¹ Obukweenda bwa Mukama obwaizire edi Mikka, Omubasuuti, mu mijjo gya bassekabakka banni yosam, Akazzi no keezeekiya abe Yuda, Ce yabwoine ku samaliya no ku yerusaalemi. ² Muwure nywe abamawanga goonagoona, tegga amatwi gaamu we ensi,neebyo byoonabyoona ebikulima,Omukama Okanca abe omujurwa edi nywe. ³ kuuba bonna Omukama Okanca akwaaba okuliga omucifo caamwe ecikiiri aizze. Aatete naliiza akwaaba kutambuura kutambuura ku nsozzi ⁴ Buli Lusozzi lwa litanggaku okugulu nga lusanuka so oti magitta ga bataire okumuro nenkonko ziryatika nizibba nka ebisenge bya cisasala ca bwooki ne bisusuka soti maizi agasusuka omuzwa okulusozi. ⁵ Olwa kusiisa kwa Yakobo byoonabyoona biribaawo no lwa bibi ebya nyumba eya Isiraeri Okusiisa kwa Yakobo cici? Ti samaliya? ecibuga ecikulu cenyenere! Mulowooza nti naani avunanibwa olwa yuda Olwo kubangiriza ebitali Okanca? Ti Yerusaalemu ecibuga ecikulu cenyinni ⁶ Coova Omukama Okanca akukoba ati; " Nkwaaba okufula Osamaliya kibe ntumo ya eri mukisiko, cibe cifo ecisaniire obwakusimbamu amasamba gemizabibu. Amabaale ge bombokesya enyumba zaamu, nkwaaba kugasukka edi omulukonko ⁷ Ebifananyi abantu baamu bye babaire baramya abazigu bwabwe bakwaaba kubiyeendayenda ebintu ebyaweebwaanga edi abamalaga abo omubirooro byoonabyoona bikwaaba kwoceebwa omubiro. Ebyo byoonabyoona bye babaire baramya nka tibiri Kanca bikwaaba kutumibwa mbe ntumo. Olwakuba ebintu ebyo byafinibwanga mwe ebyo ebyawerwanga abamalaya atete abazugu baabwe boona baiza kubitwaara abamalaya abandi. ⁸ Omiika nakoba, olwensonga eyo, okukunga amalinga nkubbe eciboobo, ntambule kugulu kwereere nka nnyambwiire engoye zange ntabule makunya, okulanga nka bwendi omubwiinikke. Nkwiiza kukuba empungu soti Buwaa nka nkukunga nka omanya. ⁹ Olwakuba Osamaliya alwaire ebiwoya bya kokolo ebitawonna, ate te bikirre no kuteera Obuyudaya okuzikiira kusembeire okwikirra cimwe okumulyango ogwo Yerusaalemu, ecibuga abantu bange mwebabba. ¹⁰ Naye mutakobera bantu baiswe abali Gathi, atete mutabasimirya kubabonna nka mukukunga. Nywe abantu abe Besuleyafula mwegalangule omucuucu okulanga obubi obwembera yetulimu. ¹¹ Nywe abantu abe safiri Mwizza kutwaalibwa omubunyagge nka muli cidu atete nka muswaire. Nywe ababa omukibuga Zanani mutageza ni muligga mucibuga caanywe. Bwe muwuura okukunga e Beswezeeri awo ne mumanya nka bwentaliyo cifo ca kwewogomamu. ¹² Abantu abe malosi be ralikirire nka oba bafunna abayamba, kuba bakubonna nka Omukama Okanca busa asembeirye ebizibu ampi muno no Yerusaalemu. ¹³ Nywe abantu ababa omu cibuga lakisa musibe ebigaali byanywe ebyo mulutalo ku mbalasi zaanywe mwetegeke. Mwakopere ebibi ebya Abaisiraeri, nemuletera oYerusaalemi boona kukoopa okukopa okukola ebibi nka nibyo bimwe ebyo. ¹⁴ Ati bunni Musiibulle ecibuga Molesesu. Gaasi muciwe nebirabo kuba bakwaba kuba bakabaka abo muisiraeli ngonze. ¹⁵ Nywe abantu abo mu Malesa, 1Omukama Okanca ankobere ati akwaaba okubaleetaku abazigu ababawangula ne bawamba ecibuga caanywe. Atete abakulembeze ( abakama ) abo mu Isiraeri ba kwaaba kwekweeka mumpuku za Adulamu. ¹⁶ Mwegembeku eisokke okulanga nka ni mu kukunga abaana banywe mube nempata soti Nsegga, kubba abaana bannywe bakwaaba kutwalibwa o ubunyagge.