwa kusasira kwa kanca. ¹⁷ . olwakubba ebyawandiikiibwe bikoba o'falawo ati nikwo nzwire ninkulekawo, we, nsobole okumanyisya amaani gange neibara lyange rikoberwenge omunsi yona yona. ¹⁸ . kale nimwo kityo asasisira gwayendya okusasira erate akakanyalya gwayenderye okukakanyalya. ekiniga kya kanca n'okusasira kwona kwamwe. ¹⁹ . Ati wankoba nti okanca kulwaki akuunnenya? Baitu nka naani alemesya akuunnenya? ²⁰ . Baitu ekikulu, we omuntu niiwe naani awakana no kanca? ekibumbe kiri sobola okkoba eyakibumbire nti kulwaki wambumbire oti? ²¹ . oba okulowoza omubumbi taalina buyinza okubumba omukitole ekimwe nabumbamu ekibumbe ekyakitinisya yete ekitole ekindi nakibumbamu ekitali kyatakitinisya. ²² . Ate kiki obanga okanca niyayenderye okulanga obusungu bwamwe nokumanyisya obuyinza bwamwe yaguminkiriiza nokulindiirya omuno ebibya bya busungu ebyategekeibwe okuzikirira. ²³ . Asobola oku manyisya obuguuda obwakitinusya kyamwe okubisya byakusasira byeyatekeiretekeire ekitinisya erai. ²⁴ Ebibya ebyo nibyo iswe nokweta beyayelere timubayudaya bonkai naye eraerate nomu banamawanga ²⁵ . Nka nasimoola omu koseya ati abataali bantu bange ndibeeta abantu bange erate n'oyo ataatakiibwe ndimweta atakiibwe, ²⁶ . omukifo ekyo kyebabakobeiremu ati nywe timuli bantu bange, nikyo kifo kimwe kyebalibeteramu abaana ba kanca omwoomi. ²⁷ . Erate O'isaaya asimoola neiraka ryaiguru ebikwata oku Isirairi bulyenkana n'omusenye gwa nnyanja baitu kitundu mbe kyonkai nikyo kiricunguka. ²⁸ . olwakubba omukama okanca alikola ekigambo kyamwe okunsi nka akuciciirya eerate nka akucisalaku. ²⁹ . Erate nka O'isaaya niyekereire okusimoola ati singa omukama owa ijje tiyatulekeirewo bubyaire, twankubaire nk'osodoma erate twandisaine nko Ggomola O'isirairi nobwikiiri. ³⁰ . Obwo twasimoola tutyai? abanammanga abatasengeryanga bwikiriiri, baikire okkubwikiriiri, nibwe obwikiriiri obuzwa omukwikiriza. ³¹ Baitu O'isirairi niyakwatanga ebiragiro ebyabwikiriiri tiyaikire kumateeka gadi. ³² . Kulwaki? olwakubba tibagakwatanga nka bakusinziira omukwikiriza wabula nga bakusinziira mubikolwa era nibesiitaala okwibbaale lyebesiitaalaku, ³³ . nka nikyawandiikiibwe ati bona nkuta eibbaale lyebesiitaalaku omusayuni nolwazi olulibanaga. Erate aikiriza oyo ensoni tizirimukwata bbe.