¹ Ekikusembayo abalunganda,musanyukirenge Omu mukama waiswe. okwiramu okubawandikira ebyo byenawandikire eirai tekunkeresya nje, Baitu kisai edi nnywe. ² Mukuumenge embwene, mukuumenge na ba kola abibi mukumenge abeessala emibiri. ³ olwakubba iswe abekomola ,abalamwa Okanca omu myooyo, erate abenyumiriza omu Kristo Yesu, erate abateesiga mibiri. ⁴ . Gonze nje nnyinza okubba nensonga okwesiga omubiri omuntu owundi yeena nalowooza okwesiga omubiri nje mmunsiinga. ⁵ Nje nakomolebwa oku kilo kya munaanei, omwiyanga lya isirayiri omukiika kyabuyonani omwebulaniya wawu, omumateka ndimufalisaayo. ⁶ . Omu kunyiikira, nka nkuyiganya ekanisa omubwikiriiri obuli omumateka naboonekanga nka ataliku musango . ⁷ Baitu bwona bwoona agali amagoba gye ndi, nakitwaile nka okufiirwa okulwa Kristo. ⁸ . Baitu erate nebintu byona nabyetegeyerye nka kuferwa olwabusya bwakuteegera okuristo Oyesu omukama wange okulwoyo nafereibwe ebintu byoona erate ndi mubirowoozo okubba obubbi, nsobole okufuna amagooba edi kristo. ⁹ Erate ndyoke mboneke omu ye nka tindina bwikiriiri bwange obukuzwa omu mateeka, wabula obwikiriiri obulowo olwakwikiriza Okristo, obukuzwa edi Okanca omu kwikiriza. ¹⁰ leke mweteeje nobuyinza obwakuyimbooka kwamwa erate nokugabana okubibonyobonyo byamwe nkumwisana no mu kufa kwamwa. ¹¹ Erate ne kibba nka kikusobokere omungeri yoona yoona afuuna ayike okuyimboka okuzwa omubafu. ¹² .Ti nkukoba nti mmale okuwebwa oba mmale okwiikira wabula nkufuba nsobole okukikwata ekyo Okristo kyeyankwatile. ¹³ Abaluganda tinelowoza nje nka male okukwaata, baitu, ekimwe kyenkukola nka nelabiira ebyo ebiri enyuma, erate nkukuninkirya ebyo ebiri omumaiso. ¹⁴ Nkufuba okwiika awawakaniirwa, awali empeera eyakeeta kwa Kanca okwaiguru omu Kristi yesu. ¹⁵ Ale iswe iswena abakiriire tulowozenge ekyo, Erate nimulowooza ebindi,omukigambo kyona, erate okancha alibaswekuula. ¹⁶ Baitu kyonkai kye kyetwikireeku tukitambulengemu. ¹⁷ abaluganda mubbe kimwe mubonerengeku, erate mute, nebilowoozo okwabo abatambulanga nka iswe nituli ekyakuboneraku. ¹⁸ olwakubba baingi abatambula benabakobeireku emirundi zingi, nnaati mbakobera nka nkukunga namaliga, nka nibo bazigu abamusalaba gwa Kristo. ¹⁹ Enkomeero yaabwe nikwo okuzikiira, Okanca waabwe niye , erate ekitinisa kyabwa kili musoni zaabwe, batawooza bya munsi. ²⁰ . Olwakubba iswe ewaiswe mwigulu, gye tulindiirya omujuni okuzwaayo, niye Omukama waiswe Oyesu Kristo. ²¹ Oyo aliyindula omibiri gyaiswe eminaki okubanga omubiri gwamwe ogwa kitinisya okulwamaani ago agamusoobolesya okuta ebintu byoona ansi waamwe.