¹ . Ni mpeebwa olumole olukwiisana nka omwigo,omalaika nakoba ati,imuka opime eiramyo rya Kanca , ne kyoto nabisinzizaamu . ² Baitu olubuga oluli enzai wa iramyo oluleke enzai,ate otalupima ,olwakuba lwaweeweibwe abanamawanga,ne kibuga ekikiriiri balikininiira okumala emyezi anai nai biri. ³ Njeena ndi baawa abbajuurwa bange babiri, era balilaguura ennaku lukumi na bibiri munkaaga(1,260),NBA bazwaire obutengu. ⁴ Abo nizo emizaituuni ebiri ne ttaala ibiri ezemeera omu maiso ga Mukama wa nsi. ⁵ Era omuntu yeena yeena n'ayendya okubakola ekubi ,omuuro gwuzwa omumunwa gwabwe,ni gwookya abazigu baabwe:era omuntu yeena yeena nayendya okubakola okubi,kityo kigwanira omwenyenere okwiitibwa . ⁶ Abo abalina n'obuyinza okusiba eiguru oikendi agaane okutonya omunaku eza okuwanyisya kwabwe: era abalina n'obuyinza oku maizzi agakyusa omusaayi, era n'okubonyabonya ensi n'ebibonerezo byoona, emirundi zingi nka nibakwendya. ⁷ Era ni baliba nga bamaare okumanyisa kwabwe, ekisoro nikizwa omubwiina obutakoma kirilwana nabo, era kiribawangula, era kiri baitta. ⁸ Nomulambo gwabwe guli mu luguuddo olwa kibuga ekikooto,ekyeetebwa omu mwoyo Sodomu ne Misiri,era omukama wabwe mwe yakomereirwe. ⁹ Era okumala enaku esatu n'ekitundu emirambo gyabwe gyiribwonebwa abantu ne bika na amawanga omunguuddo eza kibuga ,era nibataikiriza mirambo zabwe okuziikibwa omu magombe. ¹⁰ Naabo abaikala oku nsi balisemeererwa oku lwabwe ,ni bajaguza;era baliweerezangana ebirabo ;olwakuba abalangi abo ababiri babonereize abaikaire oku nsi. ¹¹ . oluzwanyuma olwa naku zidi eisatu n'ekitundu,omwoyo gwa bwoomi oguzwa ewa Kanca negwingira omwaabo ,ni bemeera oku magulu gaabwe,okutiina okwingi nikugwa okwaabo abababweine. ¹² Ni bawuura eroboozi erikooto erikuzwa omwiguru nga likukoba nti muniine okwiika anu ,nibaniina omw'iguru omu kile n'abalabe babwe ni bababoona. Naabo abaikala oku nsi balisemeererwa oku lwabwe ,ni bajaguza;era baliweerezangana ebirabo ;olwakuba abalangi abo ababiri babonereize abaikaire oku nsi. . oluzwanyuma olwa naku zidi eisatu n'ekitundu,omwoyo gwa bwoomi oguzwa ewa Kanca negwingira omwaabo ,ni bemeera oku magulu gaabwe,okutiina okwingi nikugwa okwaabo abababweine. Ni bawuura eroboozi erikooto erikuzwa omwiguru nga likukoba nti muniine okwiika anu ,nibaniina omw'iguru omu kile n'abalabe babwe ni bababoona. ¹³ N'omusaawa edi ni wabaawo okukankana kukooto,ne kitundu ekyaikumi ekya kibuga ni kigwa:ni baittibwa abantu kasanju (7,000) omusisi,naabo abawonerewo ni battiina ,ni baweerya Kanca owa mwi'igguru ekitiibwa. ¹⁴ Ekibonerezo ekyaabiri kyakaire :bona,ekibonerezo ekyakasatu bukwiiza mangu. ¹⁵ Ontumwa owa musanju n'afuuwa;ni wabaawo amaloboozi agakooto mw'igguru,nga bakusimoola nti ,obukama bwansi bufuukire bwa Mukama waiswe,era bwa Kristo waamwe:era yafuganga emirembe ne emirembe. ¹⁶ N'abakaire abiri nabainai (24),abaikala omu maiso ga Kanca ku ntebe zaabwe eza obukama ,ni bakuba amajwi omu maiso gaabwe ,nibasinza o'Kanca. ¹⁷ Nga bakusimoola nti tukwebalya, we o'Mukama Kanca, asobola ebintu byoona byoona ,abaawo era eyabairewo; olwakuba atwaire amaani gaamu againgi, n'ofuga. ¹⁸ Amawanga ni gasunguwala, n'obusungu bwaamu ni bwiizza, n'empikiro eza kusarwamu omusango ogw'abafu, ne zza kuwerwamu empeera zaabwe abairu baamu abarangi ,nabaikiriiri, na batiina eibbara ryamu, abato n'abakulu; nezakusisiramu abasiissa ensi . ¹⁹ N'eiramyo lya Kanca eya mwiguru neswekulwa; ni waboneka omu kanisa kyamwe esanduuki eya endagaano yaamwe; ni wabbaawo okumesya namaloboozi n'okubwatuka n'omusisi n'oyikendi owa mabbale mwingi.