¹ Nakamanyiso akakooto ni kaboneka omwiguru omukali nka azwaire eisana,n'okwezi nga kuli ansi wa magulu gaabwe,no ku mutwe gwamwe nka kuluku engule eya nyenyenzi eikumi neibiri; ² era te nga ali nda nakunga nka akulumwa erate nga akubalagalwa okubyala. ³ Ni waboneka akamanyisyo akandi omwiguru,erate;bona ompiri omutukuliki omukooto ogwa mitwe omusanju namayembe eikumi noku mitwe jaago engule musanju. ⁴ N'omukira gwago nigukola ekicweka ekya kasatu ekya nyenyenzi eza mwiguru ni zigunaga oku nsi.Ompiri na yemeera omu maiso ga mukali,eyali akwaba okubyala, nalibyala,leke amuliire kyarumwe omwana wamwe. ⁵ Omukali na byala omwana wa bwojo,akwaba okufuga amaanga goona goona n'omwigo ogwa kyoma,n'omwana wamwe nakolwaku natwalibwa eji o'Kanca neji entebe yamwe eya bukama. ⁶ N'omukali nairuka omwirungu,gye yaali n'ekifo ekyateeketeekeibwe o'Kanca balyoke bamulisiryenga eyo enaku lukumi mu abiri na mukaaga. (1,260) ⁷ Niwabawo olutalo omwiguru, Mikairi nabantumwa baamwe ni balwaanagana nompiri ni gulwaana na bantuwa baagwo; ⁸ ni batasobola,ate ne wataboneka te kifo kyaabwe omwiiguru. ⁹ Nompiri omukooto nanagibwa, ompiri owairai ayetebwa omulyolyoomi era oseetaani, omubeyegi wansi zoona zoona: ni gunagibwa oku nsi, na bantumwa baagwo ni banagibwa nagwo. ¹⁰ . Ni mpuura eiraka erikooto omwiguru nka likusimoola nti, ati buni obucungurwa namaani,nobukama bwa kanca waiswe, nobuyinza bwa kristo ni bwiizire: kubanga oloopa abagande baiswe edi oKanca waiswe emisana nobwiire anagibwe ansi. ¹¹ . Bwoona bamuwangwiire olwo isagama wa mwaana ogwa ntaama, n'olwakigambo ekya bujuurwa bwaabwe, ni bataka obwoomi bwaabwe okwiica okufa. ¹² . Ale munsanyuke, eiguru nabaikaaramu. zaajirye ensi nenyanja; kubanga omulyolyoomi aikire gye muli nga alina obusungu bwingi, nka amaite nka alina akaseera kadooli. ¹³ . Ompiri ni yaboine nka anagibwe oku nsi, ni guyiganya omukali eyabyaalibwe omwana wa bwoojo ¹⁴ . Omukali naweebwa ebipapa bibiri ebikooto nka ebya kagoma omukooto,alyooke aguluke okwiika omwiirungu omukifo kyaamwe , gyanaliisibwa ekiseera ne biseera ne kicweeka kya kiseera. ¹⁵ . Nompiri na cwanta okuzwa omukanwa kaamwe emabega wa mukali amaizi ga mwiiga, gulyooke gumutwaale omwiiga. ¹⁶ . Ensi nejuna omukali, ensi ne yasamya akanwa kaayo, nenywa omwiiga ompiri gwe gwa cwantire okuzwa omukanwa kaamwe. ¹⁷ . Ompiri na gongeera omukali, na yaba okulwaana nabomulubyaalo kwamwe abasigairewo abakwaata ebiragiro bya Kanca, era abalina okutegeeza kwa Yesu Kristo: ¹⁸ Ale ekisolo nikyemeera omu nnyanja okumpi n'olukalu.