¹ Atibuni muwure Omukama Okanca kyakooba; Imuka oyombe omumaiso galusozi; leka obunino buwure eiraka lyamu. ² Nywe ensozi, muwure eyombo za kanca, erate munyweze kuba ninywe emisinji jensi ejaruberela. Omukama alina enyobo nabantu bamwe, erate aliwoza ne Israeri." ³ Nywe abantu bange mbakoole ki? Nali mbakereserye naki? mulyoke munumirye! ⁴ Nabatwoile okuzwa okwiitali lya misiri erate nembanunula okuzwa omunyumba ya bwiiru. Nekulemberya Omusa ,Aaron no miriam okunynwe. ⁵ nywe abantu bange mwizukire Balaki okabaka wa miyabu omutani wa Byoli byeyatesere erate nno Balaam Omutani Byoli byeyamwiiremu; nka nimwazwiire Esittimu okwiica Egulugari mulyooke mumanye ebikolwa byabwiikiriri ebya Mukama." ⁶ Naleetaki edi Omukama Okanca nka muvunamira ansi asinga byoona? mmuigeere nebiweebwayo ebyokyebwa, no bunyana nka bwamwaka gumwe? ⁷ Omukama Okanca yasima etama enumi, oba emiiga zamafuta lukuumi? Mpeyo omwana wange omuberyeberye olwa kusiisa kwange, ebibara byamubiri gwange olwa biibi byange? ⁸ Akukobeire, we omuntu, kiiki egisai, erate Omukama Okanca kyeyetaga okuzwa gyoli: wazila okukola ebyensonga, okweyakalya okusai erate okutamburanga omubuwumbeki no Okanca wamu. ⁹ Eiraka lya Mukama Okanca likubazira iyiguru edi ekibuga- erate nowamagezi ategera eibara lyamu: muwule omwiigo, noyo agutailewo. ¹⁰ walowo ebintu ebyobugaiga omunyumba ya mubi, nobuttalibwenkanya, nekipimo ekitaika ekyamuzigo. ¹¹ Tukitwale nti omuntu aba ne mizani eyobwiibi nebipima ebwobubeyige talina musango ¹² kubanga abagaiga bakyo baizwiire ekyejo nabo aba mukyo bazwiire ebwobubeyigi nolulimi lwabwe lwiizwire ebyabubeyige omukanwa kabwe. ¹³ Nikyo nzwiire nkudintula omwigo ogwamani erate nkuzikisirye olwa bibi bwamu. ¹⁴ Oiza kurya baitu toliikuta; erate okutowazibwa kwamu kwiiza kuba akati wamu; olijuliza naye tolitwaala Mirembe erate kyolitwala ndikiwayo eri ekyogi. ¹⁵ Oiza kusiiga naye tiwakungulenge; olininira ozayituni naye tolifuna mafuta; erate olikamula naye tolinywa kumwenge. ¹⁶ kubanga ebyalagirwa Omuli bikumibwa, nebikolwa ebyanyumba ya Akabu. mwatambulanga omukutesa kwabwe . ndyoke nkufule ekifulukwa, nabo abba omukyo ekyokujurwa, nanwe mulitwala ebizumo bya bantu bange."