¹ Ebiro ebyo olwo Oyesu nawuluka omunymba, naikara okumwaalo ² Ebibuura bingi mbimu kumbaniraku, n'atambuura omubwato, nayikara, ekibuura kyonna nekyemeera ebuluba. ³ Nasimoola nabo omungeero nga akubakoba ati bona omusigi nawuluka okusiga, ⁴ Bweyaali nga akusiga, ensigo ezindi nzigwa okumabbali ganzira, ennyonyi nzizza okuzirya. ⁵ Ezindi nzigwa okulwazi, nga ndoowo itakali eritalama amangu ago nzimera, okubaaga tezaali naitakali erirai. ⁶ Eisana olwa zwireyo, nziwotookeera okubbanga tizali namizi nzikala. ⁷ Ezindi nzigwa okumawa, amawa nga mere nzizika. ⁸ Ezindi nziggwa okwittakali erisai nizibala emmere eyiindi kikumi, ezindi zaali nkaaga, n'ziindi amakumi asatu. ⁹ Ow'amatwi awuure. ¹⁰ Abegesha mbaiza mbamukoba bati ki ekikubasimoolesha omungeero? ¹¹ Nairamu nabakoba ati nywe muwereirwe okumanya ebigambo byakyama ebyobwakabaka obwa mwiguru naye bo tibawereirwe. ¹² Kubanga buli eyabanga wekintu aliweebwa, era alisinjaaku naye oyo ataalinakyo alitolebwaku e kyaamwe. ¹³ Nikwonsinziira ninsimoola amwe nabo omungeero okubbanga aboyine tebabwine, ¹⁴ Naye Isaaya ebye yalagwire bitukiirire, ebya bazirye nti muliwuura mbe, wabula ti mukwaba kutegeera, mulibona mbe, wabula timulikwaaba kwetegya, nokuwuura tibakyawuura era tibetejyerye. ¹⁵ Olwakubba ati omwoyo gwa bantu bamui gusajju, namatwi gaabwe tigakuwuura kisai, n'amaiso gaabwe tigakyabonya, baleeke, nokutegeera nomwoyo, nokuginduka mbawona. ¹⁶ Naye amaiso gaamwe gabenge nomukisa, olwakubba gakubonya, n'amatwi gaanywe gakuwuura. ¹⁷ Okubaanga omumazuma nkubakoba nti abarangi nabatukiiri abakwengoomba okkubona ebye mukuloteera, wabula tibakubibona, nokuwuura ebyemwawuliire, tibabiwuliire. ¹⁸ Ale nyweena muwuure olugero lwomusiigi. ¹⁹ Buli awuura ekigambo ekyabwakabaka, nga takukimanga omubi oyo akwiiza nakwaikala ekisigirwe omumwoyo gwaamwe, oyo niyasigiibwe okumabbali ganzira. ²⁰ Noyo eya sigiibwa okulwazi niye oyo awuura ekigambo, amangu ago naikkiriza neisanyu, ²¹ yena tiyaalina ombulamizi omunda yaamwe, yena, olwawo kadyoli, nibwabawo enaku nokumigirya olwa kigambo, amangu ago nagaraituka ansi. ²² N'oyo eya sigiibwe omumawa, niye oyo awuurw ekigambo, naye okwelarikiira okwansi, nobubeegi obwebugudda bizikya ekigambo, takibala. ²³ N'oyo eyasigiibwe okwitakali erisai, niye oyo awulirya ekigambo, n'akimanya niyo oyo omwenyenere abaara kyarumwe ebibala owundi aleeta kikumi, owundi nkaage, owundi amakumi asatu. ²⁴ Awo nabaleetera olugero olundi nasimoola ati obwakabaka bwa mwigguru buvunanyizibwa n'omuntu eyasigire ensigo egisai omu ndumiro yaamwe, ²⁵ Naye bantu ni bwebaali babasirye omuzugu waamwe naiza na sigamu engaano eyo omukisuko omungaano egisai nayaba. ²⁶ Niyamerukire, nebutuka neisana ne ngaano yo mukisuko ²⁷ Abairu baamwe nibayiiza nibakoba omwami bat sebo, tiwasigire nsigo ensai omundumuro yaamu? Kale yaali Matayo etyai okubbamu engaano yomukisuko? ²⁸ Namukoba ati omuzugu ni yakoore atyo abayiiru nibamwiramu bati okwendya twaabe tugikolemu? ²⁹ Yena nakoba ati mbe, kanda mwaba mukkola omu ngaano y'omukisuko, mwayiziramu nengaano yenyenere. ³⁰ Mubirekeyo bikule byona biiki oku makungula, ebiro byamukungula ndikoba abakukesha nti musooke mukumbanye engaano yo mukisuko, mugibuwe