¹ Baitu olunnaku olw Ssabbiiti ni lwaali lukwaaba okuwaaku, nk’olunnaku olwekeera omu nnaku omusanju luli ampi okucanganuka, oMalyamu oMagudaleene n’oMalyamu owa kabiri ni baiza okubona amagombe. ² Bona, niwabbaawo ekitengeeto kiinji oku nsi; olwakubba Ontimwa wa Kanca yazwiire omwigguru, naiza nagalanzula eibbaale nariyawo, nariikalaku. ³ Baitu ekiisani kyaamwe kyaali kikuseryaserya, n’engoye zaamwe zaali zikweera nka amabbaale gaikendi; ⁴ Erate ekitinisya kyaamwe nikikankania abakuumi; ni babba nka abafiire. ⁵ Baitu, ontumwa nairamu nakoba ati; mutatiina nnywe: olwakubba mmaite nka mukuswagana Yesu eyakomereirwe. ⁶ Taalowo anu; olwakubba ayimbokere, nka niyakobere. Mwiize mubone Omukama webamubbasisirye. ⁷ Mwaabe maangu, mukobere abeegereswa baamwe nti Ayimbokere omu bafu; bona, abakulembeire okwaaba e Ggaliraaya; nijo mulimubonera: bona, mbakobeire. ⁸ Ni bazwa maangu oku magombe, n’ekitinisya, neisanu linji, ni bairuka okukobera Abeegereswa baamwe. ⁹ Bona, oYesu nabatangarana, nabakoba ati, miremb. Ni baiza ni bamukwaata amagulu ni bamuramya. ¹⁰ Ale Yesu nabakoba ati mutatiina; mwaaba mukobere abaganda bange baabe e Ggaliraaya, nijo balimbonera. ¹¹ Baitu nibaali bakwaaba, bona, abakuumi abamwe ni baiza omu Kibuga, ni bakobera Abakabona abakulu byoona byoona ebibbairewo. ¹² Ni bakumbaana amwei n’abakaire, ni bateeseza amwei, ni babawa abasserikale effeeza ziinji ¹³ Ni bakoba bati mukobe muti Abeegereswa nibo baizire obwiire, ni bamwiibba iswe nka tubbasirye. ¹⁴ . Baitu, Ekigambo kinu nikiri koberwa Owaisaza tulimuwooyawooya nanywe tulibaiyaku omusango. ¹⁵ Boona ni batwaala Empiya, ni bakola nka nibakuutirwe: Ekigambo kini nu kiraranga omu Buyudaaya, n’okwiica olwa leero. ¹⁶ Baitu, Abeegereswa eikumi n’omwei, ni baaba e Ggaliraaya, oku lusozi oYesu jiyabakobere. ¹⁷ Ni bamuboine ni bamuramya: baitu Abandi ni nibatankanatankana . ¹⁸ OYesu naiza nabaza nabo, nakoba ati; Mpeweibwe obuyiinza boona boona omwigguri n’oku nsi. ¹⁹ Ale mwaabe, Muyindule amaanga goona goona gabbe beegereswa, nka mu ku babatiza okwingira; omwibara ly’aitaiswe n’omwaana n’omwooyo Akweera. ²⁰ Nka mukubeegesya okukwaata byoona byoona binabalagiire nnywe: erate bona, nje ndi amwei naanywe ebiro byoona byoona, okwiica emiijo zini ni ziriwaawo.