¹ Oyesu niyaboine ebibuura, naniina okulusozi naikaara ansi, abagesya baamwei nibamwigeera weyaali. ² Nayasamya akanwa kaamwe nabeegesya ati, ³ '' Bamukisa aboora omumwoyo olwakubba obukama bwaiguru nibwo bwabwe. ⁴ Bamukisa abali omubujune, kubanga balisamezebwa. ⁵ Bamukisa abaculeeri, kuba baligweeta ensi. ⁶ Bamukisa abalumwa’enzala, n'abamala olwabwikiriri, kubanga balikutisibwa ⁷ Bamukisa abataa n'eisaasi, kubanga balikwatirwa eisaasi. ⁸ Bamikisa abatta n'omwooyo ogweeru, kubanga abo balibona Okanca ⁹ Bamukisa abayimbya abantu, kubanga abo bayeetebwa abaana ba Kanca. ¹⁰ Bamukisa abayiigibwa olwabwikiriri, kubanga abo obukama bwamwiguru bwaabwe ¹¹ Muta n'omukisa nibabazumanga, nbalibalisania, nibabawanjiiranga buli kigambo ekibbi abajunaani nje. ¹² Musemeere, musakaruke muno, kubba empeera yaanywe jingi omwiiguru kubba batyo nibalibalisania abarang abasookere nywe. ¹³ '' Nywe muli munyu gwa nsi, baitu omunyu niguwaamu omugai, balitaamu munyu ki? Tigucasaana era baitu okunagibwa enzai, abantu okugusambatiira. ¹⁴ Nywe muli Isana lyansi, ekibuga nikibwebwa okulusozi tekisobola kubisibwa. ¹⁵ Naye tebakoleeryanga taala, okugijuumukira mukiibbo, wabula okugita aiguru oku kituuti kyayo yoona eyakire boona abali omu nyumbba. ¹⁶ Kale eisana lyannywe, lyakenga lityo mu maiso gabantu babonenge ebigambo ebisai bye bakoola, olwo batenderezenga otaiswe ali omwiguru. ¹⁷ Temulowoozanga nti naizire okudibya amateeka oba abalangi, okutoolaku okwikiirya. ¹⁸ Nkubakobera amazima nti, eiguru nensi okwiikya nibiliwaawo, gonze eitondo emwei omumateeka tekaliwaawo, okwikya byoona lwebimala okwiirya. ¹⁹ Aale eyasembyanga erimwe okumateeka ago, waile erisingayo obudyooli era yayegesyanga abantu atyo, alyeetebwa mudyooli omubwabukama bwamwiiguru. ²⁰ Kubanga nkubakoba nti obwikiriri bwanywe nebutasinge nge obwiikiri bwabawandiiki nabafalisaayo, temulingira nakadooli mu bwakabaka bwa mwiiguru. ²¹ ''Mwawuliire abeirai bwebaabakobanga ati, 'toitanga,' naye, 'omuntu niyayetanga, alyaaja omusango. ²² Baitu nanje nkubakoba ati bulimuntu yeena asunguwaara omugande waamwei aliirya omusango, baitu eyakobanga omugande aati leka, asaanire okutwaalibwa mulukiiko, naye alikoba nti omusurusuru, asaaniire okunagibwa omugeyeena yamuuro. ²³ Aale n'obbanga oleetere okuwonga kwamu omuluiiko n’obeeyo noizukiria nka omugandawamu akuluku ekigambo, ²⁴ Leka awo okuwonga kwamu okukikoomi, oyireyo osooke okumala oyire oweeyo okuwonga kwamu. ²⁵ Tabaganaga bukyali n'oyo akuwaabire n'gokyaali naye munzira, akuwaabire alemenge okutwaala ewamwiikirwaaku, erate olemenge okuteebwa omunkomyo. ²⁶ Mazima nkukoba tolizwaamu okwiikya lw'olisasura empiiya ezkusembayo. ²⁷ Mwawuliire nibaabakobeire nti, timulisiyananga.' ²⁸ Baitu nkubakoba ati omuntu aliroleera omukali okumwegomba awo alibba amaare okumusiaanaku omu mwoyo gwamwe. ²⁹ Olwakubba eriiso lyaamu likwesisiwarya, litoolemu, olinage alai anti nikyo kisinga okusai ekitundu kyaamu ekimwe nikiwaawo, omubiri gwaamu gwona guleme okunagibwa mu geyeena. ³⁰ Eratte nka omukono gwamu oguryo nka gukwesitalya, gutemeku, ogunagge alai nikyo kisinga obusai ekitundu ekimwe okuzikirira, omubiri gwamu goona guleme okwaaba omugeyeena. ³¹ Erate baakobeibwe nti omuntu napekanga omukali waamwe, amuweeryanga ne bbaluwa eya kumupeka.' ³² Njeena nkubakoba aati omuntu yena apekanga omukali wamwe, okwiyaku olwa bwenzi nka'mwendeserye. Nooyo abandula gwe bapekere nka ayendere. ³³ Mwawuliire erate abairu nibakobeibwe bati tolairanga byabubeyegi, baitu okiriryanga byolaire ewa Mukama.' ³⁴ Baitu njeena nkubakoba nti tolairanga nakadooli, Gonze eiguru, olwakubba niyo ntebe ya Kanca. ³⁵ Gonze ensi, kubanga nijo abiikirya amagulu gaamwe. Gonze Yerusalemu kubanga nijo mbugga eya omukama omukulu. ³⁶ Baitu tolairanga mutwe gwaamu, kubanga toyinza kuyindula lusoke lumwe okubba olweru oba olwiraguzu. ³⁷ Baitu ebigambo byanywe bibbenge nimwo, tinimwo tinimwo, baitu ebisinga okwebyo bizwa eddi mububbi omunansungu. ³⁸ Mwawuliire nibaakobeibwe bati eriiso ligaitwenge eriiso, n'eerino ligaitwenge eriino.' ³⁹ Baitu njeena nkubakoba nti temulemesyanga munanzungu omuntu nakupaayanga olusaya alwa kuguryo, omwinduranga nolwo gumoso. ⁴⁰ Omuntu nayendyanga okuwoza naawe okutwaala ekanzu yaamu, omulekeranga ne kooti yaamu. ⁴¹ Omuntu nakukanda okutambula naye emairo emwe erate tambula naye neyakabiri. ⁴² Akusabanga omuwanga, omuntu nayendyanga okumukoopa tomuyindukiranga. ⁴³ Mwawuliire nibaabakobeire bati, oyendyanga omwiiraamu nokyaawa omunanzugu waamu. ⁴⁴ Baitu njeena nkubakoba nti mwendyenga abananzugu baanywe, musabirenga ababasayasania. ⁴⁵ Leke mubenge abaana baitaanywe ali aiguru olwakubba eisana alyakirya ababbi na basai, natoonyesia oikendi abaikiriri nabataikirire. ⁴⁶ Olwokubba nimwatakanga ababataka, mulina mpeera ki? Nabawooza tebakola batyo? ⁴⁷ Nimwamulamucanga abaganda baanywe bonkai, kindi ki kyobba okoore okukkira abairaabo? naba paati tibakola batyo? ⁴⁸ Ale nnywe mubeenga abaikiriri, nka oitanywe owa mwiguru naali omwikiriiri.