emiteekwo eyokebwe, naye engaano yenyenere mu gikumbanye omukideero kyanye. ³¹ Nabaletera olugero olundi, nga akukoba ati obwakabaka bwomwigguru bwisawa empeke ya kalidaali, omuntu keyayirire na kasiiga omundumuro yaamwe. ³² Kona nga niko kadyooli okusinga ensigo zonna, ni bwe kakwure nkoba kakooto okusinga eisubi lyona nekabba omusaale, ne nnyonyi ezo munnanga nga zikwiiza, nga ziro okumataagi gaazo. ³³ Nagara olugeero oluundi ate obwakabaka bwomwigguru bwisana ekizimbuluku sya omukali kye yairile, na kiteeka omubwibbo busatu obwa bwiita n'okuzimbulukuka mbuzimbulukusha bwoona. ³⁴ Ebigambo ebyo byoona Yesu yabi simoola nga ebibuura omungeero, naye awataali lugero teyabakobere kigambo. ³⁵ Kiiairiire ekyasimorwe abarangi nga akukoba ati ndi swekula akunwa kange omungeero ndireeta ebigambo ebyakwekekeibwe okuzwa okutondwa kwa nsi. ³⁶ Awo nasebula ebibbura naingira omunnyumba abayigirizwa baamwe mbayiza egyaali, ne bamukoba abategeeze olugero olwa ngaano eyomukisuko eyaali omundumuro. ³⁷ Nayiramu nabakoba ati akusiga ensigo egisai niye omwana womuntu, ³⁸ Endumuro yansi, ensigo egisai aba noba baana bobwakabaka ne ngaana yomukisuko nubo baana bakibi. ³⁹ Omuzugu eyagisigire niye sitaani, amakungula niye nkomeero yansi, nabakeisha nubo bamalaika. ⁴⁰ Kale nka engaano yomukisuko mbagikumbanye neyokebwe omuuro, nikyo kityo nkiriba okunkomeero yansi. ⁴¹ Omwana w'omuntu alituma abatumwa baamwe ebintu byona ebyankona naabo bona abakola obubi, ⁴² Balibanage omuuro n'omwo muliba okukunga amaligei n'okulumwa obujiji. ⁴³ Kale abantu abaikiira nabakunyerekete nkeisana omu bwakabaka bwa yitaabwe. Ow'amatwi, awuure. ⁴⁴ Obwakabaka bwomwigguru bwisana nekya bugayigga ekya kwe keyibwe omumusiri, omuntu nakibona nakikweeka, nolwamasanya nayaba natunda ebyeyali nabyona, nagula endumuro eyo. ⁴⁵ Naati obwakabaka obwa mwigguru bwisana omuntu okutunda naswaggana eruuli egisai. ⁴⁶ Bwe yaboine eruuli emwe eyamuwendo ogwinyi nayaba natunda ebyayali nabyo byoona nagigula. ⁴⁷ Era obwakabaka bwomwigguru bwisana ekiragalo, ekyebanagire omu nnyanje, nkikumbanye ebye buli ngeri. ⁴⁸ Bwekyaizwire mbakikokotera okubuliba mbaikara, nibakumbanya ebisai omu nkaange, ebibi mbabinaga. ⁴⁹ Nikyo kityo nkiriba enkomeero yansi abamalayika baliza baligabanyuma abantu ababi omubwikiira. ⁵⁰ Bali banage muuro kya numwo muliba okkunga amaliga nokalumwa obujjiji ⁵¹ Mubitegeyire ebigambo bimu byonna? Nibamwiramu bati weewaawo. ⁵² Nabakoba ati buli omwendisi eyayegeseibwe ebyobwakabaka obwo mwigguru, nikyaazwa aisana n'omuntu oba n'ennymba yaamwe, atoola ebintu omukideero kyamwe ebintu ebiyaaka omwe nebikaire. ⁵³ Awo olwaikire Oyesu okugera engeero zini nazwayo. ⁵⁴ Nibweyaikiire omunsi yaamwe nabasomesha omuikumbairo lyaabwe nokuwuukiira mbawuukiira, mbakoba nti ani yatoirei amagezi gani nebyaamani bini? ⁵⁵ Oni tiniye omwana womubayizi ? omukaire waamwe tinigwo bakweeta Malyamu? na bagaande yakobo, n'Oyusufu n'Osimooni, n'Oyuda? ⁵⁶ Nabo nyoko boona tibali waiswe? Kale nu yatoire ai ebigambo bini byoone? ⁵⁷ Mbagongeere. Baitu Oyesu nabakoba ati omurangi tabulwa kitibwa, okutoolaku omunsi yawaabwe, n'omunyumba ya waabwe. ⁵⁸ So tiyakooreyo ebyamagero ebingi olwa butai kiirirya byabwe.