¹ Awo omubiro ebyo o Yeesu nayakala omundumiro ya ngaano kulwa Ssabbiti, abegesya bamwe ni balumwa enzala, nibatandika okunokola ebirimba bya yyaano ni balya. ² Baitu abafalisaayo nibaboine ni bamukoba bati bona abeegesia baamu bakola ekya muzizo okukoora oku Ssabbiiti. ³ Yeena nabakoba ati timusomanga, o Daudi bye yaakoore, ni yalumirwe enzala, ne beyali nabo? ⁴ Ni yaingiire omu nnyumba eya Kanca, nalya emigaati ezaali ezamuzizo ye okuzirya gonze ne beyaali nabo wabula abakabona bonkai? ⁵ Oba musomanga omu mateeka abakabona omwiramyo oku ssabbiita ni basisiire e ssabbiiti ate tibairye musango? ⁶ Baitu nkubakoba nti alaani asinga eiramyo obukulu. ⁷ Baitu singa mumaitte amakuru ga kini nti nkwendya kisa, ate tissaddaaka, timwandinenyelye abatairye musango. ⁸ Kubbanga omwana wa muntu niye mukama wa Ssabbiiti. ⁹ Nazwayo, naiza omwiramyo ryabwe. ¹⁰ Era bona mwalimu eyalina omukono ogukaare, ni bamubuulya, nka bakoba bati okuwonerya omuntu oku Ssabbiiti, era bamuwaabire. ¹¹ nabakoba ati nani omu nnywe, nalibba nontaama wamwe namala nagwa omukiina oku Ssabbiiti, atalimukwata namutoolamu. ¹² Omuntu tasinga muno ntaama? Ale kisai okukola oku Ssabbiiti. ¹³ Nalyoka namukoba omuntu oyo nti golola omukono gwamu. Nagugolola, ni guwona, nigubba nka ogwakabiri. ¹⁴ Baitu abafalisaayo nibawulukire, nibeyimbya okumusaanyawo. ¹⁵ Oyesu niyetegeire nazwayo, abantu baigi nibaaba naye, natamba bona, ¹⁶ Nabakomaku baleme okumulaasa. ¹⁷ Kikiire ekyabazibwe omu nnabi nti, ¹⁸ Bona omwojo wange gwennalonderemu, gwe nnyendya, ansanyuse omwoojo wange. Ndimutaaku omwoyo gwange, alikobera amaanga omusango ¹⁹ Talirwana, ate talikokooma, ate tewalibba muntu aliwuura iraka lyamwe omunzira. ²⁰ Olumole olwatiki talirumenya ate n'olutambi olukumwenyeera talilulikirya, okwica lwalisindika omusango okuwangula. ²¹ Neibara ryamwe amaanga gali nsuubira. ²² Awo nibamuleteera omuntu aluku e daimooni nka aigaire amaiso n'omunwa, namutamba, oyo eyaali aigaire omunwa nabaza nabona. ²³ Ebibbuura ni byasamiira byona byona, ni bibaza oni niye mwana wa Daudi. ²⁴ Baitu abafalisaayo nibawuliire, nibabaza bati oyo tapeka daimooni, wabula kubwa beeruzebuli omukulu wa daimooni. ²⁵ nibetejere okulowooza kwabwe nabakoba ati buli bukama nibaawukana bonkai nabonkai ni buzika, na buli kibuga oba ennyumbba neyawukana. ²⁶ N'ositaani napeka ositaani, ayawukana yenkai na yenkai n'obukama bwamwe bulirwawo butyai? ²⁷ Oba nga nje mpeka odaimooni ku bwa beerazebuli, abaana baanywe bagipeka kubwa naani? Ale oba nibo balibasaara omusango ²⁸ Baitu oba nka nje mpeka odaimooni kubwa mwoyo gwa Kanca, ale obukama bwa Kanca bubaiziire. ²⁹ Oba omuntu aingira atyai omunyubba ebintu byamwe, wabula nga asookere okusiba odi owamaani? nalyoka nanyakula ennyubba yamwe. ³⁰ Omuntu