¹ . kale ati tebalina musango abali mu kristo yesu. ² .kubanga eiteeka ery'omwoyo gw'obwomi mu kristo yesu lyankyusire oweiddembe nerintala mu eiteeka ery'ekibbi ³ . kubanga okanca yakola amateeka agatasobola kukola kubanga manaki olw'omubiri, bweyatumire omwana wamwe omukifananyi kyomubiri ogw'ekibbi, asobole okusale omusango ekibbi mu mubiri. ⁴ . obwikiriiri bw'amateeka busobole okwikira muiswe, abatatambula okusengerya omubiri, wabula basengerye omwoyo. ⁵ . kubanga abasengerya ebya mubiri, balowooza mubiri, baitu abasengerya omwoyo, balowoza bya mwoyo. ⁶ . kubanga okulowooza okwa mubiri nikwo kufa baitu okulowooza okwa mwoyo nibo buwomi nemirembe. ⁷ . kubanga okulowooza kwa mubiri nibwo buzigu edi Okanca, kubanga tegufugwa mateeka ga Kanca, kubanga n'okusobola tagasobola. ⁸ . nabo abali omu mubiri tabayinza kuyindura Kanca ⁹ . Baitu nywe timuli mu mubiri, wabula mu mwoyo, bwabbanga ddala omwoyo gwa kanca ayikaala muninywe. Baitu omuntu bwatabba na mwoyo gwa Kristo, oyo ti wamwe. ¹⁰ . Baitu obanga kristo ali mu nywe emibiri gyanywe nebwe giffa olw'ekibbi, emwoyo gyanywe gibba jyomi olw'okwiikiiriza. ¹¹ . Baitu obanga oyo eyayimboire oyesu omubafu ayikaala munywe, oyo eyayimboire kristo yesu mubafu erate nemibiri gyanywe egifa alijiyindula nijiba myomi kubw'omwoyo gwamwe ayikaala ¹² . kale na abaluganda, tulina eibanza; omubiri tinigwo okutubanja, okusengeryanga omumubiri. ¹³ . kubanga ne mwasengeryanga omubiri mukwaba kuffa, baitu nemwafikisyangawo ebikolwa by'omubiri ol'omwoyo, mulibba ¹⁴ . kubanga bonabona bakulemberwa omwoyo gwa Kanca abo nibwo bana ba kanca. ¹⁵ . kubanga temwaweiweibwe mwoyo gwa okutina baitu mwabweiweibwe omwoyo owakufuuka abaana, gwe tweta ati, "aba! oyitaiswe" ¹⁶ . Omwoyo gwenyire amwe n'omwoyo gwaiswe atumanyisa nga tuli baana ba kanca. ¹⁷ . nka bwetuli abaana erate tulibasika, abasika bba kanca, erate abasika amwe no kristo, bwe tubonaabonera amwe, erate tusobole tuwenwa amwe ekitinyisya. ¹⁸ . kubanga ngera ng'okubonaabonna okwamu biro bini, tikwenkanankana na kitinyisya ekikwaba okutubiikurwa. ¹⁹ . kubanga okulorera omuno okwa bitonde kurindila okuswekula kwabana ba kanca. ²⁰ . kubanga ebitonde byatekeibwe okufugwa ebitalumu, tilwakwendya kwabyo wazira okulwoyo eyabifugisya omukusubira . ²¹ . kubanga erate nebitonde byenyini byonaa biriwebwa eiddembe okuzwa mukufugibwa kw'okufunda okuyingira muiddembe ery'ekitinyisya kya baana ba kanca. ²² . Tumaite ng'ebitonde byonna byonna bitinda nka birumwa amwe okuyica ²³ . Erate ati bitonde byonkai, naye eraerate naiswe, abalina ebibala ebisokerwaku eby'omwoyo, era naiswe tusindira mu mwoyo gyaiswe ngo tukumiirya okukyuka kwabaana mukwo okucungulwa kwomibiri gyaiswe. ²⁴ . kubanga twa cunguirwe lwa kusabira, baitu ekisubirwa ekiboneka tikisubirwa, kubanga naani; asubira kyabonaku?. ²⁵ . Baitu ntusubira kyetutabonaku tulindirirya na ²⁶ . Erate kityo omwoyo atuyamba mubunaki bwaiswei; kubanga tetumaite okusaba nka bwe kitusanire, naye omwoyo gwenyenere, atwegayira okutinda okutabazika. ²⁷ . baitu eyekenenya emitima amayite okulowooza kw'omwoyo nga nkuli, kubanga ajunanirya abaikiiriiri nka okanca bwa ²⁸ . Erate tumaite ati edi abo ebenya kanca ebetebwe ng'okutesa kwamwe nkuli, ebintu byonna byonna ebibakolwa amwe olwobusai. ²⁹ . kubanga abo bonna bonna beyamaite eirai, erate yabawire eira kubaisanisirya nengeri y'omwana wamwe abbenge ow'okwekera mubo kuganda abanji. ³⁰ . Erate abo beyayawiire eirai, erate yabetera, yabawaire obwikiiriiri, yabawaire abo ³¹ . Kale twabaza tutya okw'ebyo? okanca nabba kulwaiswe, omuzigu waiswe naani? ³² . Atagaana mwana wamwe, baitu ye n'amuwayo kulwaiswe swena swena, erate talitugabira bintu byonna byonna amwe naye? ³³ . Naani ali loopa abalonde ba kanca? okanca abawe obwikiriiri; ³⁴ . naani alibasala omusango? kristo yesu eyafiire, oba okusinga eya imbokere, ali kumukono oguliyo ogwa kanca, erate ³⁵ . Naani; alituwakanya n'okwendya kwa kristo? bwinazi, lumwa, kwigganibwa, nzala, kubba bwerere, kacwano, oba mpirima? ³⁶ . Nka ne kyawandiikibwe oti, " twitibwa obwiire okusweeka okutulanga we; Twabalibwe nk'entama eezo’okusalibwa. ³⁷ . Baitu omw'ebyo byonnabyonna tuwangwire n'okusingawo kulw'oyo eya twendyere. ³⁸ . kubanga ntegereyire kimwe nka gonze kufa, gonze bwomi, gonze bamalaika gonze bakanna, gonze ebiriwo, gonze ebikwaba kubbawo, gonze mani, ³⁹ . gonze obugulumivu, gonze okwaba ansi, gonze ekitonde kyonna kyonna, tibirinyawukannya n'okwendya kwa kanca okuli mu kristo yesu.