¹ Nikyo nzwa mbegaiira nje omubuwe oMukama waiswe okutambulanga, nka nikisanira okwetebwa kwe mwayeteibwe, ² nobuculeeri bwoona no buwumbeeki no kugumikiriza nka mukwekumira ebyama buli omwei ekya mwirawamwe omukwendyangana. ³ Nka mukwekamba okwe kuuma obumwei obwa mwooyo nka mu kukumibwa emirembe. ⁴ Omubiri guli gumwei,no’mwooyo omwei erate nka nanywe nimwayeteibwe omukusubira okumwei okwakwetebwa kwanywe; ⁵ oMukama waiswe omwei, okwikiriza kumwei, okubatiza kumwei, ⁶ oKanca omwei oitamwe wa bwoona bwoona, afuga byoona byoona, ayakala omu byonna , erate ali mu byoona byoona. ⁸ Nikyo azwa nakoba ati, niyaninire aigguru, nanyaga, okunyaga, naawa abantu ebirabo. ⁷ Baitu buli muntu omwiswe, yawereibwe ekisa nka ekipimo kya kirabo kya Kristo nikiri ⁹ Baitu ekigambo ekyo nti, " yaniinire", kitegeeza ki, wabula okukoba nti yaninunkire naika ansi wansi. ¹⁰ . Eyaninukire erate niye oyo eyaninire aigguru omuno okusinga eigguru lyoona lyoona asobole okwizulya ebintu byoona byoona. ¹² Olwa kuteekateeka abaikiriiri olwa mulumo no kuwereza, no kwomboka omubiri gwa K,risto ¹³ Okwiica nituliika iswena iswena omu bumwei bwa kwikiriza no bwa kwetejja omwana wa oKanca, niwiika okubba omuntu omukulu okwiica okupimo ekya bukulu obwa kwikiira kwa kristo; ¹¹ Erate oyo naawa abandi okubba abakwenda na bandi barangi, abandi ba buulizi na bandi baliisya na begesya, ¹⁴ tulekenge kwiramu okubba abaana abato nka tukuyugayug no’kutwalibwa buli mpunngo owa kwegeresya omu bukurupya bwa bantu, omunkwe, olwa kusengerya okuteesa kwa bubeyegi. ¹⁵ Baitu tusumoolenge amazuma omu kwendyangananga tusobole okula okwiika omu ye omu byoona byoona,nigwo mutwe oKristo, ¹⁶ omu ye omubiri gwona gwona nimwo gwe gaitira okusai nigugumira amwei, buli nnyingo nka ereeta ebyoyo, nka okukola omu kipimo kya buli kitundu nikiri, omubiri gweyongere okukula olwa kweyomboka omu kwendyangana. ¹⁷ Nikyo nzwa nsimoola kini nintegeeza omu Mukama waiswe nnywe mulekenge okutambula nka abapaati ni batambula omu birowoozo byabwe ebitalumu. ¹⁸ Nka balikiribwa amagezi gaabwe nka bawulibwa okuswa omu bwoomi bwa Kanca olwa butetejja obu balimu obuletebwa obukakanyali bwa myooyo zabwe. ¹⁹ Olwakubba beerabiire okulumwa ni bewaayo omu bwenzi okukolanga ebya’bugwagwa bwoona bwoona omu kwegomba. ²⁰ Baitu nnywe timwayegere mutyo OKristo, ²¹ nimubba nka mwawuliire nimwegesebwa omu ye nka amazuma nigali omu Yesu. ²² mwetoleku omuntu owairai aisana embeera za bwoomi bwanywe ezairi eyasinsikaire olwa kwegomba kwa bubeyegi. ²³ Erate mwiribwe buyaaka omu mwooyo gwa birowoozo byanywe, ²⁴ okuzwaale omuntu omukyaka eyatondeibwe omu kifananyi kya Kanca omubwikiriiri no mubwikiiri obwa mazuma. ²⁵ Ale mweyambule obubeyegi musimoolenge amazuma buli muntu no mwiramwe, olwakubba tuli bitundu bya bairaiswe iswenkai naiswenkai. ²⁶ Mugongerenge baitu mutasisanga, eisana lirekenge kugwa nka mukyagongeire ²⁷ Erate okuwa ositaani eibbanga. ²⁸ Eyaibbanga alekenge okwiibba te baitu aakiri yekalangulenge okukola ne’mikono zaamwe ebisai, asobole okubba ne kyakuwa oyo alina kya kwendya. ²⁹ Buli kigambo ekijundi kirekenge okuzwa omukanwa kaanywe baitu ekisai ni kyabbangawo olwa kwomboka nka omuntu na kwendeya abawuura kibawenge ekisa. ³⁰ .ale mutanakulyanga mwoyo omweruki owa kanca eyabatekeseryeku akabonero okwiikya olunaku ³¹ okusaara kwoona kwoona n’obusungu, n’obwandi n’okukayana, n’okuzuma bibazwengeku amwe neittima lyoona lyoona. ³² Era mubbenge n’obusai nywenkai na nywenkai babekwatiire ekisai nga musasirangana ate nka okanca niyabasasire omu kuristo.