atabba nanye muzigu wange, era omuntu atakumbanirya amwe nanje asansaania. ³¹ Nikyo nzwa mbakoba nti abanyu balisaasirwa buli kibbne kya kutyoboola, baitu atyobola omwoyo talisonyiyibwa. ³² Buli muntu alikoopa omwana wa muntu alisaarirwa,baitu buli muntu alityoboola omwoyo ogwikiiri talisaasirwa, gonze omumiijo jaati, gonze omiijo ogikwaaba kwiza. ³³ Oba muyindule omusaali ogusai, nebibala byawo bibbe bisai, oba muyindule omusaale ogubbi nebibala byagwo bibbe bibbi, kubanga omusaale gumanyibwa kubibala byagwo ³⁴ Naye abaana ba njoka, muyinza mutya okusimoola ebigambo ebisai nga ate muli babbi? Kubbanga okwebyo ebizula omu mwoyo okanwa bye kasimoola. ³⁵ Omuntu omusai ebisai abiya mwe ibikiro erisai, n'omuntu omubbi ebibbi ebiya mwi ibikiri eribbi. ³⁶ Era nakoba nti buli kigambo ekitaalumu abantu nikyo Matayo basimoola, balikiwezera okulunaku olwa musango. ³⁷ Kubbanga ebigambo byamu nibye birikuweesya obwikiiri, bigambo byamu nibyo birikusingisya omusango. ³⁸ Awo abaandiiki, abandi n'bafalisaayo nibamwiramu nibamukoba bati omwegesya, tukwendya otulage akamanyisyo tukabone. ³⁹ Yeena nairamu nabakoba ati aba miijo egibbi era bwenzi baswaga akamanyisyo, ate tibaliweebwa kamanyisyo wabula akamanyisyo aka nnabbi Oyona. ⁴⁰ Kubba nka Oyona niyamaare enaaku eisatu, emisana n'obwiire munda ya ncwi, atyo n'omwana wa muntu nalimala ennaaku eisatu emisana n'obwiire, omu mwoyo gwa itakali. ⁴¹ Abantu aba Nineevi balyemeera omu musango omwe na bantu aba miijo gini, era balibasingisya omusango, kubbanga Oyona ni yabakobeire ni beenenya, era bona asinga Oyona ali mpanu. ⁴² Omukama omukali owa mubulwira bwa gulyo alyemeera omu musango amwe n'abaana aba miijo gini, era alibasingisya omusango, kubbanga yazwiire ku mwiso gwa nsi okuwuura amagezi ga Sulumaani, era bona akira Osulumaani ali mpanu. ⁴³ Baitu odaimooni omubbi nazwa omu muntu, atambula omu migera egikalu, nga akuswagana awakuwumuura, baitu nabulwa. ⁴⁴ Ale akobe ati irayo omunnyumba yange mwe zwa naikamu, agibona nka jereere, enyiriire, nka esayiriibwe. ⁴⁵ . Awo ayaba, naleteraku aba daimooni abandi musaanju abamusinga obubbi, boona nibaingira babbe omwo, ne luzwanyuma ebya muntu oyo birisinga obubbi ebya kwekeera. Nimwo kiribba kityo aba miijo gini egibbi. ⁴⁶ Niyaali nga akusimoola ne bibbuura, bona, omaamwe na baganda bamwe baali bemereire nzai, nga bakwendya okusimoola naye. ⁴⁷ Omuntu namukoba nti bona, omaawo n'abaganda baamu bemereire enzai, bakwendya kusimoola naawe. ⁴⁸ Yeena nairamu namukoba oyo amukobeire ati, ''naani omaange?'' Ba naani abaganda bange? ⁴⁹ Naimula omukono gwamwe eri abegesya baamwe, nakubakoba ati, ''bona, ommange n'abaganda bange! ⁵⁰ Kubbanga buli akola oitange ali omwiguru byakwendya,niye muganda wange, niye mwonyoko wange, niye mmaange.