¹ zinyajirye njje! nfukiire nka ebibara ebikumbanye ebiisai, erate nka emizabibu ezeyebwa omulusuku; tiwakyali kiribwa kyakurya; omumwoyo gwange gukwegomba ettini erisoka okwenga. ² Omwegedereza abuure omunsi; erate ndowo mutereri omubantu. Boona basuuka Omusayi erate bayiiga owoluganda ne kitimba. ³ Engalo zabwe zanguwira okukola obubi ; abakulembeze basaba esente, abalamuzi balibanguzi erate nomukulu asimoola ekibi ekiri okumoyo gwamwe. batyo nimwo bapangira amwe. ⁴ Oyo okwabo asinga obusai aisananga omweramaino omugolokoki okwa bo asingaku asinga olukomera rwamawa obubi. Olunaku olwakubonaku abakumi bamu lwiikire. Awo niwo waba okwerarikira kwabwe. ⁵ Tiwesiganga wa mumukwano yeenayeena; wegenderezenge byobaza eri oye omukali agalamira omukifuba kyamu. ⁶ Kubbanga omwana taisamu kitinisya itamwe, omwana omwala akikinara okumamwe, omukamwana oku nyibyala wamwe. Abazigu bamwe nibo aba nabo omunyumba yamwe. ⁷ Naye nka nje nalorelanga Mukamawange Okanca. Nza kulindiranga Okanca owabucunguli bwange; Okanca wange aza kumpula. ⁸ Otansanyukira, Omulabe wange negwa naimuka Nenamba omukirikirya, Omukama Okanca azakuba kitangala kyange. ⁹ Olw'okubanga nkujemere Omukama Okanca naguminkirizanga obusungu bwamu okwiikya naliwooza esonga zange, Era lwalinsala omusango. Alideta omukitangara, erate te nzakumuboona nga anunula olwa kisa kyamwe. ¹⁰ Omulabe wange aiza kukibona erate aiza kwatibwa ensonyi, "Omukama Okanca wamu ali luuda ayi?" Amaiso gange galimubonaku; Alininirwa nka ebinyangata bya mulugudo. ¹¹ Olunaku olwokwomboka ebisenge bwamu rukwiiza; okulunaku ludi ekigiro kiiza kusembezebwayo aalai. ¹² okulunaku olwo abantu bamu baiza kwiiza gyooli, era alizwa omumisiri okwiika no kumwiiga, nokuzwa okunyanja okwiika okunyanja n'okuzwa okulusozi okwiika okulusozi. ¹³ Baitu ensi eizakuba kifulukwa okulwabo abagibamu, olwa bibala byabikolwa byabwe. ¹⁴ Liisya abantu bamu no mwiigo, ekiisibo ekya butaka bwamu, ababa bonkai akati omukibira Muleke balisyirye omu kalimeri no Giriyaadi omunaku zidi ezikale. ¹⁵ Nka niwakole omunaku niwazwiire omunsi yamisiri, Ndi kulanga ebyewunyo. ¹⁶ Amawanga gali boona erate galikwatirwa ensonyi amani gabwe gonagoona; Baliteka Emikono okuminwa zabwa; amatwi gabwe galigara. ¹⁷ Balikomba okucu nka empiri, nka ebitonde ebyewulura okwiitakali. Baiza kuzwa omunpuku nka baizwiire okutina; baiza kwiiza nokutina gyooli, omukama Okanca waiswe, erate baiza kutina olwakuba we. ¹⁸ Nani Okanca ali nka we atoolawo ekiibi, ayakala okukusiisa kwabasigairewo aba butaka bwamwe? Takuma busungu bwamwe rubelera, olwokubanga asanyukira okusasira. ¹⁹ Alikyuka alitusasira; Ali samba okwonana kwaiswe no kugulu. Ali naga ebiibi byaiswe owansi omunyanja. ²⁰ Olikoola oyakobo amazuma, oliwa oYibrahim ekiisa, byewalayirire kbazeiza baiswe okuzwa omunaku ezaira.