¹ OPawulo no Timoseewo, abairu ba Kristo oYesu, eddi abaikiiri boona boona omu Kristo oYesu abali omu Firipi, amwe n'abalabiira n'abaweereza. ² . Ekisa kibbenge je muli n'emirembe ebizwa edi Okanca oitange no Mukama waiswe oYesu Kristo. ³ . Nkwebalya Okanca wange buli ni mbaizukira. ⁴ Buli lwe mbasabira nnywena nnywena ni nyizula eisanu. ⁵ Olwakubba okuzwiira kimwe oku kwekeera n'okwica ati muli amwe nanje omu mulumo ogwa kusaasania enjiri . ⁶ Erate nkukakasira kimwe nka oyo ayatandikire omulumo ogusai omu nnywe aligwikiirya oku kiro kya Yesu Kristo.: ⁷ .Nka kisai muno nje okubalowoozaku ntyo nnywena nnywena olwakubba ndi nanywe omunda omu mwooyo gwange, nnywena ni mugabana amwe nanje omu kisa, omu kubuwebwa kwange erate n'omu kuwozeerya enjiri n'okujikasa. ⁸ Olwaubba Okanca niye mujjuurwa wange, olwakubba abona nka ninkubayaayanira n'okwendya okwa Kristo oYesu. ⁹ . Erate kinu nikyo nkusaba okwendya kwannywe kweyongeere kimwe nka kulumu okwetejja n'okwawula kwoona kwoona ¹⁰ . Leke musiimenge ebisinga obusai, mubbenge balongooki erate abataaluku kya kunenya okwica oku kiro kya Yesu Kristo; ¹¹ . nka mwiizwiire ebibala ebya bwikiiri, ebyakala omu Yesu Kristo olwa kitinisya n'okwangiriza Okanca. ¹² . Baitu nkwendya nnywe okwetejja, abaluganda, nk'ebyambaireku byayongeire mbe okusasaania enjiri. ¹³ Erate kinu kyaleteire abajwaaka abakuuma Omukama, amwe nabandi boona bainji okwetejja nka okubuwebwa kwange kwaaki lwa Kristo. ¹⁴ N'abaluganda bainji omu Kristo okubuwebwa kwange kwayongeire okubaggumya, erate nibafuna obuggumu okukobera abantu ekigambo kya Kanca nka tibakutiina. ¹⁵ . Abandi bakobeire abantu oKristo lwa bwiiya n'okuvuganya, baitu abandi bakobere lwa busai . ¹⁶ Banu bakoba lwa kwendya nka bamaite nka natekeibwewo lwa kuwozeeryanga njiri. ¹⁷ Baitu badi bakobeire abantu oKristo lwa kwawula, ti mu bwesimbu, nka bakulowooza nka bongera okundetera obujune omu bubuwe bwange. ¹⁸ . Baitu ekyo nsonga? omu ngeri zoona, oba zabubbi oba za mazuma, Okristo akoberwa abantu, nje n'omw'ekyo nsanyuka mbbe. ¹⁹ . Yee nteekwa okusanyuka, olwakubba mmaite nti olwa kusaba kwanywe n'olwa buyambi obwa mwooyo wa Kristo, ndi sandabulwa. ²⁰ . Kinu nikyo kyendubiira erate kye nsuubira nti tindikwatibwa nsoni omu kigambo kyoona kyoona, baitu nkwiiza kubba muggumu nka buliizo,oKristo, ayangirizibwe omu mubiri gwange, gonze mu bwoomi gonze mu kufa. ²¹ . Olwakubba nje okubba omwoomi lwa Kristo,no kufa nigo magoba . ²² . Baitu nikibba nka nje okubba omwoomi omu mubiri, nikyo kibala ekya mulumo kwange, ale timaite kya kulondawo. ²³ Baitu mmigiirwa erudda n'erudda, nka neegomba okubba n'oKristo olwakubba nikyo kisinga obusai. ²⁴ . Baitu okubba omu mubiri nikyo kisinga okwendebwa oku lwanywe. ²⁵ . Kinu nkukikakasa olwakubba ntegeereire kimwe nka nkwiiza kubba nkyalowo mbe naanywe, leke mweyongere okukula n'okusanyuka olwa kwikiriza; ²⁶ ni ndiira ate je muli, mweyongere okwenyumiriza omu Kristo oYesu oku lwange. ²⁷ Baitu kyonkai embeera eza bwoomi bwanywe, zibbe nka ni kisanira enjiri ya Kristo, ni ndiiza okubabonaku oba ni ntalowo, ndyoke mpuure ebifa ji muli, nka mugumire omu mwooyo gumwei, mulwaniirenge okwikiriza okwa njiri ne mmeme emwe. ²⁸ Erate nka mutatinisibwanga bazigu omu kigambo kyoona kyoona: niko kamanyisyo ji bali akakuzikiira, baitu edi nnywe ka bucunguri, obuzwa edi Okanca. ²⁹ Olwakubba mwawereibwe okulwa Kristo ekisa ti kya kumwikiririza kwonkai erate baitu no kubonabona oku lwaamwe. ³⁰ .Nnywena muli mu lutalo lwe mwaboine nkulwaana, erate lwe mwawuliire nka nkyaluluku.