suura 4
1
Era naikala okwegesya oku lukalu lwa nyanja. Ekibuura ekikooto omuno ne kikumbanira waali; nokuniina naniiina omuryato, naikala omunyanja, ekibuura kyoona kyoona ne kibba okunyanja okulukalu.
2
. Nabegesya bingi omungero, nabakoba omukwegesya kwamwe nti
3
. ''Wuura, bona, omusiggi yawulukire okusiga :
4
. Awo olwakire ni yalinga akusiga ; esigo ezimwe ne zigwa okumabbali ga nzira, enyonyi ne ziiza ni zizirya.
5
. Nezindi ni zigwa awali olwazzi awatali itakali lingi; amangu ago nizimera, kubbanga eitakali teryali lirai.
6
Eisana niryayakire, neziwotookera, era kubbanga immizi, ni zikala.
7
. Ezindi niziggwa awali amawa, amawa nigalokere negazizikya nezitabala bibala
8
. Ezindi ne zigwa okwitakali erisai, nezibala nebibala nibikula nebyeyongera; nokubyala okwiika amakumi asatu, era okwikya enkaaga, era nokwikya ekikumi.
9
. Nakoba nti alina amatwi agakuwuura, awuure:
10
. Awo ne yaali yeika, naabo abaali bamwerugwirye neikkumi na babiri nebamubulya oku ngeero ezo.
11
. Nabakoba nti nywe mwawereibwe ekyama ekya bukama bwa Kanca; abantu baddi abanzai, Byoona byoona bibaweebwa mungeero:
12
. Ni babwoine baboine nibamweteja; era ni bawuura bawure, nebatatengera kanda bweme okukyuka era, okusonyiyibwa.
13
. Nabakoba nti temumaite lungero lunu? ale mulitegeera mutyai engeero zoona zoona.
14
. Omusiggi asiga kigambo.
15
.Banu nibo abakumambali ganzira, ekigambo, ne kisigibwa, awo nibawuura, amangu ago ositaani naiza nabatolamu ekigambo ekyasigibwe jebali.
16
. Nabanu batyo nibo bali abasigibwe owali olwazzi, abo nibawuura ekigambo, amangu ago nebakyetejja neisanyu;
17
. Naye nebataabbe na mmizi amwaabo, baitu bamala ekiseera kidyooli; awo ne wabawo okubona enakku era no kubalasayasania olwa bigambo, amangu ago nebenyanyatta.
18
. Nabandi nibo abasigibwe awali amawa, era nebawura ekigambo.
19
. Awo emitawaaana gya nsi nobubeyegi bwobugaigai, nokwegomba kwa bindi byoona byoona nibingira bizikya ekigambo, ni kitabaala.
20
. Nabo nibo baddi abasigibwe okwiitakali erisai, bawuura ekigambo, ne baikiriiza ne babala ebibala amakumi asantu, ne nkaaga, ne kikumi:
21
. Nabakoba nti etala ekuletebwa okutekebwa omunda omukibbo, kandaki omumaya gakitabo, netatekebwe aiguru oku kikondo?
22
. kubanga tewaliwo kikubisibwa,baitu kirimanyibwa; baitu ekyabisibwe, baitu kiriboneka lwatu.
23
. Buli alina amatwi agawuura awuure.
24
.Nabakoba nti mukuume kyemuwuura; omukipimo kye mugera,nanywe nikyo kye muligeerwa: era mulyongerwaku.
25
. kubanga alina aliweebwa ; natalina alitolebwaku nekyo kyoona kyaalina.
26
. Nabakoba ati obukama bwa Kanca butyo, nka omuntu nasiga ensigo okwiitakali;
27
. Nabasya naimuka obwiire ne misana, nesigo newuluka nekula, ye nka tamaite nemerukire.
28
. Ensi ebala yonkai, okusooka akalagala, ate kiriimbu, ate enggaano ejikulu omukirimba.
29
. Baitu emmere neyengera, amangu ago atekaku ekirokodyo, kubanga okukungula kwiikire.
30
. Nakoba nti twabwisanisya tutyai obukama bwa Kanca? kanda twabunyonyola ku kiisani ki?
31
. Bukwisana nka akampeke akakalidaali, ako nekasigibwa omwi itakali, gonze nka kadyoli okusinga esigo zoona zoona eziri omu nsi.
32
. Baitu ni kasigibwa, kakula, kabba kakooto okusinga omukubi gwoona gwoona, kanaga amataagi agakooto ate era ennyonyi eza mwiibbanga ni zisobola okwiikala ansi wa kiituuru kyagwo.
33
.Nabakoba ekigambo mungeri zingi nkezo, nka nibayinza okukiwuura.
34
. Teyasimoire nabo awatali lugero ; baitu nakobanga abegereswa bamwe boona boona mu kyama.
35
. Awo oku lunaku olwo nebwalinga busweikere, nabakoba nti tusomoke twiike '' emitala'' edi.
36
. Ni balekere ekibuura, ne bamutwara omu ryato, nka ni yaali, era namaato agandi gabire naye.
37
. Awo okimpangwe omwingi naiza, ebinyegge nibisusuka omulyato, ne ryato lyali nga likwaba okwiizula.
38
.Ye omwenyini yaali abasirye omu ryato oku kigugu, ni bamwimula nebamukoba nti omwegesya, tokufayo nga tukufa.
39
. Naimuka, nabweigoora okimpangwe, nakoba ennyanja nti sirika, teeka. okimpangwe nateeka ennyanja nebba gyiculeeri muno.
40
. Nabakoba nti kiki ekikubatinisya? mukyali kubba na kwikiiriza?
41
. Ni batiina ekitinisya ekikooto, nibakobangana nti ale oyo niye naani, kubanga okimpangwe nenyanja bimuwuura?